Yengil va o'rtacha og'riq sindromi (artralgiya, mialgiya, nevralgiya, migren, tish va bosh og'rig'i, algodisminoreya), infeksion-yallig'lanish kasalliklarida isitma (shu jumladan virusli infeksiyalarda).

- preparat komponentlariga individual yuqori sezuvchanlik; - 6 yoshgacha bo'lgan bolalar (ushbu dori shakli uchun). Ehtiyotkorlik bilan Buyrak va jigar yetishmovchiligi, virusli gepatit, alkogolli jigar shikastlanishi, alkogolizm, yaxshi sifatli gipyerbilirubinemiyalar (Jilber, Dubin-Jonson va Rotor sindromlari), glyukoza-6-fosfatdegidrogenaza yetishmovchiligi, keksalik, homiladorlik, laktatsiya davri.

Og'iz orqali, ovqatdan oldin yoki ovqatdan 1-2 soat o'tgach, ko'p miqdorda suyuqlik bilan qabul qilinadi. Kattalar va 12 yoshdan katta o'smirlar (tana vazni 40 kg dan ortiq) uchun bir martalik doza - 500 mg; maksimal bir martalik doza - 1 g. Maksimal sutkalik doza - 4 g. Bolalarda paratsetamol doza yoshi va tana vazniga qarab hisoblanadi. 6-9 yoshli bolalar (vazni 30 kg gacha): bir martalik doza - 250 mg (1/2 tabletka); maksimal sutkalik doza – 1 g; 9-12 yoshli bolalar (vazni 30 dan 40 kg gacha): bir martalik doza – 250-500 mg (1/2 tabletka - 1 tabletka), maksimal sutkalik doza - 2 g (4 tabletka). Qabul qilish tez-tezligi sutkada 4 martadan ko'p bo'lmasligi va oraliq kamida 4 soat bo'lishi kerak. Jigar va buyrak faoliyati buzilgan, yaxshi sifatli gipyerbilirubinemiyali va keksalarda sutkalik doza kamaytirilishi va qabul qilishlar orasidagi oraliq oshirilishi kerak. Davolash davomiyligi isitmani tushiruvchi sifatida 3 kundan, og'riq qoldiruvchi sifatida 5 kundan oshmasligi kerak. Davolashni davom ettirish faqat shifokor bilan maslahatlashgandan so'ng mumkin. Belgilangan dozani oshirmang! Paratsetamolni dozani oshirib yuborish jigar yetishmovchiligiga sabab bo'lishi mumkin.

Ko'ngil aynishi, qusish, qorin og'rig'i. Allergik reaksiyalar (terida toshma, qichishish, eshakemi, Kvinke shishi). Kamdan-kam hollarda - leyopeniya, agranulositoz, trombotsitopeniya. Uzoq muddat katta dozalarda qo'llanganda – gepatotoksik va nefrotoksik (interstitsial nefrite va papillyar nekroz) ta'sir; gemolitik anemiya, aplastik anemiya, metgemoglobinemia, panstsitopeniya.

Paratsetamol og'riq qoldiruvchi va isitmani tushiruvchi ta'sirga ega. Preparat markaziy asab tizimida siklooksigenazani bloklaydi, og'riq va termoregulyatsiya markazlariga ta'sir ko'rsatadi. Yallig'langan to'qimalarda hujayra peroksidazalari paratsetamolning siklooksigenazaga ta'sirini neytrallaydi, bu esa sezilarli yallig'lanishga qarshi ta'sirning yo'qligini tushuntiradi. Preparat suv-tuz almashinuvi va me'da-ichak yo'llari shilliq qavatiga salbiy ta'sir ko'rsatmaydi.

Siptomlar: teri oqarishi, ko'ngil aynishi, qusish, anoreksiya, qorin og'rig'i; glyukoza almashinuvining buzilishi, metabolik atsidoz. Jigar faoliyatining buzilishi simptomlari dozani oshirib yuborgandan 12-48 soat o'tgach paydo bo'lishi mumkin. Og'ir dozani oshirib yuborishda - jigar yetishmovchiligi, progreslovchi ensefalopatiya, koma, o'lim; o'tkir buyrak yetishmovchiligi, naychali nekroz; aritmiya, pankreatit. Kattalarda gepatotoksik ta'sir 10 g va undan ko'p qabul qilinganda namoyon bo'ladi. Davolash: zaharlanishdan 4 soatdan kechiktirmay me'dani yuvish, adsorbentlar (faollashtirilgan ko'mir) qabul qilish. Metionin yuborish 8-9 soat davomida, atsetilsistein esa 8 soat davomida muhim. Qo'shimcha terapevtik chora-tadbirlar zarurati paratsetamolning qondagi konsentratsiyasi va uni qabul qilgandan keyin o'tgan vaqtga qarab aniqlanadi.

Agar paratsetamol qabul qilganda ahvol yaxshilanishi kuzatilmasa yoki bosh og‘rig‘i doimiy bo‘lib qolsa, shifokorga murojaat qilish zarur. Paratsetamol qabul qilish fonida isitma sindromi 3 kundan ortiq va og‘riq sindromi 5 kundan ortiq davom etsa, shifokor maslahati talab etiladi. Glutation yetishmovchiligi bo‘lgan bemorlar dozani oshirib yuborishga moyil, ehtiyot choralariga rioya qilish zarur. Ovqatlanish buzilishi, kistofibroz, OIV-infeksiya, ochlik, ozib ketish natijasida glutation yetishmovchiligi paratsetamolning kichik dozalarida (5 g va undan ko‘p) og‘ir jigar shikastlanishi rivojlanishiga olib kelishi mumkin. Glutation darajasi past bo‘lgan bemorlarda, xususan, anoreksiya, surunkali alkogolizm bilan og‘rigan yoki tana massasi indeksi past bo‘lgan juda ozib ketgan bemorlarda jigar yetishmovchiligi va jigar funksiyasi buzilishi holatlari qayd etilgan. Alkogolizmda jigar shikastlanishi bo‘lgan bemorlarda jigar shikastlanishi rivojlanish xavfi ortadi. Paratsetamol qabul qilish plazmadagi glyukoza va siydik kislotasini miqdoriy aniqlashda laboratoriya ko‘rsatkichlariga ta’sir qiladi. Uzoq muddatli davolashda periferik qon manzarasi va jigar funksional holatini nazorat qilish zarur. Paratsetamol Stivens-Djonson sindromi, toksik epidermal nekroliz, o‘tkir generalizatsiyalashgan ekzantematoz püstulez kabi jiddiy teri reaksiyalarini chaqirishi mumkin, ular o‘limga olib kelishi mumkin. To‘shma yoki boshqa gipersensitivlik reaksiyalari birinchi belgilari paydo bo‘lishi bilan preparatni qabul qilish to‘xtatilishi va darhol shifokorga murojaat qilinishi kerak. Bemorda o‘tkir virusli gepatit aniqlansa, preparatni qabul qilishni to‘xtatish zarur. Paratsetamol saqlovchi boshqa preparatlar bilan bir vaqtda qabul qilinmasin. Jigar toksik shikastlanishining oldini olish uchun paratsetamolni alkogolli ichimliklar bilan birga, shuningdek, surunkali alkogol iste’moliga moyil shaxslarga qabul qilish tavsiya etilmaydi. Transport vositalari va mexanizmlarni boshqarish qobiliyatiga ta’siri Paratsetamolning avtomobil yoki boshqa mexanizmlarni boshqarish qobiliyatiga ta’siri haqida ma’lumot yo‘q. Biroq, mumkin bo‘lgan nojo‘ya reaksiyalarni hisobga olib, paratsetamol qabul qilishda transport vositalari va mexanizmlarni boshqarishda ehtiyotkorlik tavsiya etiladi.