Suv-elektrolit buzilishlarini oldini olish va davolash, quyidagilarda yuzaga keladigan: · kattalar va bolalarda o‘tkir diareya va/yoki qusishda; · issiqlik va jismoniy yuklamalarda, sport bilan shug‘ullanishda, kuchli terlashga olib keladigan holatlarda; · gipertermiya (tana haroratining yuqoriligi), intoksikatsiya, jumladan o‘tkir respirator kasalliklarda; · quyosh va issiqlik urishida suv-elektrolit almashinuvi buzilishi bilan; · suvsizlanishga olib keladigan boshqa holatlarda, jumladan, alkogol intoksikatsiyasi.

o‘tkir yoki surunkali buyrak yetishmovchiligi; - hushsiz holat; - bemorlarda rejalashtirilgan umumiy anesteziya yoki jarrohlik aralashuvlaridan oldin; - gipovolemik shok; - ichak tutilishi; - to‘xtovsiz qusish; - giperqaliemiya; - preparat komponentlariga yuqori sezuvchanlik; - ichakda uglevodlarni o‘zlashtirish buzilishi (tug‘ma monosaxarid malabsorbsiyasi); - metabolik alkaloz. Ehtiyotkorlik bilan qo‘llash kerak: - qandli diabetli bemorlarda; - yurak yetishmovchiligi va arterial gipertenziyali bemorlarda; - buyrak funksiyasi yetishmovchiligi bilan bog‘liq suv-elektrolit muvozanati buzilgan bemorlarda.

Orsa preparati regidratatsion terapiya uchun foydalanishga tayyor eritma hisoblanadi. Eritma og‘iz orqali (peroral) qabul qilinadi. Eritmaga boshqa hech qanday komponentlar qo‘shib bo‘lmaydi va suyultirmasdan ishlatib bo‘lmaydi, chunki bu preparat ta’sirini buzadi. Flakon ochilgandan so‘ng, uning tarkibini 24 soat ichida ishlatish kerak. Peroral regidratatsion terapiya ikki bosqichdan iborat: mavjud suv-elektrolit yo‘qotishlarini to‘ldirish bosqichi va qo‘llab-quvvatlovchi terapiya bosqichi. PRTning birinchi bosqichida, u 3–4 soat davom etadi, yo‘qotilgan suyuqlik hajmini to‘ldirish zarur. Yengil darajadagi eksikozda og‘iz orqali yuboriladigan suyuqlik hajmi 30 dan 50 ml/kg/sutkaga, o‘rta darajadagi eksikozda esa 60 dan 80 ml/kg/sutkaga teng. Terapiyaning dastlabki 3–4 soatida og‘iz orqali yuboriladigan eritmalar hajmini hisoblashda, eritmalar hajmi suyuqlik yo‘qotish hajmiga taxminan teng bo‘lishi kerak. Qo‘llab-quvvatlovchi terapiya patologik suyuqlik yo‘qotishlari to‘xtaguncha olib boriladi. Kunlik og‘iz orqali yuboriladigan eritmalar hajmi kunlik fiziologik ehtiyojlar hajmi va patologik yo‘qotishlar hajmi yig‘indisiga teng. Orsa eritmasi ko‘krak yoshidagi bolalar va kichik yoshdagi bolalar uchun tana vazniga 150 ml/kg hisobida, o‘rta va katta yoshdagi bolalar hamda kattalar uchun esa 20-40 ml/kg tana vazniga hisoblanadi. Ko‘ngil aynishi yoki qusishda eritmani sovutilgan holda, kichik takroriy dozalarda berish maqsadga muvofiq. Shuningdek, shifokor nazorati ostida nazogastral zonddan foydalanish mumkin. Orsa eritmasi bilan davolash diareya to‘xtaguncha davom ettiriladi. Bu davrda yuboriladigan eritma hajmi organizm tomonidan diareya natijasida yo‘qotilgan suyuqlik hajmiga mos bo‘lishi kerak. Zarur davolovchi eritma miqdorining muhim sub’ektiv ko‘rsatkichi chanqoqlikdir.

Tavsiya etilgan dozalarni saqlaganda Orsa ning nojo'ya ta'sirlari kam ehtimollikda. Potentsial allergik reaktsiyalar mumkin.