PARAFLOKS quyidagi infeksiyalarni yengil, o‘rta va og‘ir shakllarida, sezgir patogen mikroorganizmlar shtammlari chaqirgan hollarda davolash uchun ko‘rsatilgan, ya’ni
• • Streptococcus pneumoniae, Haemophilus influenzae yoki Moraxella catarrhalis chaqirgan o‘tkir yuqori jag‘ sinusiti;
• • Staphylococcus aureus, Streptococcus pneumoniae, Haemophilus influenzae yoki Moraxella catarrhalis chaqirgan surunkali bronxitning asoratlangan shakli;
• • Staphylococcus aureus, Streptococcus pneumoniae, Haemophilus influenzae, Klebsiella pneumoniae, Moraxella catarrhalis, Chlamydia pneumoniae, Legionella pneumophila yoki Mycoplasma pneumoniae chaqirgan statsionar (nozokomial) pnevmoniya;
• • Escherichia coli, Klebsiella pneumoniae yoki Staphylococcus saprophyticus chaqirgan murakkab va murakkab bo‘lmagan siydik yo‘llari infeksiyalari; • Escherichia coli chaqirgan o‘tkir pielonefrit;
• • Staphylococcus aureus, Streptococcus pyogenes, Proteus mirabilis yoki Enterococcus faecalis chaqirgan murakkab va murakkab bo‘lmagan teri va yumshoq to‘qimalar infeksiyalari, shu jumladan abstsesslar, sellyulit, furunkullar, impetigo, piodermiya, yara infeksiyalari;
• • Enterobacter sp., Escherichia coli, Campylobacter sp., Vibrio cholerae, Shigella sp., Salmonella sp. chaqirgan ichak infeksiyalari. 

PARAFLOKS levfloksasin yoki boshqa xinolon antibiotiklarga ma’lum yuqori sezuvchanligi bo‘lgan bemorlarga kontrendikatsiya qilingan.
Levfloksasin infuziya uchun eritmasi quyidagi hollarda qo‘llanilmasligi kerak
• - epilepsiyasi bo‘lgan bemorlarda.
• - ftorxinolon antibiotiklarini qabul qilish natijasida paylar bilan bog‘liq muammolari bo‘lgan bemorlarda.
• - bolalar yoki o‘smirlarda.
• - homiladorlik davrida.
• - emizikli ayollarda. 

 Levofloksatsin infuziya uchun eritmasi sekin vena ichiga infuziya qilish yo‘li bilan kuniga bir yoki ikki marta qo‘llaniladi. Doza infeksiya turi va og‘irlik darajasi hamda kasallik qo‘zg‘atuvchisi bo‘lgan patogenning sezuvchanligiga bog‘liq.
Levofloksatsin bilan davolash kursi dastlabki vena ichiga infuziya kursidan so‘ng, preparatning og‘iz orqali qabul qilinadigan shakllari bilan davom ettirilishi mumkin. Chunki levofloksatsinning peroral so‘rilishi tez va to‘liq bo‘ladi, sutkalik doza peroral va vena ichiga yuborishda bir xil bo‘ladi.

Kattalar

• - O‘tkir sinusit 500 mg kuniga bir marta 10-14 kun davomida.
• - Surunkali bronxitning asoratlangan holati 500 mg kuniga bir marta 7 kun davomida (asosiz), 750 mg kuniga bir marta 5 kun davomida (asoratlangan).
• - Statsionar (nozokomial) pnevmoniya 500 mg kuniga bir marta 7-14 kun davomida.
• - Asoratsiz siydik yo‘llari infeksiyalari 250 mg kuniga bir marta 3 kun davomida.
• - Asoratlangan siydik yo‘llari infeksiyalari va o‘tkir pielonefrit 250 mg kuniga bir marta 7-10 kun davomida.
• - Asoratsiz teri va yumshoq to‘qimalar infeksiyalari 500 mg kuniga bir marta 7-10 kun davomida.
• - Asoratlangan teri va yumshoq to‘qimalar infeksiyalari 750 mg kuniga bir marta 7-14 kun davomida.
• - Ichak isitmasi 500 mg kuniga bir marta 7-14 kun davomida. Diareya, xolera, bakterial dizenteriya va enterit - yengil – o‘rtacha shakllar 500 mg (bir martalik doza). - o‘rtacha – og‘ir shakllar 500 mg kuniga bir marta 3 kun davomida.
Bolalar Levofloksatsin, infuziya uchun eritma, faqat foyda xavfdan ustun bo‘lsa qo‘llanilishi kerak. Pediatriyada 14 kundan ortiq davolash davomiyligida xavfsizligi o‘rganilmagan. - 6 oylikdan 5 yoshgacha bo‘lgan bolalar 10 mg/kg har 12 soatda. - 5 yoshdan katta bolalar 10 mg/kg har 24 soatda.
Bubirga, buyrak funksiyasi buzilgan bemorlarga kreatinin klirensining miqdoriga qarab dozalash tartibini tuzatish talab qilinadi.
 

 Ovqat hazm qilish tizimi tomonidan ko‘ngil aynishi, qusish, diareya (shu jumladan, qonni), ovqat hazm qilish buzilishi, ishtahaning pasayishi, qorin og‘rig‘i, soxta membranoz kolit; “jigar” transaminazalarining faolligining oshishi, giperbilirubinemiya, gepatit, disbakterioz.
Yurak-qon tomir tizimi tomonidan arterial bosimning pasayishi, tomir kollapsi, taxikardiya, QT intervalining uzayishi, miltillovchi aritmiya.
Modda almashinuvi tomonidan gipoglikemiya (ishtahaning oshishi, ko‘p terlash, titroq, asabiylik), giperglikemiya (og‘iz qurishi, chanqoq, ko‘p siyish, charchoq, ko‘rishning xiralashuvi, terining qurishi yoki qichishi, aritmiya).
Nerv tizimi tomonidan bosh og‘rig‘i, bosh aylanishi, holsizlik, uyquchanlik, uyqusizlik, tremor, bezovtalik, paresteziya, qo‘rquv, gallyutsinatsiyalar, ongning chalkashishi, depressiya, harakat buzilishlari, tutqanoq.
Sezgi organlari tomonidan ko‘rish, eshitish, hid bilish, ta’m va taktil sezuvchanlikning buzilishi.
Harakat-tayanch tizimi tomonidan artralgiya, mushak zaifligi, mialgiya, paylarning yorilishi, tendinit, rabdomioliz.
Siydik ajratish tizimi tomonidan giper kreatininemiya, interstitsial nefrite, o‘tkir buyrak yetishmovchiligi.
Qon hosil qiluvchi organlar tomonidan eozinofiliya, gemolitik anemiya, leyopeniya, neyropeniya, agranulositoz, trombotsitopeniya, pansitopeniya, gemorragiyalar.
Allergik reaksiyalar terining qichishi va giperemiyasi; teri va shilliq qavatlarning shishi, toshma, yomon sifatli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospazm, bo‘g‘ilish, anafilaktik shok, allergik pnevmonit, vaskulit.
Boshqalar fotosensibilizatsiya, asteniya, porfiriyaning kuchayishi, doimiy isitma, superinfeksiya rivojlanishi. 

 Temir, kalsiy, sink yoki magniy ionlari levofloksasin va boshqa ftorxinolon antibiotiklari bilan birikib, ularning ichakdan qonga so‘rilishiga to‘sqinlik qilishi mumkin. Shunday qilib, temir, kalsiy, sink yoki magniy saqlovchi preparatlarni (masalan, antatsidlar) levofloksasin qabul qilishdan kamida 2 soat oldin yoki 2 soatdan keyin qabul qilish kerak. Ushbu minerallarni o‘z ichiga olgan va levofloksasin bilan xuddi shunday o‘zaro ta’sir qilishi mumkin bo‘lgan boshqa preparatlarga sukralfat (karafat) va didanozin (videx, videx EC) kiradi.
Nesteroid yallig‘lanishga qarshi preparatlarni (NYaQP) levofloksasin bilan bir vaqtda qabul qilish markaziy asab tizimini stimulyatsiya qilish xavfini oshirishi mumkin, bu esa haddan tashqari qo‘zg‘aluvchanlikka olib kelishi mumkin.
Shuningdek, ftorxinolon antibiotiklari va qandli diabetga qarshi preparatlar buyurilgan bemorlarda qonda qand miqdorining o‘zgarishi (oshishi va kamayishi) haqida xabarlar mavjud.
Ftorxinolon antibiotiklarini qabul qilish qonda teofillin (teodur), siklosporin (sandimmun, neoral) darajasining oshishiga va varfarin (kumadin) ta’sirining o‘zgarishiga olib kelishi mumkin. 

 Levofloksasin qo‘llashni boshlashdan oldin, ushbu preparatga allergiyangiz borligi; yoki xinolonlar guruhi antibiotiklariga, masalan, tsiprofloksasin, gatifloksasin, gemifloksasin yoki moksifloksasinga allergiyangiz borligi; yoki boshqa turdagi allergiyalar haqida davolovchi shifokoringizga yoki farmatsevtga xabar bering.
Ushbu preparatni qo‘llashni boshlashdan oldin, o‘z kasallik tarixingiz, ayniqsa, serebral buzilishlar yoki asab tizimi kasalliklari (masalan, serebral arterioskleroz, o‘smalar, bosh ichki bosimining oshishi), yurak kasalliklari (masalan, kardiomiopatiya, puls tezligining pasayishi, qorinchalar fibrillyatsiyasi-flutteri, Qtc intervalining uzayishi), tutqanoq, buyrak kasalliklari, mushak/bo‘g‘im/tomirlar bilan bog‘liq muammolar, elektrolitlar muvozanatining buzilishi (masalan, kaliy darajasining pastligi) haqida davolovchi shifokoringizga yoki farmatsevtga xabar bering.
Ushbu preparatni qo‘llash fotosensitivlikni oshirishi mumkin. Quyoshda, solyariyda yoki ultrabinafsha nurlanish ostida uzoq vaqt bo‘lishdan saqlaning. Quyoshdan himoyalovchi kremlardan foydalaning va tashqarida bo‘lganingizda quyoshdan himoyalovchi kiyim kiying.
Diabet bilan kasallangan, insulin yoki og‘iz orqali qabul qilinadigan antidiyabetik preparatlar (masalan, gliburid) qabul qilayotgan bemorlarda infeksion kasallik yoki levofloksasin qabul qilish natijasida qonda glyukoza darajasi o‘zgarishi mumkin. Levofloksasin qabul qilinayotganda qonda glyukoza darajasini muntazam nazorat qilish zarur, qonda shakar darajasining oshishi yoki pasayishi simptomlari paydo bo‘lsa, davolovchi shifokoringizga xabar bering. Qonda shakar darajasining oshishi simptomlariga chanqoqning kuchayishi va siydik ajralishining tezlashishi kiradi. Qonda shakar darajasining pasayishi simptomlariga bosh aylanishi, ochlik hissi, terlash va yurak urishining tezlashishi kiradi.
Ushbu preparat keksa yoshdagi bemorlarga ehtiyotkorlik bilan buyuriladi, chunki ular nojo‘ya ta’sirlarga (masalan, bog‘lamlar bilan bog‘liq muammolar, ayniqsa, bir vaqtda prednizon kabi kortikosteroid preparatlar buyurilgan bo‘lsa) ko‘proq moyil.

Ushbu preparatni homiladorlikda qo‘llash faqat haqiqiy zarurat bo‘lsa asosli bo‘lishi mumkin. Ushbu preparatni qo‘llashning xavf va foydasini davolovchi shifokoringiz bilan muhokama qiling. Xuddi shu sinfga mansub preparatlar haqidagi ma’lumotlarga ko‘ra, levofloksasin ona sutiga o‘tishi mumkin. Ushbu preparat bilan davolash davomida emizish tavsiya etilmaydi. Emizishni boshlashdan oldin davolovchi shifokoringiz bilan maslahatlashing.
Pediatriyada qo‘llanishi Ushbu preparat bolalarga ehtiyotkorlik bilan buyuriladi. Batafsil ma’lumot olish uchun davolovchi shifokoringizga murojaat qiling.
Preparatni bolalar ololmaydigan joyda saqlang va yaroqlilik muddati o‘tgach ishlatmang.
 

 O‘tkir dozani oshirib yuborish holatida, me’da yuvish amalga oshirilishi kerak. Bemor shifokor nazoratida bo‘lishi va yetarli miqdorda suyuqlik qabul qilishi lozim. Levofloksasin gemodializ yoki peritoneal dializda samarali chiqarilmaydi