1 ml eritma tarkibida faol modda vodorod periks - 3 ml yordamchi moddalari tozalangan suv 100 ml gacha

Yangi va infeksiyalangan jarohatlarda, otitlarda, anginalarda, stomatologik va ginekologik kasalliklarda, shuningdek, yuzaki jarohatlardan, burundan va boshqa shunga o‘xshash hollarda mayda kapillyar qon ketishini to‘xtatish uchun yuvish va chayish uchun.

Vodorod peroksidiga yuqori sezuvchanlik.

Tashqi, chayish va yuvish ko‘rinishida. Og‘iz va tomoqni chayish uchun 0,25% eritma qo‘llaniladi, bu 3% eritmani xona haroratidagi distillangan yoki qaynatilgan suvda 1:11 nisbatda suyultirish yo‘li bilan tayyorlanadi.

Jarohatni davolash paytida kuydiruvchi hissi bo‘lishi mumkin. Ayrim hollarda – allergik reaksiyalar.

Oksidlovchi guruhga mansub antiseptik vosita. Vodorod peroksidi shikastlangan teri va shilliq qavatlar bilan kontaktda bo‘lganda faol molekulyar kislorod ajralib chiqadi, bunda mexanik tozalash va organik moddalarning (proteinlar, qon, irinq) inaktivatsiyasi yuz beradi. Preparatning antiseptik ta’siri sterilizatsiyalovchi emas, uni qo‘llashda mikroorganizmlar soni vaqtincha kamayadi. Vodorod peroksidi, shuningdek, gemostatik va dezodoratsiyalovchi xususiyatlarga ega.

Bo‘shliqlarni yuvish uchun qo‘llanilmaydi. Preparat ishqoriy muhitda, metall tuzlari, ba’zi oksidlovchilarning murakkab radikallari ishtirokida, shuningdek, yorug‘lik va issiqlikda barqaror emas. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.