1 g gel tarkibida: faol modda: gansiklovir 0,15%; yordamchi moddalari: D-mannitol 5,0%, karbopol 974-R 0,20%, benzalkoniya xlorid 0,01%, natriy gidroksid, in'ektsiya uchun suv.

O‘tkir gerpetik keratitni davolash (dendritik va geografik yaralar).

Gantsiklovir, atsiklovir yoki preparatning har qanday komponentiga yuqori sezuvchanlik.

Davolash kerak bo‘lgan ko‘z kon’yunktival qopchasining pastki qismiga bir tomchi gel tomiziladi, kuniga 5 marta to‘liq kornea epitellashguncha. So‘ng, bitgandan keyin 7 kun davomida kuniga 3 marta tomiziladi. Davolash kursi odatda 21 kundan oshmaydi. Keksalar uchun qo‘llash Keksalarda doza kattalarnikiga bir xil. Keksalarda dozani o‘zgartirish zarurati yo‘q, chunki klinik tadqiqotlarda 85 yoshgacha bo‘lgan bemorlar davolangan va sog‘liq bilan bog‘liq maxsus muammolar kuzatilmagan.

Ko‘z tomonidan: tez-tez uchraydigan (>1/10): ko‘zda o‘tkinchi kuydiruvchi yoki sanchuvchi his. Kamroq uchraydigan (>1/100, <1/10): sirtqi nuqtali keratit.

Farmakodinamikasi Gansiklovir, 9- (1,3-digidroksi-2-propoksimetil) guanin yoki DHPG, keng ta'sir doirasiga ega virusga qarshi vosita bo‘lib, viruslarning, jumladan, gerpes guruhi viruslarining replikatsiyasini ingibitsiya qiladi, ham in vivo, ham in vitro: oddiy gerpes virusi I va II tiplari (HSV), sitomegalovirus (CMV), Epshteyn-Barr virusi (EBV), toshmali temiratki (HZV). Oddiy gerpes virusi ko‘z klinik izolyatlari uchun gansiklovirning o‘rtacha samarali doza (ED50) in vitro o‘rtacha 0,23 mkg/ml (0,06-0,50) ni tashkil qiladi. Gansiklovir in vitro turli adenovirus serotiplarining replikatsiyasini ingibitsiya qiladi. Ad 8 va Ad 19 uchun ED 8 1,8 dan 4,0 mkg/ml gacha bo‘lib, ular oftalmologiyada eng ko‘p uchraydi. Gerpetik viruslar xujayra-xo‘jayinda bir yoki bir nechta xujayra kinazalarini induktsiya qiladi, ular gansiklovirni uning trifosfat hosilasiga fosforillaydi. Bu fosforillanish asosan infeksiyalangan xujayralarda amalga oshiriladi, chunki infeksiyalanmagan xujayralarda gansiklovir-trifosfat konsentratsiyasi 10 barobar past bo‘ladi. Gansiklovir-trifosfat virusga qarshi vosita sifatida harakat qilib, virus DNK sintezini ikki yo‘l bilan ingibitsiya qiladi: virus DNK-polimerazasini raqobatli ingibitsiya qilish va to‘g‘ridan-to‘g‘ri virus DNK ga qo‘shilishi, bu esa uning uzayishini to‘xtatadi. Farmakokinetikasi Quyonlarda ko‘z farmakokinetikasi bo‘yicha o‘tkazilgan tadqiqotlar gansiklovirning qovoq va ko‘zning old segmentiga tez va muhim kirib borishini ko‘rsatdi, bu esa bir necha soat davomida samarali virusga qarshi konsentratsiyadan yuqori bo‘lgan konsentratsiyani ta’minlaydi. Haqiqatan ham, gansiklovir-gelning bir tomchisi tomizilgandan so‘ng, gansiklovir konsentratsiyalari (Sta) qovoqda (17 mkg/g), kon’yunktivada (160 mkg/g), suvli namlikda (1 mkg/g) va iris/silliq tana (4 mkg/g) da o‘lchanadi, bu oddiy gerpes virusi 1 va 11 uchun ingibitsiyalovchi konsentratsiyalardan yuqori (<0,5 mkg/ml) bo‘lib, 4 soatdan ortiq davom etadi. Quyonlarda gerpetik keratitda 12 kun davomida kuniga 4 marta takroriy instillyatsiya gansiklovirning plazmada to‘planishiga olib kelmaydi. Erkaklarda yuzaki gerpetik keratitni davolashda kuniga 5 marta, 11-15 kun davomida ko‘zga instillyatsiya qilinganda, plazmadagi darajalar aniq analitik usul bilan aniqlanganda (aniqlash chegarasi: 0,005 mkg/ml), juda past: o‘rtacha 0,013 mkg/ml (0-0,037), bu 1 soat davomida 5 mg/kg doza bilan vena ichiga infuziyadan keyingi darajadan 640 marta past (Smax 8,0 mkg/ml). Gansiklovirning og‘iz orqali biologik o‘zlashtirilishi taxminan 6% ni tashkil qiladi. Gansiklovirning yarim chiqarilish davri 2,9 soat, tizimli klirensi 3,64 ml/min/kg, va gansiklovirning asosiy chiqarilish yo‘li o‘zgarmagan preparatning glomerulyar filtrlatsiya orqali chiqarilishidir.

Ushbu dori vositasi to‘r pardaning sitomegalovirus infeksiyasini davolash uchun mo‘ljallanmagan. Boshqa turdagi viruslar sababli yuzaga kelgan keratokonyunktivitlarga nisbatan samaradorligi aniqlanmagan. Immunitet tanqisligi bo‘lgan bemorlarda maxsus tadqiqotlar o‘tkazilmagan. Benzalkoniy xlorid ko‘zda tirnash xususiyati va yumshoq kontakt linzalarning rangini o‘zgartirishi mumkin. Preparatning yumshoq kontakt linzalarga tegishiga yo‘l qo‘ymaslik kerak. Preparatni qo‘llashdan oldin kontakt linzalarni olib tashlang va ularni qayta taqishdan oldin kamida 15 daqiqa kuting. Davolash davomida va undan keyin uch oy davomida erkaklarga gel Gansiklovirni qo‘llashda mahalliy kontratseptsiya (prezervativ) usullaridan foydalanish tavsiya etiladi. Hayvonlarda o‘tkazilgan tajribalarda aniqlangan genotoksiklik sababli, Gansiklovir gelidan foydalanuvchi erkaklarga mahalliy choralarni qo‘llash tavsiya etiladi. Tug‘ish yoshidagi ayollar uchun kontratseptsiya vositalaridan foydalanish zarur. Bolalar Preparatni 12 yoshgacha bo‘lgan bolalarda qo‘llash tavsiya etilmaydi. Homiladorlik va laktatsiya davri Gansiklovir gelini homiladorlik yoki emizish davrida xavfsizligini baholash uchun yetarli tajriba mavjud emas. Homiladorlik yoki emizish davrida preparatni qo‘llash tavsiya etilmaydi, agar muqobil davolash usullari mavjud bo‘lmasa bundan mustasno. Avtomobil va murakkab mexanizmlarni boshqarish qobiliyatiga ta’siri Agar davolash davomida ko‘rishda har qanday buzilish yuzaga kelsa, bemor avtomobil boshqarishdan yoki murakkab texnika bilan ishlashdan tiyilishi kerak.