1 ml preparatda quyidagilar mavjud: Faol moddalari Nafazolin gidroxlorid 0,5 mg Xlorfeniramin maleat 0,5 mg Yordamchi moddalari natriy sitrat, bor kislotasi, benzalkoniya xlorid, dinatriy edetat, in'ektsiya uchun suv.

Oftalmologiya va LOR-amaliyotda mahalliy qo‘llash uchun kombinatsiyalangan preparat. Preparat tarkibiga kiruvchi alfa-adrenomimetik nafazolin kuchli va uzoq davom etuvchi tomirlarni toraytiruvchi ta’sir ko‘rsatadi, shish, giperemiyani kamaytiradi. Alfa1- va alfa2-adrenoretseptorlarni qo‘zg‘atadi, qorachiqni toraytiradi, yallig‘lanishga qarshi (shishga qarshi) xususiyatlarga ega. Mahalliy qo‘llanganda burun va ko‘z shilliq qavatida tomirlarni toraytiruvchi ta’sir bir necha daqiqadan so‘ng boshlanadi va bir necha soat davom etadi. Rinitlarda burun nafasini yengillashtiradi, venoz sinuslarga qon oqimini kamaytiradi. Tizimli ta’siri arterial bosimning oshishi bilan namoyon bo‘ladi. Xlorfeniramin, H1-gistamin retseptorlari blokatori, antiallergik ta’sir ko‘rsatadi, mahalliy ekssudativ namoyonlar, shish va burun, burun-halqum va burun yondosh bo‘shliqlari shilliq qavatining giperemiyasini kamaytiradi, ko‘z va burundagi qichishishni, rinoreya, burun bitishini, ko‘zdan yosh oqishini bartaraf etadi.

Shuni hisobga olish kerakki, preparatni uzoq muddat qo‘llashda taxifilaksiya (ta’sirning susayishi) rivojlanishi mumkin. Preparat bilan davolashning 5-7 kunidan so‘ng qisqa tanaffus tavsiya etiladi. Preparatni surunkali rinitlarda qo‘llash tavsiya etilmaydi. Og‘ir yurak-qon tomir kasalliklari, shu jumladan yurak ritmi buzilishlari, qiyin boshqariladigan arterial gipertenziya bo‘lgan bemorlarda, shuningdek, qandli diabeti bo‘lgan, ayniqsa, ketoatsidozga moyil bemorlarda ehtiyotkorlik bilan qo‘llash kerak. Preparat tarkibiga kiruvchi benzalkoniya xlorid yumshoq kontakt linzalar tomonidan so‘rilishi mumkin, shuning uchun preparat tomizilishidan oldin linzalarni olib tashlash va preparat tomizilganidan 15 daqiqa o‘tgach taqish kerak. Avtomobil va boshqa mexanizmlarni boshqarish qobiliyatiga ta’siri Preparat psixomotor reaksiyalar tezligiga ta’sir qilishi mumkinligini hisobga olib, preparat tomizilgandan so‘ng ko‘rish o‘tkirligi vaqtincha pasayishi mumkinligi sababli, avtomobil boshqaradigan va potensial xavfli mexanizmlar bilan ishlaydigan shaxslarga preparatni ehtiyotkorlik bilan buyurish tavsiya etiladi. Pediatriyada qo‘llanilishi 6 yoshgacha bo‘lgan bolalarda preparatni qo‘llash xavfsizligi va samaradorligi o‘rganilmagan. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak. Homiladorlik va laktatsiya davrida preparatni faqat onaga kutilayotgan foyda homila yoki chaqaloq uchun potensial xavfdan ustun bo‘lsa, qo‘llash mumkin.