Pafesan (limon ta'mli)
1 ml spreyi tarkibida:
Faol moddalari: xlorgeksidin glyukonat (xlorgeksidin biglyukonat eritmasi shaklida) 2 mg, lidokain gidroxlorid 0,5 mg.
Yordamchi moddalari: glitserin, suvdan holi etanol, sukraloza, limon kislotasi monogidrat, "Limon" aromatizatori, tozalangan suv.
Pafesan (mentol bilan)
1 ml spreyi tarkibida
Faol moddalari: xlorgeksidin glyukonat (xlorgeksidin biglyukonat eritmasi shaklida) 2 mg, lidokain gidroxlorid 0,5 mg.
Yordamchi moddalari: glitserin, suvdan holi etanol, sukraloza, limon kislotasi monogidrat, evkalipt yog'i, levomentol, tozalangan suv.
Tavsif:
Pafesan (limon ta'mli): limon ta'mi va spirt hidi bilan bir jinsli, shaffof, rangsiz eritma, ta'mi shirin.
Pafesan (mentol bilan): mentol, evkalipt va spirt hidi bilan bir jinsli, shaffof, rangsiz eritma, ta'mi shirin.

• og'iz va halqum shilliq qavatining yallig'lanishini mahalliy davolash;

• og'iz shilliq qavatining yallig'lanishida og'riqni bartaraf etish;

angina simptomlarini yengillashtirish.

Preparatning har qanday komponentiga yuqori sezuvchanlik; alkogolga qaramlik; 2,5 yoshgacha bo'lgan bolalar yoshi.

• Kattalar va 12 yoshdan katta o'smirlar: 3 dan 5 gacha purkash; kuniga 6 dan 10 martagacha.

• 2,5 yoshdan katta bolalar: 2 dan 3 gacha purkash, kuniga 3 dan 5 martagacha.

So‘riladigan tabletkalar

• Kattalar uchun doza kuniga 6 dan 10 tagacha tabletkani tashkil etadi.

• 6 yoshdan katta bolalar va o'smirlar uchun doza kuniga 3 dan 5 tagacha tabletkani tashkil etadi.

Preparatni 3-4 kun davomida ishlatish mumkin.

Pafesan preparati mahalliy analgezik va antibakterial ta’sir ko‘rsatadi. Preparat halqum yallig‘lanishini kamaytiradi, tomoqda og‘irroq bakterial infeksiyalar rivojlanish ehtimolini pasaytiradi va tirnash xususiyati va yutishda og‘riqni yengillashtiradi.

Lidokain gidroxlorid periferik mahalliy ta’sirga ega amid tipidagi anestezik hisoblanadi. U yuzaki analgezik ta’sir ko‘rsatadi, qo‘llash joyida nerv impulsi o‘tishini bloklamaydi.
Mahalliy anestezik sifatida lidokain ushbu guruhdagi boshqa preparatlar bilan bir xil ta’sir mexanizmiga ega; u sezuvchi, harakatlantiruvchi va vegetativ nerv tolalarida nerv impulslarining hosil bo‘lishi va o‘tishini bloklaydi. U hujayra membranalariga bevosita ta’sir ko‘rsatadi, natriy ionlarining nerv tolalariga membranalar orqali kirishini inhibe qiladi. Anestezik ta’sirning bosqichma-bosqich tarqalishi natijasida periferik nervlarda elektr qo‘zg‘aluvchanlik chegarasi oshadi, nerv impulsining o‘tishi sekinlashadi va harakat potensialining hosil bo‘lishi susayadi, bu esa oxir-oqibatda nerv impulsining to‘liq bloklanishiga olib keladi. Umuman olganda, mahalliy anesteziklar vegetativ nervlarni, kichik miyelinsiz (og‘riq sezgisi) va kichik miyelinli (og‘riq, harorat sezgisi) tolalarni katta miyelinli tolalarga (teginish, bosim sezgisi) nisbatan tezroq bloklaydi. Molekulyar darajada lidokain natriy ion kanallarini inaktiv holatda aniq bloklaydi, bu harakat potensialining hosil bo‘lishiga to‘sqinlik qiladi va lidokainni nerv yaqinida mahalliy qo‘llashda nerv impulsining o‘tishini oldini oladi.

Xlorgeksidin kationli antiseptik bo‘lib, gram-musbat va gram-manfiy mikroorganizmlarga antibakterial ta’sir ko‘rsatadi. U, shuningdek, dermatofitlar va zamburug‘larga qarshi antimikoza ta’sirga ega. Preparat past konsentratsiyalarda bakteriostatik, yuqori konsentratsiyalarda bakteritsid ta’sir ko‘rsatadi.
Xlorgeksidin musbat zaryadga ega; shuning uchun u bakterial hujayra devorining manfiy zaryadlangan sohalarida va hujayradan tashqari tuzilmalarda adsorbsiyalanadi. Adsorbsiyalanish xos va bakterial hujayra devorining fosfat tutuvchi mos sohalarida lokalizatsiyalanadi.
Xlorgeksidin bakteriyaning sitoplazmatik membranasi bilan bog‘lanadi. U tishlarning manfiy zaryadlangan yuzasida adsorbsiyalanadi. Faol moddalarning oz miqdori so‘lak bilan birga me’da-ichak traktiga (MITr) tushadi. Xlorgeksidin so‘rilmaydi. Lidokain og‘iz va halqum shilliq qavatidan so‘rilishi mumkin. Biroq, uning katta qismi sistemali qon oqimiga yetib bormasdan parchalanadi.