Nurofen® Ekspress bosh og‘rig‘i, migren, tish og‘rig‘i, og‘riqli hayz ko‘rish, nevralgiya, bel og‘rig‘i, mushak va revmatik og‘riqlarda; gripp va shamollash kasalliklarida isitma holatlarida qo‘llaniladi. 

ibuprofen yoki preparatning boshqa komponentlariga, shuningdek, boshqa nosteroid yallig‘lanishga qarshi dori vositalariga yuqori sezuvchanlik; ‒ bronxial astma, eshakemi, rinit, atsetilsalitsil kislotasi (salitsilatlar) yoki boshqa NYAQV qabul qilish natijasida yuzaga kelgan; ‒ boshqa NYAQV, shu jumladan siklooksigenaza-2 ning spetsifik ingibitorlarini bir vaqtda qo‘llash; ‒ me’da-ichak yo‘llarining yara kasalligi (me’da va o‘n ikki barmoqli ichak yarasi, yarali kolit); ‒ me’da-ichak yo‘llaridan qon ketishi; 

  Ushbu bo‘limda ko‘rsatilgan holatlar mavjud bo‘lsa, preparatni qo‘llashdan oldin shifokor bilan maslahatlashing. Boshqa NYAQVni bir vaqtda qabul qilish, anamnezda me’da yarasi yoki me’da-ichak yo‘llaridan qon ketishning bir martalik epizodi mavjudligi; gastrit, enterit, kolit, Helicobacter pylori infeksiyasi mavjudligi, yarali kolit; bronxial astma yoki allergik kasalliklar zo‘rayish bosqichida yoki anamnezda – bronxospazm rivojlanishi mumkin; tizimli qizil yuguruk yoki birikma to‘qima aralash kasalligi (Sharpe sindromi) – aseptik meningit xavfi oshadi; buyrak yetishmovchiligi, shu jumladan suvsizlanishda (kreatinin klirensi 30-60 ml/min dan kam), nefrotik sindrom, jigar yetishmovchiligi, portal gipertenziya bilan jigar sirrozi, giperbilirubinemiya, arterial gipertenziya va/yoki yurak yetishmovchiligi, serebrovaskulyar kasalliklar, noma’lum etiologiyali qon kasalliklari (leykopeniya va anemiya), og‘ir somatik kasalliklar, dislipidemiya/giperlipidemiya, qandli diabet, periferik arteriyalar kasalliklari, chekish, spirtli ichimliklarni tez-tez iste’mol qilish, yaralar yoki qon ketish xavfini oshirishi mumkin bo‘lgan dori vositalarini bir vaqtda qabul qilish, xususan, og‘iz orqali qabul qilinadigan glyukokortikosteroidlar (shu jumladan prednizolon), antikoagulyantlar (shu jumladan varfarin), selektiv serotonin qayta qabul qilish ingibitorlari (shu jumladan tsitalopram, fluoksetin, paroksetin, sertralin) yoki antiagregantlar (shu jumladan atsetilsalitsil kislotasi, klopidogrel), homiladorlik I-II trimestri, emizish davri, keksalik yoshi.  

Transport vositalarini, mexanizmlarni boshqarish qobiliyatiga ta’siri

Ibuprofen qabul qilganda bosh aylanishi, uyquchanlik, sustlik yoki ko‘rish buzilishi kuzatilgan bemorlar avtotransport vositalarini haydash yoki mexanizmlarni boshqarishdan saqlanishlari kerak. 

 Ibuprofenning ta'sir mexanizmi, propion kislotasi hosilasi bo'lib, nosteroid yallig'lanishga qarshi preparatlar (NYaQP) guruhiga kiradi, prostaglandinlar sintezini, ya'ni og'riq, yallig'lanish va gipertermik reaksiya mediatorlarini ingibitsiyalash bilan bog'liq. Tsiklooksigenaza 1 (TsOG-1) va tsiklooksigenaza 2 (TsOG-2) ni tanlab olmasdan bloklaydi, natijada prostaglandinlar sintezi susayadi. Og'riqqa qarshi tez yo'naltirilgan ta'sir (og'riq qoldiruvchi), isitmani tushiruvchi va yallig'lanishga qarshi ta'sir ko'rsatadi. Bundan tashqari, ibuprofen trombotsitlar agregatsiyasini qaytar tarzda ingibitsiya qiladi.
 
 Farmakokinetika
So‘rilishi yuqori, tez va deyarli to‘liq oshqozon-ichak traktidan (OIT) so‘riladi. Preparatning 2 kapsulasini och qoringa qabul qilgandan so‘ng ibuprofen qonda 10 daqiqada aniqlanadi, ibuprofenning maksimal kontsentratsiyasi (Smax) qonda 30-40 daqiqada erishiladi, bu ekvivalent doza Nurofen preparatining 200 mg qoplangan tabletkasini qabul qilgandan ikki barobar tezdir.

Preparatni ovqat bilan qabul qilish maksimal kontsentratsiyaga erishish vaqtini (TSmax) oshirishi mumkin. Qon plazmasi oqsillari bilan bog‘lanishi 90 % dan ortiq, yarim chiqarilish davri (T1/2) 2 soat. Bo‘g‘im bo‘shlig‘iga sekin kiradi, sinovial suyuqlikda ushlanib turadi va unda qondan ko‘ra yuqoriroq kontsentratsiya hosil qiladi. So‘rilgandan so‘ng farmakologik jihatdan nofaol R-shaklining taxminan 60 % sekinlik bilan faol S-shakliga aylanadi. Jigarda metabolizmga uchraydi. Buyraklar orqali (o‘zgarmagan holda 1 % dan ko‘p emas) va kamroq darajada o‘t bilan chiqariladi.

Keksalarda preparatning farmakokinetik profili yoshroq odamlarga nisbatan muhim farq qilmaydi.

Cheklangan tadqiqotlarda ibuprofen ona sutida juda past kontsentratsiyalarda aniqlangan. 

 Quyidagi dori vositalari bilan ibuprofenni bir vaqtda qo‘llashdan saqlanish kerak:

Asetilsalisil kislotasi: shifokor tomonidan buyurilgan past dozalardagi asetilsalisil kislotasi (kuniga 75 mg dan oshmagan) bundan mustasno, chunki birga qo‘llash nojo‘ya ta’sirlar xavfini oshirishi mumkin. Bir vaqtda qo‘llanganda ibuprofen asetilsalisil kislotasining yallig‘lanishga qarshi va antiagregant ta’sirini kamaytiradi (antiagregant vosita sifatida kichik dozalarda asetilsalisil kislotasi qabul qilayotgan bemorlarda ibuprofen qabul qilish boshlanganidan so‘ng o‘tkir koronar yetishmovchilik rivojlanishining chastotasi oshishi mumkin).

Boshqa YOKV, shu jumladan selektiv TsOG-2 ingibitorlari: YOKV guruhiga kiruvchi ikki va undan ortiq preparatlarni bir vaqtda qo‘llashdan saqlanish kerak, chunki nojo‘ya ta’sirlar xavfi oshishi mumkin.

Quyidagi dori vositalari bilan birga ehtiyotkorlik bilan qo‘llash kerak:

Antikoagulyantlar va trombolitik preparatlar: YOKV antikoagulyantlar, xususan, varfarin va trombolitik preparatlarning ta’sirini kuchaytirishi mumkin.

Antigipertenziv vositalar (APF ingibitorlari va angiotenzin II antagonistlari) va diuretiklar: YOKV ushbu guruh preparatlarining samaradorligini kamaytirishi mumkin. Diuretiklar va APF ingibitorlari YOKVning nefrotoksikligini oshirishi mumkin.

Glyukokortikosteroidlar: OVKT yaralari va me’da-ichak qon ketishi xavfi oshadi.

Antiagregantlar va selektiv serotonin qayta qabul qilinishining ingibitorlari: me’da-ichak qon ketishi xavfi oshadi.

Yurak glikozidlari: YOKV va yurak glikozidlarini birga buyurish yurak yetishmovchiligini kuchaytirishi, glomerulyar filtrlatsiya tezligini kamaytirishi va yurak glikozidlarining plazmadagi kontsentratsiyasini oshirishi mumkin.

Litiy preparatlari: YOKV qabul qilish fonida litiyning plazmadagi kontsentratsiyasi oshishi ehtimoli bor.

Metotreksat: YOKV qabul qilish fonida metotreksatning plazmadagi kontsentratsiyasi oshishi ehtimoli bor.

Siklosporin: YOKV va siklosporinni birga buyurilganda nefrotoksiklik xavfi oshadi.

Mifepriston: YOKV qabul qilishni mifepriston qabul qilingandan keyin kamida 8-12 kundan so‘ng boshlash kerak, chunki YOKV mifepriston samaradorligini kamaytirishi mumkin.

Takrolimus: YOKV va takrolimus birga buyurilganda nefrotoksiklik xavfi oshishi mumkin.

Zidovudin: YOKV va zidovudinni birga qo‘llash gematotoksiklikni oshirishi mumkin. Gemofiliya bilan kasallangan OITS-pozitiv bemorlarda zidovudin va ibuprofen bilan birga davolashda gemartroz va gematoma rivojlanish xavfi oshganligi haqida ma’lumotlar mavjud.

Xinolon qatori antibiotiklari: YOKV va xinolon qatori antibiotiklari bilan birga davolash olayotgan bemorlarda tutqanoq rivojlanish xavfi oshishi mumkin.

Tsefamandol, tsefoperazon, tsefotetan, valproevaya kislota, plikamitsin: gipoprothrombinemiya rivojlanish chastotasi oshadi.

Kanaltubulyar sekretsiyani bloklovchi dori vositalari: ibuprofenning chiqarilishini kamaytiradi va plazmadagi kontsentratsiyasini oshiradi.

Mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar): gidroksillangan faol metabolitlar ishlab chiqarilishini oshiradi, og‘ir intoksikatsiyalar rivojlanish xavfi oshadi.

Mikrosomal oksidlanish ingibitorlari: gepatotoksik ta’sir xavfini kamaytiradi.

Og‘iz orqali qabul qilinadigan gipoglikemik dori vositalari va insulin, sulfonilmochevina hosilalari: ta’siri kuchayadi.

Antatsidlar va kolestiramin: so‘rilishini kamaytiradi.

Kofein: analgezik ta’sirini kuchaytiradi.

 

 Bolalarda dozani 400 mg/kg tana vaznidan oshirib qabul qilganda dozani oshirib yuborish simptomlari paydo bo‘lishi mumkin. Kattalarda dozaga bog‘liq dozani oshirib yuborish effekti kamroq ifodalangan. Dozani oshirib yuborishda preparatning yarim chiqarilish davri 1,5-3 soatni tashkil etadi.

Simptomlar: ko‘ngil aynishi, qusish, epigastral sohada og‘riq yoki kamdan-kam hollarda diareya, quloqlarda shovqin, bosh og‘rig‘i va me’da-ichak qon ketishi. Og‘irroq holatlarda markaziy asab tizimi tomonidan namoyon bo‘lishlar: uyquchanlik, kamdan-kam hollarda – qo‘zg‘alish, tutqanoq, dezorientatsiya, koma. Og‘ir zaharlanish holatlarida metabolik atsidoz va protrombin vaqtining uzayishi, buyrak yetishmovchiligi, jigar to‘qimalarining shikastlanishi, arterial bosimning pasayishi, nafas olishning susayishi va sianoz rivojlanishi mumkin. Bronxial astmasi bo‘lgan bemorlarda ushbu kasallikning kuchayishi mumkin.

Davolash: simptomatik, nafas yo‘llarining o‘tkazuvchanligini ta’minlash majburiy, EKG va asosiy hayotiy ko‘rsatkichlarni bemor holati normallashguncha monitoring qilish.

Ibuprofenning potentsial toksik dozasini qabul qilgandan so‘ng 1 soat ichida faollashtirilgan ko‘mirni peroral qabul qilish yoki me’dani yuvish tavsiya etiladi. Agar ibuprofen allaqachon so‘rilgan bo‘lsa, ibuprofenning kislotali hosilasini buyraklar orqali chiqarish maqsadida ishqoriy ichimlik buyurilishi, majburiy diurez o‘tkazilishi mumkin. Tez-tez yoki uzoq davom etuvchi tutqanoqlar diazepam yoki lorazepamni vena ichiga yuborish orqali to‘xtatilishi kerak. Bronxial astma kuchayganda bronxodilatatorlar qo‘llanilishi tavsiya etiladi.