Faol modda: dekspantenol - 50 mg; Yordamchi moddalari: vazelin; vazelin moyi; bodom moyi; oq mum; suvlanmagan lanolin; tsetostearyl spirti; lanolin spirtlari; suv

- Teri qurishi; - yaralar va kuyishlar; - dermatitlar, yotib qolish natijasida hosil bo‘lgan yaralar, toshmalar, abstsesslar, furunkullar ochilgandan va sanitatsiyadan so‘ng; - aseptik operatsiyadan keyingi yaralar, yomon bitayotgan teri transplantatlari; - laktatsiya davrida ko‘krak so‘rg‘ichlarining yoriqlari va yallig‘lanishini davolash va oldini olish; - chaqaloqlarga parvarish: chaqaloqlarda toshmalarni oldini olish va davolash, terining mayda shikastlanishlarida bitish jarayonini faollashtirish, taglikdan paydo bo‘lgan eritemalarni davolash.

Preparat tarkibiy qismlariga yuqori sezuvchanlik.

Tashqi qo‘llash uchun. Pantoderm® shikastlangan yoki yallig‘langan teri sohasiga bir yoki bir necha marta kuniga surtiladi. Emizikli onalarning sut bezlariga parvarish: maz surtiladi so‘rg‘ichlarga har bir emizishdan keyin; kompress ko‘rinishida ishlatish mumkin. Go‘daklarga parvarish: maz har bir taglik (bezi) almashtirilganda surtiladi.

Terining allergik reaksiyalari yuzaga kelishi mumkin.

Pantoderm regeneratsiyalovchi, metabolik va kuchsiz yallig‘lanishga qarshi ta’sir ko‘rsatadi. Dexpantenol organizmda faol metabolit – pantoten kislotasini hosil qiladi, u koferment A ning tarkibiy qismi bo‘lib, organizmda atsetillanishni katalizlaydi, deyarli barcha metabolik jarayonlarda (trikarboksilik kislotalar sikli, uglevodlar, yog‘lar va yog‘ kislotalari, fosfolipidlar, oqsillar va boshqalar almashinuvi) ishtirok etadi, kortikosteroidlar hosil bo‘lishini, xolinni atsetillanishini ta’minlaydi. Teri, shilliq qavatlarning regeneratsiyasini rag‘batlantiradi, mitozni tezlashtiradi va kollagen tolalarining mustahkamligini oshiradi.