1 ml eritma tarkibida:

faol modda: peptidlar kompleksi konsentrat 215,2 mg yoki kukun 40 mg (cho‘chqa yoki buqa bosh miyasidan olingan peptidlar kompleksi).

yordamchi modda: natriy gidroksid, in'ektsiya uchun suv 1 ml gacha.

Tsebrovaskulyar yetishmovchilik (disirkulyator ensefalopatiya), ishemik insult (o‘tkir faza va reabilitatsiya bosqichida), gemorragik insultdan keyingi holat, miya travmatik shikastlanishlari (miya chayqalishi, bosh miya jarohati, miya ustida jarrohlik aralashuvidan keyingi holat), bolalarda aqliy rivojlanishning orqada qolishi, bolalarda diqqatni jamlash qobiliyatining pasayishi, demensiyaning turli genezli sindromi (presenil – Altsgeymer kasalligi, senil altsgeymer tipidagi, tomirli – ko‘p infarktli shakli, aralash shakllar), endogen depressiya, antidepressantlarga chidamli (kompleks terapiya tarkibida).

Gipersensitivlik, o'tkir buyrak yetishmovchiligi, epileptik status.

Extiyotkorlik bilan: homiladorlik (I trimestr), laktatsiya davri.

Preparat parenteral tarzda qo‘llaniladi. Doza va qo‘llash davomiyligi kasallikning xususiyati va og‘irligiga, shuningdek, bemorning yoshiga bog‘liq. Preparatni bir martalik 50 ml gacha dozada yuborish mumkin, biroq davolash kursini o‘tkazish afzalroq hisoblanadi.

Tavsiya etilgan davolash kursi 10-20 kun davomida har kuni in'ektsiyalarni o‘z ichiga oladi.

O‘tkir holatlar (ishemik insult, bosh miya jarohati, neyroxirurgik operatsiyalar asoratlari) - 10 ml dan 50 ml gacha

Insult va bosh va orqa miya travmatik shikastlanishlarining rezidual davrida - 5 ml dan 50 ml gacha

Psihoorganik sindrom va depressiya - 5 ml dan 30 ml gacha

Altsgeymer kasalligi, tomirli va aralash altsgeymer-tomirli genezli demensiya - 5 ml dan 30 ml gacha

Neyropediatrik amaliyotda - 0,1-0,2 ml/kg tana vazniga

Davolash samaradorligini oshirish uchun bemorning holati yaxshilanishi kuzatilguncha takroriy kurslar o‘tkazilishi mumkin. Birinchi kursdan so‘ng in'ektsiyalarni o‘tkazish tez-tezligi haftasiga 2 yoki 3 martagacha kamaytirilishi mumkin.

Preparat parenteral tarzda v/m in'ektsiyalar (5 ml gacha) va v/v in'ektsiyalar (10 ml gacha) ko‘rinishida qo‘llaniladi. 10 ml dan 50 ml gacha doza preparatni faqat standart infuzion eritmalar bilan suyultirilgandan so‘ng sekin v/v infuziyalar orqali yuborish tavsiya etiladi. Infuziyalar davomiyligi 15 daqiqadan 60 daqiqagacha.

Ovqat hazm qilish tizimi tomonidan: ko'ngil aynishi, qusish, diareya, anoreksiya, qorin og'rig'i, soxta membranoz enterokolit, jigar transaminazalari faolligining oshishi, giperbilirubinemiya, gepatit, disbakterioz.

Yurak-qon tomir tizimi tomonidan: arterial bosimning pasayishi, tomir kollapsi, taxikardiya.

Modda almashinuvi tomonidan: gipoglikemiya (ishtahaning oshishi, terlash, titroq).

Markaziy asab tizimi va periferik asab tizimi tomonidan: bosh og'rig'i, bosh aylanishi, holsizlik, uyquchanlik, uyqusizlik, paresteziya, xavotir, qo'rquv, gallyutsinatsiyalar, ongning chalkashishi, depressiya, harakat buzilishlari, tutqanoq.

Sezgi organlari tomonidan: ko'rish, eshitish, hid bilish, ta'm va taktil sezuvchanlikning buzilishi.

Suyak-mushak tizimi tomonidan: artralgiya, mialgiya, paylarning uzilishi, mushak zaifligi, tendinit.

Siydik ajratish tizimi tomonidan: giperkreatininemiya, interstitsial nefrite.

Qon hosil qilish tizimi tomonidan: eozinofiliya, gemolitik anemiya, leyopeniya, neytropeniya, agranulositoz, trombotsitopeniya, panstsitopeniya, gemorragiyalar.

Dermatologik reaksiyalar: fotosensibilizatsiya, qichishish, teri va shilliq qavatlarning shishishi, yomon sifatli ekssudativ eritema (Stivens-Djonson sindromi), toksik epidermal nekroliz (Layell sindromi).

Allergik reaksiyalar: toshma, bronxospazm, bo'g'ilish, anafilaktik shok, allergik pnevmonit, vaskulit.

Boshqalar: porfiriyaning kuchayishi, rabdomioliz, doimiy isitma, superinfeksiya rivojlanishi.

Preparat gematoentsefalik to‘siqdan o‘tib, to‘g‘ridan-to‘g‘ri nerv hujayralariga yetib boradigan past molekulyar biologik faol neyropeptidlarni o‘z ichiga olgan kontsentrat hisoblanadi.

Preparat miyaning aerob energiya almashinuvining samaradorligini oshiradi, rivojlanayotgan va qarib borayotgan miyada hujayra ichidagi oqsil sintezini yaxshilaydi.

Neyronlarni zararli ta’sirdan himoya qiladi.

Preparat neyron-spesifik neyrotrofik faollikka ega.

Preparat kognitiv funksiyalar buzilishida ijobiy ta’sir ko‘rsatadi, diqqatni jamlashni, qisqa muddatli xotira bilan bog‘liq ma’lumotlarni eslab qolish va qayta tiklash jarayonlarini yaxshilaydi, ko‘nikmalarni egallash va saqlab qolish qobiliyatini oshiradi, aqliy faoliyat jarayonini faollashtiradi, kayfiyatni yaxshilaydi, ijobiy emotsiyalar shakllanishiga yordam beradi va shu tariqa xulq-atvorga modulyator ta’sir ko‘rsatadi.

Ampula ochilgandan so'ng eritma darhol ishlatilishi kerak.

Dorini homiladorlik davrida (ayniqsa I trimestrda), emizish davrida faqat davolashning ijobiy ta'siri va qo'llash bilan bog'liq xavf o'rtasidagi nisbatni sinchiklab tahlil qilgandan so'ng buyurish mumkin.

Preparat transport vositasini va potensial xavfli mexanizmlarni boshqarishga ta'sir ko'rsatmaydi.