1 ml eritmada 100 % modda hisobiga dekamektoksin 0,2 mg; faol modda decametoxin; yordamchi moddalari natriy xlorid, tozalangan suv.

O‘tkir va surunkali kon’yunktivitlar, blefarokon’yunktivit, gonoblenoreya, xlamidiozli ko‘z shilliq qavatining zararlanishi; yangi tug‘ilgan chaqaloqlarda blenoreya profilaktikasi uchun, operatsiyadan oldin va oftalmologik operatsiyalardan keyin yiringli-yallig‘lanish asoratlarini oldini olish uchun buyuriladi. Kontakt linzalarni ishlov berish uchun.

Dekametoksinga yoki preparatning boshqa komponentlariga yuqori sezuvchanlik.

O‘tkir va surunkali kon’yunktivitlar, blefarokon’yunktivit, gonoblenoreya, xlamidiozli kon’yunktiva zararlanishini davolash uchun Oftal’modek kon’yunktival qopchaga 2-3 tomchi 4-6 marta kuniga to‘liq sog‘ayguncha tomiziladi. Yangi tug‘ilgan chaqaloqlarda blenoreya profilaktikasi uchun ko‘zga preparatdan 2 tomchidan to‘g‘ridan-to‘g‘ri tug‘ilgandan so‘ng va tug‘ruqdan 2 soat o‘tib tomiziladi. Profilaktik maqsadda Oftal’modek operatsiyadan 1 sutka oldin va operatsiyadan keyin 3-5 kun davomida 2-3 tomchidan 4-6 marta kuniga buyuriladi. Kontakt linzalar preparat eritmasiga 10-15 daqiqa davomida solinadi, so‘ngra steril 0,9 % natriy xlorid eritmasida chayiladi.

Allergik reaksiyalar, dekame­toksinga yuqori individual sezuvchanlikda ko‘zning mahalliy tirnash xususiyati paydo bo‘lishi mumkin.

Individual gipersensitivlik holatida preparatni qo‘llash mumkin emas. Bolalar Preparat yangi tug‘ilgan chaqaloqlarda blenoreya profilaktikasi uchun qo‘llaniladi. Avtotransport boshqarish yoki boshqa mexanizmlar bilan ishlashda reaksiya tezligiga ta’sir qilish qobiliyati. Preparat tomizilgandan so‘ng ko‘rish noaniqligi kuzatilgan bemorlar avtotransport boshqarishdan yoki boshqa mexanizmlar bilan ishlashdan tiyilishlari kerak. Preparatni yaroqlilik muddati tugagandan so‘ng qo‘llash mumkin emas va bolalar ololmaydigan joyda saqlash kerak. Homiladorlik yoki emizish davrida preparatni faqat onaga kutilayotgan foyda homila yoki bolaga bo‘lgan potentsial xavfdan ustun bo‘lsa qo‘llash mumkin.

Dozani oshirib yuborish holatlari qayd etilmagan.

 Preparat antiseptik ta'sir ko'rsatadi va gram-musbat (stafilokokklar, pnevmokokklar, streptokokklar) va gram-manfiy (gonokokklar, meningokokklar) kokklar, korinebakteriyalar, gram-manfiy bakteriyalar (enterobakteriyalar, pseudomonadalar), sodda organizmlar, dermatofitlar, Candida jinsiga mansub xamirturushga o'xshash zamburug'lar, xlamidiyalar va viruslarga nisbatan keng antimikrob ta'sir doirasiga ega. Oftalmodekni qo'llash jarayonida mikroorganizmlarning rezistent variantlari sekin shakllanadi. Preparat kompleks davolashda an'anaviy antimikrob vositalarning ta'sirini kuchaytiradi.