Bitta tabletkada
faol moddalari 2,4-dixlorbenzil spirt-1,206 mg, amilmetakrezol-0,602 mg; yordamchi moddalari

Qora smorodina ta’mi bilan: shakar, suyuq glyukoza, kristall mentol, vino kislotasi, natriy askorbat, rebatin 97%, antosian suyuq ekstrakti (E-163), eritrozin bo‘yoq (E-127), brilliant ko‘k bo‘yoq (E-133), qora smorodina aromatizatori, evkalipt yog‘i, tozalangan suv.

Asal va limon ta’mi bilan: shakar, suyuq glyukoza, vino kislotasi, askorbin kislotasi, kristall mentol, rebatin 97%, xinin bo‘yoq (E-104), limon aromatizatori, asal aromatizatori, evkalipt yog‘i, yalpiz moyi, tozalangan suv.

Yalpiz ta’mi bilan: shakar, suyuq glyukoza, vino kislotasi, mentol, evkalipt yog‘i, indigokarmin BF bo‘yoq (E-132), tozalangan suv.

Og‘iz bo‘shlig‘i va tomoqning infeksion-yallig‘lanish kasalliklarida simptomatik terapiya
- faringit, laringit, tonzillit;

- milk va og‘iz bo‘shlig‘i shilliq qavatining yallig‘lanishi (gingivit, stomatit).

-preparatning har qanday komponentiga yuqori sezuvchanlik;
-6 yoshgacha bo‘lgan bolalar.

LOR-amaliyotida mahalliy qo‘llash uchun antiseptik kombinatsiyalashgan preparat.
2,4-dixlorbenzil spirti – benzol hosilasi, antiseptik.

Amilmetakrezol – fenol hosilasi, antiseptik, antimikrob faollikka ega.

2,4-dixlorbenzil spirti va amilmetakrezol mikroblar va zamburug‘ hujayralari oqsillarining koagulyatsiyasi, shuningdek, hujayra membranalari lipidlari bilan o‘zaro ta’sirlanishi bilan bog‘liq bo‘lib, bu ularning qo‘zg‘atuvchilarga nisbatan samaradorligini belgilaydi.

Preparatning faol komponentlari mahalliy antiseptik va mahalliy anestezik ta’sir ko‘rsatadi. Preparat yuqori nafas yo‘llari va og‘iz bo‘shlig‘i shilliq qavatlarining tirnash xususiyati simptomlarini, begona jism hissi, qichishish, tomoqda achishishni bartaraf etadi; shilliq qavatga dekongestiv ta’sir ko‘rsatadi, burun bitishini kamaytiradi, tirnashni va og‘riqni yumshatadi.

Preparat keng doiradagi gram-musbat va gram-manfiy mikroorganizmlarga, stafilokokklarning ko‘pchilik shtammlari, A, S va D guruhi streptokokklari va boshqalarga nisbatan faol, shuningdek, zamburug‘larga nisbatan antimikotik ta’sirga ega.