Pantoten kislotasi hosilasi. Organizmda Deksapantenol pantoten kislotasiga aylanadi, u koenzim A tarkibiy qismi bo'lib, atsetillanish jarayonlarida, uglevod va yog' almashinuvida, atsetilxolin, kortikosteroidlar, porfirinlar sintezida ishtirok etadi; teri, shilliq qavatlarni regeneratsiyasini rag'batlantiradi, hujayra metabolizmini normallashtiradi, mitozni tezlashtiradi va kollagen tolalarining mustahkamligini oshiradi. Regeneratsiyalovchi, metabolik va kuchsiz yallig'lanishga qarshi ta'sir ko'rsatadi.

Teri qurishi; teri butunligining buzilishi, mayda shikastlanishlar, kuyishlar (shu jumladan quyosh kuyishi), tirnalishlar, bullez dermatit, boldir trofik yaralari, yotgan joy yaralari, yoriqlar, aseptik operatsiyadan keyingi yaralar, yomon bitayotgan teri transplantatlari; bachadon bo'yni eroziyasi; laktatsiya davrida ko'krak parvarishi (ko'krak so'rg'ichlarining yoriqlari va yallig'lanishi), go'daklarda parvarish (terining toshmasi).

Preparat komponentlariga yuqori individual sezuvchanlik.

Mahalliy ravishda shikastlangan joyga surtiladi. Qo'llashdan oldin aerozol ballon bir necha marta kuchli silkitiladi va himoya qopqog'i olinadi. Klapan shtokiga kiydirilgan nasadka shikastlangan joyga yaqinlashtiriladi va nasadkaga asta bosilib, preparat 10-20 sm masofadan 1-2 soniya davomida shikastlangan joyga purkaladi, shunda butun shikastlangan yuzani plyonka qoplaydi.

Kamdan-kam hollarda teri allergik reaksiyalari bo'lishi mumkin.