Dori vositasini qo‘llash vaqtida, me’da-ichak trakti kasalliklaridan shikoyat qilayotgan yoki anamnezida me’da yoki ichakning yara kasalliklari bo‘lgan bemorlar, yarali kolit yoki Kron kasalligidan aziyat chekayotgan, jigar funksiyasi buzilgan bemorlar ustidan shifokor tomonidan diqqatli nazorat talab etiladi. Pardifen preparatini, boshqa YOKV (ya’ni nosteroid yallig‘lanishga qarshi vositalar) kabi qo‘llashda bir yoki bir nechta jigar fermentlari faolligi oshishi mumkin. Shuning uchun Pardifen preparati bilan uzoq muddatli davolashda ehtiyot chorasi sifatida jigar funksiyasini muntazam tekshirish tavsiya etiladi. Agar funksional ko‘rsatkichlar buzilishi kuchaysa yoki jigar kasalligiga ishora qiluvchi simptomlar rivojlansa yoki boshqa nojo‘ya ta’sirlar (masalan, eozinofiliya, toshma va boshqalar) paydo bo‘lsa, Pardifen bekor qilinishi lozim. Pardifen preparatini jigar porfiriyasi simptomlari bo‘lgan bemorlarda qo‘llashda ham ehtiyotkorlik zarur, chunki preparat uning xurujlarini qo‘zg‘atishi mumkin. Prostaglandinlar buyrak qon aylanishini ta’minlashda muhim rol o‘ynaydi, shuning uchun Pardifen preparati bilan davolashda yurak yoki buyrak funksiyasi buzilgan bemorlar, keksalar, diuretik vositalar qabul qilayotgan bemorlar, shuningdek, aylanayotgan qon hajmi sezilarli darajada kamaygan (masalan, jarrohlik aralashuvlardan so‘ng) shaxslarda alohida ehtiyotkorlik zarur. Bunday hollarda Pardifen preparatini qo‘llash vaqtida ehtiyot chorasi sifatida buyrak funksiyasini muntazam nazorat qilish tavsiya etiladi. Preparatni to‘xtatish odatda buyrak funksiyasining dastlabki darajasiga qaytishiga olib keladi. Preparatni uzoq muddatli qo‘llashda, boshqa YOKV kabi, periferik qon manzarasini tizimli nazorat qilish ko‘rsatilgan. Pardifen trombotsitlar agregatsiyasini vaqtincha susaytirishi mumkin. Shuning uchun gemostaz buzilishi bo‘lgan bemorlarda laborator ko‘rsatkichlarni diqqat bilan nazorat qilish zarur. Pardifen preparatini qo‘llashda keksalarda, ayniqsa, zaif va tana vazni kam bo‘lgan bemorlarda ham ehtiyotkorlik zarur. 

Avtomobil boshqarish va mexanizmlar bilan ishlash qobiliyatiga ta’siri

Preparatni qo‘llash vaqtida bosh aylanishi yoki ko‘rish buzilishi sezgan bemorlar avtomobil boshqarmasliklari yoki potensial xavfli mexanizmlar bilan ishlamasliklari lozim.