Har bir kapsula quyidagi faol moddalardan iborat: Liofilizatsiyalangan bakteriyalar 1,94×10^9 KOYe Lactobacillus rhamnosus 0,5×10^9 KOYe; Lactobacillus plantarum 0,2×10^9 KOYe; Streptococcus thermophilus 0,5×10^9 KOYe; Lactobacillus acidophilus 0,5×10^9 KOYe; Bifidobacterium spp. 0,24×10^9 KOYe; Saccharomyces boulardii 65 mg; Aptek romashkasi quruq ekstrakti 50 mg; Inulin 200 mg; yordamchi modda magniy stearat. kapsula qobig‘i tarkibi: titan dioksid, jelatin.

• ichak mikroflorasini tiklash va normallashtirish, hazm qilishni yaxshilash; • gastroenterit, dispepsiya davolash; • antibiotiklar qabul qilinishi bilan bog‘liq diareya, statsionar diareya profilaktikasi va davolash; • ovqatlanish ratsionining o‘zgarishi, safarlar va boshqa sabablarga bog‘liq ichakning tranzitor disfunktsiyalarini (diareya hamda qabziyat) davolash; • laktaza yetishmovchiligini davolash; - atopik kasalliklar (allergik rinit, astma yoki ekzema) profilaktikasi va ularni kompleks terapiya tarkibida davolash; • immunitet va organizmning kasalliklarga umumiy qarshiligini oshirish.

Opefera – bu kombinatsiyalangan probiotik bo‘lib, organizm funksiyalarini optimallashtiradi, muvozanatni tartibga soladi va ichak mikroflorasi tarkibini normallashtiradi. Opefera tarkibiga kiruvchi laktobakteriyalar uglevodlarni parchalanib, sut kislotasini hosil qiladi. Ular tomonidan yaratilgan kislotali muhit bifidobakteriyalarning rivojlanishiga yordam beradi, ular inson organizmi ichak mikroflorasining 85-95% ni tashkil etadi. Lactobacillus plantarum madaniyati va bifidobakteriyalar birgalikda ichak epiteliyasining to‘siq funksiyalarini kuchaytiradi va uning o‘tkazuvchanligini kamaytiradi, allergenlarni fermentatsiya yo‘li bilan modifikatsiyalaydi, shu bilan mahalliy immun javobni shakllantiradi va oziq-ovqat allergiyasi rivojlanish chastotasini kamaytiradi. Lactobacillus acidophilus, Lactobacillus rhamnosus, Lactobacillus plantarum va Streptococcus thermophilus kuchli to‘g‘ridan-to‘g‘ri antimikrob va antitoksik ta’sirga ega. Streptococcus thermophilus maksimal laktaza faolligiga ega va laktobakteriyalar uchun oziqlantiruvchi muhit bo‘lgan polisaxaridlarni sintez qiladi, natijada ushbu bakteriyalar simbioz ko‘rsatadi, bir-birining metabolizmini kompensatsiya qiladi va o‘zaro o‘sishni rag‘batlantiradi. Saccharomyces boulardii ko‘plab patogen va shartli-patogen mikroorganizmlarga nisbatan to‘g‘ridan-to‘g‘ri antagonistik ta’sir ko‘rsatadi, antitoksik ta’sirga ega (ayniqsa bakterial tsito- va enterotoksinlarga nisbatan). Saccharomyces boulardii ichakning fermentativ funksiyasini yaxshilaydi va antibiotiklarga tabiiy chidamlilikka ega. Dorivor romashka ekstrakti yallig‘lanishga qarshi va gastroprotektor ta’sir ko‘rsatadi, to‘qimalarning regeneratsiya jarayonlarini yaxshilaydi, meteorizm simptomlarini bartaraf etadi. Inulin – o‘simlik polisaxaridi, D-fruktoza polimeri, kalsiy va magniyning so‘rilishini oshiradi, lipid va uglevod almashinuvini normallashtirishga yordam beradi, qonda xolesterin va glyukoza konsentratsiyasini kamaytiradi. Inulin ichak florasiga ijobiy ta’sir ko‘rsatadi va bifidobakteriyalar o‘sishini rag‘batlantiradi. Bifidobakteriyalar va laktobakteriyalar keng spektrli patogen va shartli-patogen mikroorganizmlarga nisbatan yuqori antagonistik faollikka ega, Staphylococcus aureus, shigella, rotaviruslar, protey, enteropatogen ichak tayoqchasi, ayrim xamirturushga o‘xshash zamburug‘larning hayot faoliyatini susaytiradi, ularning ichak shilliq qavatiga yopishishini oldini oladi. Lakto- va bifidobakteriyalar foydali ichak mikroflorasi rivojlanishi uchun qulay sharoit yaratadi, ichak mikroflorasining fiziologik muvozanatini qo‘llab-quvvatlaydi va tartibga soladi, me’da-ichak trakti mikrobiotsenozini normallashtirishga yordam beradi. Lakto- va bifidobakteriyalar organizmning noaniq rezistentligini oshiradi, immunomodulyator ta’sirga ega. Opefera tarkibiga kiruvchi normal mikroflora bakteriyalari devoriy hazm qilishni faollashtiradi, oqsillar, yog‘lar, uglevodlarning fermentativ parchalanishida, o‘t kislotalari va xolesterin almashinuvi jarayonlarida ishtirok etadi (gipoxolesterinemik ta’sir ko‘rsatadi). Lakto- va bifidobakteriyalar aminokislotalar, pantoten kislotasi, K va V guruhi vitaminlarini sintez qiladi, temir, kalsiy, D vitamini so‘rilishiga yordam beradi.

Quyidagi bemor guruhlari uchun probiotik terapiya faqat shifokor nazorati ostida o'tkaziladi • immun tizimi buzilgan yoki susaygan bemorlar, ayniqsa OITSning kech bosqichidagi bemorlar yoki allotransplantant olgan bemorlar, shuningdek kimyoterapiya olayotganlar; • endo- yoki miokardit bilan kasallangan, yo‘g‘on ichak yoki og‘iz bo‘shlig‘i va tishlarda operatsiya o‘tkazgan bemorlar; • oshqozon osti bezining o'tkir funksional buzilishi, shu jumladan insulinga qaram diabetiklar. Probiotiklar shakar o‘zlashtirilishini yaxshilashi va natijada bemorlarda insulin shokini chaqirishi mumkin. Probiotiklar qabul qilinayotganda qondagi glyukoza darajasi doimiy o‘lchanishi va insulin dozasini mos ravishda kamaytirish kerak. • qisqa ichak sindromi bo‘lgan, D-laktat atsidozi bilan og‘rigan bolalar. D-laktat shtammlari ishlab chiqarilishini oldini olish choralarini ko‘rish zarur. • qonli diareya bilan og‘rigan bemorlar. Yuqorida sanab o‘tilgan barcha holatlarda probiotiklarning foydali ta’siri mumkin bo‘lgan xavfdan ustun turadi. Pediatriyada qo‘llanilishi Bir yoshdan boshlab bolalarda o‘z ichak mikroflorasini rivojlantirish maqsadida, ushbu yosh toifasidagi bemorlarda probiotik preparatlarni qo‘llash faqat shifokor ko‘rsatmasi bilan mumkin. Avtomobil va boshqa mexanizmlarni boshqarish qobiliyatiga ta’siri Opefera avtomobil va boshqa mexanizmlarni boshqarish qobiliyatiga ta’sir qilmaydi. Preparatni bolalar uchun yaroqsiz joyda saqlash va yaroqlilik muddati tugagandan so‘ng ishlatmaslik kerak. Homilador va emizikli ayollarda preparatni qo‘llash davolovchi shifokor bilan maslahatlashgandan so‘ng mumkin.