Nurofen® Ekspress bosh og'rig'i, migren, tish og'rig'i, og'riqli hayz ko'rish, nevralgiya, orqa og'rig'i, mushak va revmatik og'riqlarda; gripp va shamollash kasalliklarida isitma holatlarida qo'llaniladi. 

 Ibuprofenni quyidagi dori vositalari bilan bir vaqtda qo‘llashdan saqlanish kerak:

· Atsetilsalitsil kislotasi: shifokor tomonidan buyurilgan past dozalardagi atsetilsalitsil kislotasi (kuniga 75 mg dan oshmagan) bundan mustasno, chunki birga qo‘llash nojo‘ya ta’sirlar xavfini oshirishi mumkin. Bir vaqtda qo‘llanganda ibuprofen atsetilsalitsil kislotasining yallig‘lanishga qarshi va antiagregant ta’sirini kamaytiradi (antiagregant vosita sifatida kichik dozalarda atsetilsalitsil kislotasi qabul qilayotgan bemorlarda ibuprofen qabul qilish boshlanganidan so‘ng o‘tkir koronar yetishmovchilik rivojlanishining tez-tezligi oshishi mumkin).

· Boshqa YOKV, shu jumladan selektiv TsOG-2 ingibitorlari: YOKV guruhiga kiruvchi ikki yoki undan ortiq preparatlarni bir vaqtda qo‘llashdan saqlanish kerak, chunki nojo‘ya ta’sirlar xavfi oshishi mumkin.

Quyidagi dori vositalari bilan bir vaqtda ehtiyotkorlik bilan qo‘llash kerak:

· Antikoagulyantlar va trombolitik preparatlar: YOKV antikoagulyantlar, xususan, varfarin va trombolitik preparatlarning ta’sirini kuchaytirishi mumkin.

· Antigipertenziv vositalar (APF ingibitorlari va angiotenzin II antagonistlari) va diuretiklar: YOKV ushbu guruh preparatlarining samaradorligini kamaytirishi mumkin. Diuretiklar va APF ingibitorlari YOKV nefrotoksikligini oshirishi mumkin.

· Glyukokortikosteroidlar: OVY va me’da-ichak qon ketishi xavfi oshadi.

· Antiagregantlar va selektiv serotonin qayta qabul qilish ingibitorlari: me’da-ichak qon ketishi xavfi oshadi.

· Yurak glikozidlari: YOKV va yurak glikozidlarini birga buyurish yurak yetishmovchiligini kuchaytirishi, klubochkali filtrlatsiya tezligini kamaytirishi va yurak glikozidlarining plazmadagi kontsentratsiyasini oshirishi mumkin.

· Litiy preparatlari: YOKV qabul qilish fonida qonda litiy kontsentratsiyasi oshishi mumkinligi haqida ma’lumotlar mavjud.

· Metotreksat: YOKV qabul qilish fonida qonda metotreksat kontsentratsiyasi oshishi mumkinligi haqida ma’lumotlar mavjud.

· Siklosporin: YOKV va siklosporin birga buyurilganda nefrotoksiklik xavfi oshadi.

· Mifepriston: YOKV qabul qilish mifepriston qabul qilingandan keyin kamida 8-12 kundan so‘ng boshlanishi kerak, chunki YOKV mifepriston samaradorligini kamaytirishi mumkin.

· Takrolimus: YOKV va takrolimus birga buyurilganda nefrotoksiklik xavfi oshishi mumkin. 

· Zidovudin: YOKV va zidovudin birga qo‘llanganda gematotoksiklik oshishi mumkin. Gemofiliyali OIV-pozitiv bemorlarda zidovudin va ibuprofen birga qo‘llanganda gemartroz va gematoma rivojlanish xavfi oshishi haqida ma’lumotlar mavjud.

· Xinolon qatori antibiotiklari: YOKV va xinolon qatori antibiotiklari birga qo‘llanganda tutqanoq rivojlanish xavfi oshishi mumkin.

· Tsefamandol, tsefoperazon, tsefotetan, valproevaya kislota, plikamitsin: gipoprothrombinemiya rivojlanish tez-tezligi oshadi.

· Kanaltubulyar sekretsiyani bloklovchi dori vositalari: ibuprofen chiqarilishini kamaytiradi va plazmadagi kontsentratsiyasini oshiradi.

· Mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar): gidroksillangan faol metabolitlar ishlab chiqarilishi oshadi, og‘ir intoksikatsiyalar rivojlanish xavfi oshadi.

· Mikrosomal oksidlanish ingibitorlari: gepatotoksik ta’sir xavfi kamayadi.

· Og‘iz orqali qabul qilinadigan gipoglikemik dori vositalari va insulin, sulfonilmochevina hosilalari: ta’siri kuchayadi.

· Antatsidlar va kolestiramin: so‘rilish kamayadi.

· Kofein: analgezik ta’siri kuchayadi. 

 Bolalarda simptomlar tana vazniga nisbatan 400 mg/kg dan ortiq doza qabul qilingandan keyin paydo bo‘lishi mumkin. Kattalarda doza bog‘liq ta’sir kamroq ifodalangan. Preparatning yarim chiqarilish davri dozani oshirib yuborishda 1,5 - 3 soatni tashkil etadi.

Simptomlar: klinik jihatdan ahamiyatli dozalarda YOKM qabul qilgan bemorlarning aksariyatida dozani oshirib yuborish simptomlari ko‘ngil aynishi, qusish, epigastral sohada og‘riq yoki kamroq hollarda diareya bilan cheklanadi.

Quyidagi simptomlar paydo bo‘lishi mumkin: quloqda shovqin, bosh og‘rig‘i va me’da-ichak qon ketishi. Og‘irroq hollarda markaziy asab tizimi tomonidan namoyon bo‘lishlar kuzatiladi, xususan, uyquchanlik, ba’zan – qo‘zg‘alish, shuningdek, dezorientatsiya yoki koma. Kam hollarda tutqanoqlar paydo bo‘ladi. Og‘ir zaharlanish holatlarida metabolik atsidoz va protrombin vaqtining uzayishi rivojlanishi mumkin, bu, ehtimol, ibuprofen va qon ivish omillari o‘rtasidagi o‘zaro ta’sir bilan bog‘liq. O‘tkir buyrak yetishmovchiligi, jigar to‘qimalarining shikastlanishi, arterial bosimning pasayishi, nafas olishning susayishi va sianoz paydo bo‘lishi mumkin. Bronxial astmasi bo‘lgan bemorlarda ushbu kasallikning kuchayishi mumkin.

Davolash: simptomatik va qo‘llab-quvvatlovchi bo‘lishi kerak, nafas yo‘llarining o‘tkazuvchanligini ta’minlash, EKG va asosiy hayotiy ko‘rsatkichlarni bemor holati normallashguncha monitoring qilish majburiy.

Ibuprofenning potentsial toksik dozasi qabul qilingandan keyin bir soat ichida faollashtirilgan ko‘mirni peroral qabul qilish yoki me’dani yuvish tavsiya etiladi. Agar ibuprofen allaqachon so‘rilgan bo‘lsa, ibuprofenning kislotali hosilasini buyraklar orqali chiqarish maqsadida ishqoriy ichimlik buyurilishi mumkin. Tez-tez yoki uzoq davom etuvchi tutqanoqlar diazepam yoki lorazepamni vena ichiga yuborish orqali to‘xtatilishi kerak. Bronxial astma kuchayganda bronxodilatatorlarni qo‘llash tavsiya etiladi. 

 Preparatni maksimal darajada qisqa kursda va simptomlarni bartaraf etish uchun zarur bo‘lgan minimal samarali dozada qabul qilish tavsiya etiladi.

Uzoq muddatli davolash vaqtida periferik qon manzarasi va jigar hamda buyraklarning funksional holatini nazorat qilish zarur. Gastropatiya simptomlari paydo bo‘lsa, diqqatli nazorat ko‘rsatiladi, bu esa ezofagogastroduodenoskopiya, umumiy qon tahlili (gemoglobin aniqlash), najasda yashirin qon tahlilini o‘z ichiga oladi. 17-ketosteroidlarni aniqlash zarur bo‘lsa, preparat tadqiqotdan 48 soat oldin bekor qilinishi kerak. Davolash davrida etanol qabul qilish tavsiya etilmaydi.

Buyrak yetishmovchiligi bo‘lgan bemorlar preparatni qo‘llashdan oldin shifokor bilan maslahatlashishlari zarur, chunki buyraklarning funksional holati yomonlashish xavfi mavjud.

Gipertenziya, shu jumladan anamnezda va/yoki surunkali yurak yetishmovchiligi bo‘lgan bemorlar preparatni qo‘llashdan oldin shifokor bilan maslahatlashishlari zarur, chunki preparat suyuqlik ushlab qolinishiga, arterial bosim oshishiga va shishlarga olib kelishi mumkin.

Kontrol qilinmaydigan arterial gipertenziya, NYHA bo‘yicha II-III sinf kongestiv yurak yetishmovchiligi, yurak ishemik kasalligi, periferik arteriyalar kasalliklari va/yoki serebrovaskulyar kasalliklari bo‘lgan bemorlarga ibuprofen faqat foyda-xavf nisbatini diqqat bilan baholagandan so‘ng buyurilishi kerak, bunda ibuprofenning yuqori dozalari (≥ 2400 mg/kun) qo‘llanilishidan saqlanish lozim.

Suvchechak bilan kasallangan bemorlarda YOKI qo‘llanilishi teri va teri osti yog‘ to‘qimalarining infeksion-yallig‘lanish kasalliklarining og‘ir yiringli asoratlari (masalan, nekrotizirlovchi fassit) rivojlanish xavfi oshishi bilan bog‘liq bo‘lishi mumkin. Shu munosabat bilan, suvchechakda preparatni qo‘llashdan saqlanish tavsiya etiladi.

Homiladorlikni rejalashtirayotgan ayollar uchun ma’lumot: ushbu dori vositalari siklooksigenazani va prostaglandinlar sintezini bostiradi, ovulyatsiyaga ta’sir qiladi, ayollarning reproduktiv funksiyasini buzadi (davolash to‘xtatilgandan so‘ng qaytar).

Transport vositalarini, mexanizmlarni boshqarish qobiliyatiga ta’siri.

Ibuprofen qabul qilganda bosh aylanishi, uyquchanlik, sekinlashish yoki ko‘rish buzilishi kuzatilgan bemorlar avtotransport vositalarini haydash yoki mexanizmlarni boshqarishdan saqlanishlari kerak.