10 kapsuladan iborat blisterli o‘ram tibbiy qo‘llanma bilan birga karton qutida.

Novokvik kattalar va bolalarda quyidagi me'da-ichak trakti kasalliklarini davolash uchun mo'ljallangan: − Turli etiologiyadagi disbakteriozlar, shu jumladan antibiotiklar, silga qarshi va sulfanilamid preparatlarni qo'llash natijasida yuzaga kelgan disbakteriozlar; − O'tkir va surunkali gastroenterokolitlar, xolestaz, zaharlanishlar; − Ichak disfunktsiyalari va irritabl ichak sindromi; − Patogen va shartli-patogen mikroorganizmlarni ajratishda, salmonellyoz, dizenteriya, qorin tifi va boshqalar; − O'tkir ichak kasalliklarini boshdan kechirgan bemorlarda rekonvalessent davrda. Ginekologik amaliyotda bakterial vaginoz va kandidozlarda qo'llaniladi. Novokvik nafas yo'llari infeksiyalari va atopik dermatit xavfini kamaytiradi, turli genezli allergiyalarda samaralidir.

− Novokvik og'iz orqali, ovqatdan 20-30 daqiqa oldin, kapsulani xona haroratidagi qaynatilgan suv bilan oz miqdorda ichiladi. − Kattalar: og'iz orqali kuniga 2-3 kapsula, vaginal yo'l bilan kuniga 1 kapsula yoki shifokor ko'rsatmasiga binoan qabul qilinadi. − Bolalar: og'iz orqali kuniga 1-2 kapsula yoki shifokor ko'rsatmasiga binoan qabul qilinadi. Novokvik preparati bilan davolash kursining davomiyligi kasallikning klinik ko'rinishlari og'irligiga, bemorning yoshiga bog'liq bo'lib, 2 hafta davom etadi. Profilaktik maqsadlarda, yoshga qarab, kuniga 1-2 kapsuladan 5-10 kun davomida buyuriladi.

Preparat tarkibiy qismlariga gipersensitivlik

Novokvik probiotik, prebiotik va immunobiotik (sinbiotik) bo‘lib, ichak va vaginal mikroflorani tartibga soluvchi vositadir. Novokvik preparatining bitta kapsulasi kamida 1,3·107 (133 mln) liofilizatsiyalangan normal ichak mikroflorasi bakteriyalarining muvozanatli kompleksini o‘z ichiga oladi: Lactobacillus sporogenes, Streptococcus faecalis, Clostridium butyricum, Bacillus mesentericus, Saccharomyces boulardii. Novokvik tarkibiga kiruvchi tirik bakteriyalar va xamirturushlar ichak va vaginal mikrofloraning tabiiy tarkibiy qismi hisoblanadi va organizmning rezistentligini oshirish hamda disbakteriozning oldini olish uchun katta biokimyoviy ahamiyatga ega, agar quyidagi simptomlar paydo bo‘lsa: ko‘ngil aynishi, qorin og‘rig‘i, qattiq kekirish, qabziyat, qorin dam bo‘lishi yoki meteorizm. Ushbu simptomlarning barchasi ovqat hazm qilish buzilishiga yoki dispeptik sindromga taalluqlidir. Novokvik patogen va shartli-patogen bakteriyalarning o‘sishini to‘xtatadi, ovqat hazm qilish fermentlarining optimal ta’sirini ta’minlaydi va ichak faoliyatini normallashtiradi; − B guruhi vitaminlari, K vitamini, askorbin kislotasi sintezida ishtirok etadi, shu bilan organizmning tashqi muhitning noqulay omillariga rezistentligini oshiradi; − safro pigmentlari va safro kislotalari metabolizmida ishtirok etadi; − antibakterial faollikka ega moddalarni sintez qiladi va yallig‘lanishni bostiradi; − immun tizimining himoya funksiyasini va organizmning umumiy rezistentligini oshiradi. Novokvikning davolovchi effekti preparat tarkibidagi mikroblar hujayralarining ichak va vaginal floraning patogen va shartli-patogen mikroorganizmlariga nisbatan antagonistik ta’siri bilan bog‘liq. Novokvik qo‘llanilganda erishiladigan ichakning normal mikroflorasi yuqori miqdoriy darajasi va uning mikrobiotsenozda ustunligi me’da-ichak trakti faoliyatini normallashtiradi, almashinuv jarayonlarini yaxshilaydi, ichak kasalliklarining surunkali shakllarini rivojlanishiga to‘sqinlik qiladi, organizmning noaniq rezistentligini oshiradi. Novokvik nafaqat me’da-ichak traktini normallashtiradi, balki vaginal biotsenozni tiklaydi, ginekologik patologiyalarda patogen va shartli-patogen mikrofloraning o‘sishini bostiradi. Kislotali pH muhitini yaratishga yordam beradi, biostatik effekt ko‘rsatadi, mahalliy immunitetni rag‘batlantiradi va himoya to‘siqni ta’minlaydi.