Tabletkalar - 1 tab.: Faol modda: Inozin Pranobeks - 500,0 mg. Yordamchi modda: Mikrokristallik tsellyuloza - 33,5 mg. Perlitol flesh (mannitol - 80% va makkajo'xori kraxmali - 20%) - 33,5 mg. Natriy karboksimetilkraxmal - 67,0 mg. Povidon K-17 - 10,0 mg. Magniy stearat - 6,0 mg. 10 tabletkadan konturli yacheykali o'ramda. 2, 3 yoki 5 konturli yacheykali o'ramdan foydalanish bo'yicha yo'riqnoma bilan birga karton qutiga joylanadi.

Gripp va boshqa O‘RVI ni davolash; I va II turdagi gerpes virusi chaqirgan infeksiyalar: genital va labial gerpes, gerpetik keratit, suvchechak, toshmali temiratki; Epstein-Barr virusi chaqirgan infeksion mononukleoz; Tsitomegalovirus infeksiyasi; Og‘ir kechadigan qizamiq; Papillomavirus infeksiyasi: hiqildoq/ovoz bog‘lamlari papillomalari (fibroz turi), erkaklar va ayollarda jinsiy a’zolar papillomavirus infeksiyasi, siğillar; Subakut sklerozlovchi panentsefalit; Kontaagioz mollusk.

Inozin prapobeks va preparatning boshqa komponentlariga yuqori sezuvchanlik; toʻgʻay; tosh kasalligi; surunkali buyrak yetishmovchiligi; aritmiyalar; homiladorlik va emizish davri; 3 yoshgacha bo‘lgan bolalar (tana vazni 15-20 kg gacha). Ehtiyotkorlik bilan: Ksantinoksidaza ingibitorlari, diuretiklar, zidovudin bilan bir vaqtda buyurilganda, o'tkir jigar yetishmovchiligida ehtiyotkorlik bilan qo'llash kerak.

Tabletkalar ovqatdan keyin ichga qabul qilinadi, oz miqdorda suv bilan popiladi. Kattalar va 3 yosh va undan katta bolalar (tana vazni 15-20 kg dan yuqori) uchun tavsiya etilgan sutkalik doza tana vazniga 50 mg/kg ni 3-4 qabulga bo‘lib qabul qilinadi, bu o‘rtacha kattalar uchun kuniga 6-8 tabletka, bolalar uchun esa kuniga tana vaznining har 5 kg iga 1/2 tabletkadan to‘g‘ri keladi. Infeksion kasalliklarning og‘ir shakllarida doza individual ravishda tana vazniga 100 mg/kg gacha oshirilishi mumkin, 4-6 qabulga bo‘lib qabul qilinadi. Kattalar uchun maksimal sutkalik doza 3-4 g/kun, 3 yosh va undan katta bolalar uchun esa 50 mg/kg/kun. Davolash davomiyligi: O‘tkir kasalliklarda kattalar va bolalarda davolash davomiyligi odatda 5 kundan 14 kungacha. Davolash klinik simptomlar yo‘qolganidan keyin 2 kun davom ettirilishi kerak. Zarur bo‘lsa, davolash davomiyligi shifokor nazorati ostida individual ravishda oshirilishi mumkin. Surunkali qaytalanuvchi kasalliklarda kattalar va bolalarda davolash 5-10 kunlik bir necha kurslarda, 8 kunlik tanaffuslar bilan o‘tkaziladi. Qo‘llab-quvvatlovchi terapiya davomida doza 500-1000 mg/kun (1-2 tabletka) gacha kamaytirilishi mumkin, 30 kun davomida. Gerpetik infeksiyada kattalar va bolalarga 5-10 kun davomida simptomlar yo‘qolguncha buyuriladi, simptomsiz davrda esa qaytalanishlar sonini kamaytirish uchun 1 tabletkadan kuniga 2 marta 30 kun davomida buyuriladi. Papillomavirus infeksiyasida kattalarga preparat 2 tabletkadan kuniga 3 marta, bolalarga esa tana vaznining har 5 kg iga 1/2 tabletkadan kuniga 3-4 qabulga bo‘lib, 14-28 kun davomida monoterapiya sifatida buyuriladi. Bachadon bo‘yni displaziyasida, inson papillomavirusi bilan bog‘liq holda, 2 tabletkadan kuniga 3 marta 10 kun davomida buyuriladi, keyin 10-14 kunlik tanaffuslar bilan 2-3 shunga o‘xshash kurs o‘tkaziladi. Qaytalanuvchi o‘tkir kondilomalarda kattalarga preparat 2 tabletkadan kuniga 3 marta, bolalarga esa tana vaznining har 5 kg iga 1/2 tabletkadan kuniga 3-4 qabulga bo‘lib, kuniga yoki monoterapiya sifatida, yoki jarrohlik davolash bilan birga 14-28 kun davomida buyuriladi, keyin 1 oylik tanaffuslar bilan ushbu kurs uch marta takrorlanadi. Qariyalar uchun qo‘llanilishi Dozani tuzatishga ehtiyoj yo‘q, preparat o‘rta yoshdagi bemorlardagi kabi qo‘llaniladi. Qariyalarda o‘rta yoshdagi bemorlarga nisbatan qon zardobida va siydikda siydik kislotasi konsentratsiyasi ko‘proq oshishi mumkinligini hisobga olish kerak. Buyrak va jigar yetishmovchiligi bo‘lgan bemorlarda qo‘llanilishi Normomed® preparati bilan davolash fonida har 2 haftada qon zardobida va siydikda siydik kislotasi miqdorini nazorat qilish kerak. Preparat bilan uzoq muddatli davolash kurslarida jigar fermentlari faolligini har 4 haftada nazorat qilish tavsiya etiladi.

Nojo'ya ta'sirlarning rivojlanish tez-tezligi preparat qo'llanilgandan keyin JSST tavsiyalariga muvofiq tasniflangan: tez-tez - >1% va <10%; kamdan-kam - >0,1% va <1%. Nerv tizimi tomonidan, tez-tez - bosh og'rig'i, bosh aylanishi, charchoq, yomon ahvol, holsizlik; kamdan-kam - asabiylik, uyquchanlik, uyqusizlik. Me'da-ichak trakti tomonidan: tez-tez - ishtahaning pasayishi, ko'ngil aynishi, qusish, epigastral sohada og'riq; kamdan-kam - diareya, qabziyat. Jigar va o't yo'llari tomonidan: tez-tez - transaminazalar va qondagi ishqoriy fosfataza faolligining vaqtinchalik oshishi, qondagi siydik miqdorining oshishi. Teri va teri osti to'qimalari tomonidan: tez-tez - qichishish, toshma; kamdan-kam - makulopapulyoz toshma, eshakemi, angionevrotik shish. Buyrak va siydik chiqarish yo'llari tomonidan: kamdan-kam - poliuriya. Umumiy buzilishlar: tez-tez - bo'g'imlarda og'riq, podagraning kuchayishi. Laborator va instrumental ma'lumotlar: tez-tez - qonda siydik azoti miqdorining oshishi.

Og'iz orqali qabul qilingandan so'ng preparat me'da-ichak traktidan (MİT) yaxshi so'riladi. Ingredientlarning maksimal kontsentratsiyasi qon plazmasida 1-2 soatdan keyin aniqlanadi. Tez metabolizmga uchraydi va buyraklar orqali chiqariladi. Endogen purin nukleotidlari kabi metabolizmga uchraydi va siydik kislotasi hosil bo'ladi. N,N-dimetilamino-2-propanol N-oksidga, 4-atsetamidobenzoyat esa o-atsilglyukuronidga metabolizmga uchraydi. Preparatning organizmda kumulyatsiyasi aniqlanmagan. Yarim chiqarilish davri (T1/2) N,N-dimetilamino-2-propanol uchun 3,5 soatni, 4-atsetamidobenzoyat uchun esa 50 daqiqani tashkil etadi. Preparat va uning metabolitlari organizmdan buyraklar orqali 24-48 soat davomida chiqariladi. Farmakodinamikasi Inozin Pranobeks - purinning sintetik hosilasi bo'lib, inozin va N,N-dimetilamino-2-propanolni 1:3 molyar nisbatda o'z ichiga olgan kompleksdir. Immunostimulyatsion faollikka va noxos virusga qarshi ta'sirga ega. Kompleksning samaradorligi inozin mavjudligi bilan belgilanadi, ikkinchi komponent esa uning limfotsitlar uchun mavjudligini oshiradi. Immunodepressiya sharoitida limfotsitlar funksiyasini tiklaydi, monotsitlar populyatsiyasida blastogenezni oshiradi, T-xelperlarning yuzasida membrana retseptorlarining ekspressiyasini stimulyatsiya qiladi, glyukokortikosteroidlar ta'sirida limfotsitlar faolligining pasayishini oldini oladi, ularda timidinning kiritilishini normallashtiradi. Inozin Pranobeks T-limfotsitlar va tabiiy killerlar faolligini, T-supressorlar va T-xelperlar funksiyalarini stimulyatsiya qiladi, immunoglobulin G (Ig G), interferon-gamma, interleykinlar IL-1 va IL-2 ishlab chiqarilishini oshiradi, yallig'lanishga qarshi sitokinlar - IL-4 va IL-10 hosil bo'lishini kamaytiradi, neytrofillar, monotsitlar va makrofaglarning xemotaksisini kuchaytiradi. Preparat in vivo sharoitida oddiy gerpes virusi, sitomegalovirus, qizamiq virusi, inson T-hujayrali limfoma virusi (III tip), polioviruslar, gripp A va B viruslari, ECHO-virusi (enterotsitopatik inson virusi), entsefalomiokardit va ot entsefaliti viruslariga qarshi virusga qarshi faollik ko'rsatadi. Inozin pranobeksning virusga qarshi ta'sir mexanizmi virusli RNK va ayrim viruslar replikatsiyasida ishtirok etuvchi digidropteroatsintetazani ingibitsiyalash bilan bog'liq, viruslar tomonidan bostirilgan limfotsitlar mRNK sintezini kuchaytiradi, bu esa virusli RNK sintezi va virus oqsillari translatsiyasining kamayishi bilan kechadi, limfotsitlar tomonidan virusga qarshi xossalarga ega bo'lgan alfa va gamma interferonlar ishlab chiqarilishini oshiradi. Kombinatsiyalangan buyurishda interferon-alfa, atsiklovir va zidovudinning ta'sirini kuchaytiradi.

Immunodepressantar preparatning immunostimullovchi ta'sirini susaytiradi. Preparat ksantinoxidaza ingibitorlari (allopurinol) yoki siydik kislotasining kanalik sekretsiyasini bloklay oladigan preparatlar, masalan, "halqali" diuretiklar (furosemid, torasemid, etakrin kislotasi) bilan bir vaqtda qabul qilayotgan bemorlarga ehtiyotkorlik bilan qo'llanilishi kerak, chunki bu qon zardobida siydik kislotasi konsentratsiyasining oshishiga olib kelishi mumkin. Preparatni zidovudin bilan birga qo'llash oxirgisining plazmadagi konsentratsiyasini oshiradi va uning T1/2 ni uzaytiradi (birga qo'llanganda zidovudin dozasini tuzatish talab qilinishi mumkin).

Homiladorlik va laktatsiya Homilador va emizikli ayollarga qo‘llash mumkin emas, chunki preparatning xavfsizligi o‘rganilmagan. Davolashni boshlashdan oldin shifokor bilan maslahatlashish kerak. Normomed®, boshqa antivirus preparatlari kabi, o‘tkir virusli infeksiyalarda eng samarali, agar davolash kasallikning erta bosqichida (yaxshisi birinchi kunlardan) boshlangan bo‘lsa. Preparatni 2 hafta qo‘llagandan so‘ng qonda va siydikda siydik kislotasi konsentratsiyasini nazorat qilish kerak. Uzoq muddatli qabulda 4 haftadan so‘ng har oyda jigar va buyrak funksiyasini nazorat qilish maqsadga muvofiq (qon plazmasida "jigar" transaminazalar faolligi, kreatinin, siydik kislotasi). Organizmda siydik kislotasi konsentratsiyasi ancha yuqori bo‘lgan bemorlar bir vaqtda uning konsentratsiyasini pasaytiruvchi preparatlarni qabul qilishlari mumkin. Davolash davomida siydik kislotasi konsentratsiyasini nazorat qilish zarur, agar preparat bir vaqtda siydik kislotasi konsentratsiyasini oshiruvchi preparatlar yoki buyrak funksiyasini buzuvchi preparatlar bilan buyurilsa. Normomed® preparatini jigar yetishmovchiligining o‘tkir shakli bo‘lgan bemorlarda ehtiyotkorlik bilan qo‘llash kerak, chunki preparat jigarda metabolizmga uchraydi. Preparatning psixomotor reaksiyalar tezligiga ta’siri o‘rganilmagan. Preparatni qo‘llashda bosh aylanishi va uyquchanlik paydo bo‘lishi mumkinligini hisobga olish kerak.

Dozani oshirib yuborishda me’da yuvish va simptomatik terapiya ko‘rsatiladi.