Бир флакон қуйидагиларни сақлайди:

фаол  модда:  0,333  г  ампициллинга  эквивалент  бўлган  ампициллин  натрийни,  0,167  г оксациллинга эквивалент бўлган оксациллин натрий.

 

 

 

 

Препаратни компонентларига ва пенициллинлар гуруҳига кирувчи  бошқа антибиотикларга нисбатан юқори таъсирчанликда қўллаш мумкин эмас.

 

 

Препарат мушак ичига (м/и) юборилади.

Катталар ва 14 ёшдан катта ўсмирлар учун бир марталик доза 0,5-1 г ни, суткалик доза 2-4 г ни ташкил этади. Янги туғилган чақалоқлар, вактидан олдин туғилган чақалоқлар ва 1 ёшгача бўлган гўдакларга препаратнинг суткалик дозаси 100-200 тана вазни миқдорида; 1 ёшдан 7 ёшгача бўлган болаларга – суткада 100 мг/кг миқдорида; 7 ёшдан 14 ёшгача бўлган болаларга – суткада 50 мг/кг миқдорида буюрилади. Инфекция оғир кечганида юқорида кўрсатилган дозалар 1,5-2 бараварга оширилиши мумкин. Суткалик доза  3-4 марта 6-8 соат интервалда юборилади.

Даволаш давомийлиги 5-7 кундан 3 ҳафтагача ва ундан ортиқ.

М/и юбориш учун эритмалар бевосита юбориш олдидан тайерланади, бунда флакон таркибига 5 мл инъекция учун стерил сув қўшилади.

 

 

 

 

Мажмуавий антибактериал препарат.

Оксациллин – ярим синтетик пенициллинлар гуруҳига кирувчи антибиотик. Бактерияларнинг ҳужайра деворлари синтезини шикастлаган ҳолда бактерицид таъсир кўрсатади. Пенициллиназа таъсирига чидамли. Граммусбат бактериялар: Staphylococcus spp. (шу жумладан пенициллиназани ҳосил қилувчи Streptococcus spp. (шу жумладан Streptococcus pneumoniae), Corynebacterium diphtheriae, Bacillus anthracis; грамманфий бактериялар: Neisseria gonorrhoeae, Neisseria meningitidis; анаэроб бактериялар: спора ҳосил қилувчи таёқчалар, Actinomyces spp. га нисбатан фаол. Грамманфий бактериялар, риккетсиялар, вируслар, оддий организмлар, замбуруғлар оксациллинга нисбатан чидамли.

Ампициллин – ярим синтетик пенициллинлар гуруҳига кирувчи антибиотик. Бактерияларнинг ҳужайра деворлари синтезини шикастлаган ҳолда бактерицид таъсир кўрсатади. Граммусбат бактериялар: Staphylococcus spp. (пенициллиназани ҳосил қилувчи штаммлардан ташқари), Streptococcus spp. (шу жумладан Enterococcus spp.), спора ҳосил қилмайдиган бактериялар (шу жумладан Listeria monocytogenes); грамманфий аэроб бактериялар: Neisseria gonorrhoeae, Neisseria meningitidis, Escherichia coli, Shigella spp., Salmonella spp., Bordetella pertussis, Haemophilus influenzae нинг айрим штаммларига нисбатан фаол.

Ампициллин пенициллиназа таъсирида парчаланади.

Ампициллиннинг оксациллин билан бирга қўлланиши рационал ҳисобланади, чунки оксациллин пенициллиназа фаоллигини сусайтириб ҳолда, ампицилинни парчаналишини камайтиради. Антибактериал таъсир доираси янада кенгаяди.

 

 

Аллергик реакциялар юзага келганида препаратни юборишни тўхтатиш ва десенсибилизация қилувчи даволанишни ўтказиш зарур.

Анафилактик шок ривожланганида эпинефрин, глюкокортикостероидлар (гидрокортизон ёки преднизолон), бронхолитиклар, гистамин Н1-рецепторларни гистамин блокаторлар юбориш керак; зарурат туғилганида ўпканинг сунъий вентиляцияси ўтказилади.

Агар она учун тахмин қилинаетган фойда, ҳомила учун эҳтимолий хавфдан юқори бўлса, препаратни ҳомиладорлик даврида қўллаш мумкин. Препарат кам миқдорда кўкрак сути билан ажралиб чиқади, шу туфайли эмизиш даврида даволаш тавсия этилмайди.

Пенициллинларга таъсирчанлиги юқори бўлган оналарда туғилган болаларга препаратни эҳтиёткорлик билан буюриш керак. Бундай ҳолатларда препаратни қўллаш зарурати туғилганида ва ёндош касалликлар мавжуд булганида (бронхиал астма, пичанли безгак ва бошқа аллергик касалликлар) бир вақтда десенсибилизация қилувчи препаратларни қўллаш лозим.

 

 

Препаратнинг бактерицид антибиотиклар, аминогликозидлар, цефалоспоринлар, ванкомицин, рифампицин билан бирга қўлланганда антибактериал таъсирни синергизми кузатилади.

 

 

Симптомлари: ножўя самаралар намоён бўлишини кучайиши; кўнгил айниши, қусиш, диарея, сув-электролит мувозанатини бузилиши (қусиш ва диарея туфайли); жуда юқори дозаларда пенициллинлар церебрал (эпилептик) тиришишларни чақириши мумкин. Анафилактик шок камдан-кам ҳолатларда учрайди, бироқ ҳар доимхавф солади.

Даволаш: симптоматик даволаш; сув-электролит мувозанатини тутиб туриш; дозани ошириб юборилиши билан боғлиқ тиришишлаврни тўхтатиш учун седатив таъсир кўрсатувчи диазепам қўлланади. Гемодиализ ёрдамида чиқарилади.