1 flakon tarkibida faol modda — chakanda yog‘i 50 ml; yordamchi modda — kungaboqar yog‘i.

Og'iz orqali, mahalliy, tashqi. Og'iz orqali: oshqozon va o'n ikki barmoqli ichak yarasi kasalligida preparat 1 choy qoshiqdan kuniga 2-3 marta qabul qilinadi. Davolash kursi 3-4 hafta. Mahalliy: kolpit, endoservitsit, bachadon bo'yni eroziyasi, tashqi gemorroy, to'g'ri ichak yoriqlarida mo'l-ko'l chakana yog' bilan shimdirilgan tamponlar shaklida qo'llaniladi. Kolpitda davolash kursi – 10-15 muolaja, endoservitsit, bachadon bo'yni eroziyasida – 8-12 muolaja, tashqi gemorroy, to'g'ri ichak yoriqlarida – 5-7 muolaja. Tashqi: teri shikastlanishlarida yog'li bog'lamlar shaklida qo'llaniladi. Nekrotik to'qimalardan tozalangan teri sohasiga chakana yog' surtiladi, so'ngra paxta-gazli bog'lama qo'yiladi, uni har kuni almashtiriladi. Davolash granulyatsiyalar paydo bo'lishigacha davom etadi. Otorinolaringologiyada - timpanoplastikada, yara antibiotiklar yoki gidrokortizon bilan ishlov berilgandan so'ng, mo'l-ko'l chakana yog' bilan shimdirilgan tamponlar bilan yara yuzasi tamponlanadi. Davolash kursi – 7-10 muolaja.

Allergik reaksiyalar bo‘lishi mumkin; preparatni og‘iz orqali qabul qilganda — og‘izda achchiqlik hissi, diareya, o‘t pufagi kolikasi; mahalliy va tashqi qo‘llashda kuydiruvchi hissiyot bo‘lishi mumkin. Agar ko‘rsatmada keltirilgan har qanday nojo‘ya ta’sirlar kuchaysa yoki Siz ko‘rsatmada qayd etilmagan boshqa nojo‘ya ta’sirlarni sezsangiz, bu haqda shifokorga xabar bering.