Qorin bo‘shlig‘i a’zolarining silliq mushaklari, periferik tomirlar va bosh miya tomirlarining spazmlari, siydik yo‘llari, buyrak kolikasi. Premedikatsiya uchun yordamchi vosita sifatida qo‘llaniladi.

Komatoz holat; nafas olishning susayishi; atrioventrikulyar o‘tkazuvchanlikning buzilishi; 1 yoshgacha bo‘lgan yosh; preparatga yuqori sezuvchanlik.

Preparat mushak ichiga, teri ostiga yoki vena ichiga yuboriladi. Kattalar uchun bir martalik doza 0,02-0,04g (1-2ml 2% eritma); yuborishlar orasidagi interval kamida 4 soat. Vena ichiga yuborishdan oldin preparatning 2% eritmasi 10-20 ml natriy xlorid izotonik eritmasida suyultiriladi. Keksalar uchun boshlang‘ich bir martalik doza 0,01g dan oshmasligi kerak. 1 yoshdan 12 yoshgacha bo‘lgan bolalar uchun maksimal bir martalik doza 0,3 mg/kg tana vazniga teng.

Mumkin bo'lgan uyquchanlik, bosh og'rig'i, qusish, ich qotishi, ortiqcha terlash. Tez venaga kiritishda, shuningdek, yuqori dozalarni qo'llaganda atrioventrikulyar blokada, yurak ritmining buzilishi rivojlanishi mumkin.