Faol moddalar Tabletkalar 5 mg - galantamin gidrobromid 5 mg. Tabletkalar 10 mg - galantamin gidrobromid 10 mg.

Altsgeymer tipidagi yengil va o‘rtacha darajadagi demensiyani davolashda, harakat buzilishlari bilan bog‘liq periferik nerv kasalliklarida (poliradikulonevrit, radikulonevrit, nevrit, polinevrit, polinevropatiyalar), mushak zaifligi (miasteniya gravis), progressiv mushak distrofiyasi, poliomiyelit, bolalar serebral falajida qo‘llaniladi.

Pivalinni quyidagi holatlarda qo'llamang: agar sizda faol modda galantaminga yoki Nivalinning boshqa har qanday tarkibiy qismlariga allergiya (gipersezuvchanlik) bo'lsa. agar sizda quyidagi kasalliklardan biri bo'lsa: og'ir buyrak va/yoki jigar yetishmovchiligi; bronxial astma; yurak ritmining sezilarli sekinlashuvi yoki yurak o'tkazuvchanligi buzilishi bilan bog'liq yurak kasalligi (atriel-ventrikulyar blokada); stenokardiya; og'ir yurak yetishmovchiligi (yurak mushaklari zaifligi); epilepsiya; giperkineziya (ixtiyorsiz harakatlar).

Nivalinni har doim shifokoringizning ko'rsatmalariga aniq rioya qilgan holda qabul qiling. Agar nimadadir ishonchingiz komil bo'lmasa, shifokoringizdan so'rang. Nivalin tabletkalari ovqat vaqtida og'iz orqali qabul qilinadi. Davolanish davomida ko'p miqdorda suyuqlik ichish kerak. Tabletkani ikki teng qismga bo'lish mumkin. Dozalash va davolash davomiyligini davolovchi shifokor belgilaydi.

Barcha dori vositalari kabi, Nivalin ham nojo‘ya ta’sirlarni keltirib chiqarishi mumkin, garchi ular har doim ham har bir bemorda namoyon bo‘lmasa ham. Nivalin quyidagi nojo‘ya ta’sirlarni keltirib chiqarishi mumkin: • - umumiy buzilishlar - ko‘krakda og‘riq, terlash, holsizlik, umumiy noqulaylik. • - yurak-qon tomir tizimi tomonidan buzilishlar - qon bosimining pasayishi (gipotoniya), ortostatik gipotoniya, yurak urishining sekinlashuvi (bradikardiya), yurak ritmining buzilishi, yurak yetishmovchiligi. • - asab tizimi tomonidan buzilishlar • - bosh aylanishi, ixtiyorsiz mushak qisqarishlari, paresteziya (qichishish, kuydirish, uvishish), harakatlarni muvofiqlashtirishning buzilishi (ataksiya), harakat buzilishlari, nutq buzilishi (afaziya), tutqanoq, libido oshishi, deliriya. Nivalin bilan davolash Parkinson kasalligi simptomlarini kuchaytirishi mumkin. • - psixik buzilishlar - ongning chalkashishi, depressiya, paranoya, paranoid reaksiyalar, gallyutsinatsiyalar, tajovuzkorlik. • - me’da-ichak tizimi tomonidan buzilishlar - og‘iz qurishi yoki so‘lak ajralishining ko‘payishi, qorin dam bo‘lishi, ko‘ngil aynishi, qusish, me’da og‘rig‘i, najasda qon, me’da-ichak yo‘llarining yallig‘lanishi. Modda almashinuvi va ovqatlanish buzilishlari - ishtahaning yo‘qolishi, tana vaznining kamayishi, giperglikemiya (qonda shakar miqdorining oshishi), ishqoriy fosfataza darajasining oshishi, suvsizlanish. • - qon hosil bo‘lishi va limfa tizimi tomonidan buzilishlar - trombotsitopeniya (qonda trombotsitlar sonining kamayishi), burundan qon ketishi, teri va shilliq qavatlarda nuqtasimon qon quyilishlar. • - siydik chiqarish tizimi tomonidan buzilishlar - siydik tutilishi, siydikda qon, tez-tez siyish, tsistit, buyrak toshlari. Agar har qanday nojo‘ya ta’sir jiddiy bo‘lsa yoki siz ushbu varaqada ko‘rsatilmagan boshqa nojo‘ya ta’sirlarni sezsangiz, bu haqda shifokoringizga xabar bering.

Rezorbsiya. Galantamin gidrobromid shaklida og'iz orqali qabul qilingandan so'ng me'da-ichak yo'llaridan tez rezorbsiyalanadi, uning biologik mavjudligi juda yuqori. Terapevtik plazma konsentratsiyalari taxminan 30 daqiqa ichida erishiladi. 10 mg dozasida maksimal plazma konsentratsiyasi 1,20 mg/ml ni tashkil etadi va taxminan ikki soat ichida erishiladi. Ovqat galantamin rezorbsiyasi darajasiga ta'sir qilmaydi, lekin uni sekinlashtiradi. Taqsimlanishi. Yarim chiqarilish davri 5 soatni tashkil etadi. Markaziy komponent periferik komponentga nisbatan tezroq chiqariladi. Galantamin plazma oqsillari bilan zaif bog'lanadi. Gematoensefalik to'siqdan oson o'tadi va miya to'qimasida aniqlanadi. Galantamin terapevtik dozalarda chiziqli kinetikaga ega. Taqsimlanish hajmi - taxminan 4 l. Metabolizm. Galantamin jigar orqali sitoxrom P450 (CYP3A4 va CYP2D6) ishtirokida metabolizatsiyalanadi. Galantaminning biotransformatsiyasi sekin va zaif, demetillanish yo'li bilan 5-6 %. Galantamin metabolitlari - epigalantamin, gayantaminon va norgalantamin, plazma va siydikda aniqlanadi. Jigarda kon'yugatsiyalanmaydi va uning biliar ekskresiyasi zaif - 0,2 ± 0,1% 24 soat davomida. Chiqarilishi. Galantamin o'zgarmagan holda va uning metabolitlari (galantaminon, epigalantamin) asosan siydik bilan chiqariladi - 74 ± 23% 72 soat davomida og'iz orqali qo'llanganda. Galantamin asosan glomerulyar filtrlash yo'li bilan chiqariladi. Galantaminning buyrak klirensi taxminan 100 ml/min ni tashkil etadi, bu inulin va mos ravishda kreatinin klirensiga yaqin. Nivalin faol modda galantaminni o'z ichiga olgan dori vositasi bo'lib, u yozgi oqgul so'rg'ich piyozidan ajratib olingan alkaloiddir. Galantamin dori vositalari guruhiga kiradi, ular atsetilxolinesteraza ingibitorlari deb ataladi. U atsetilxolin kimyoviy moddasining darajasini oshiradi, u asab impulslarini bosh miya va periferik nervlarda o'tkazishda ishtirok etadi. U Alzheimer kasalligi bo'lgan bemorlarning holatini yaxshilaydi, uning rivojlanishini sekinlashtiradi.

Quyidagi kasalliklardan aziyat cheksangiz yoki yurak ritmining buzilishi bilan pulsning sekinlashuvi, yoki pulsni sekinlashtiruvchi dori vositalarini qabul qilayotgan bo‘lsangiz; me’da yoki o‘n ikki barmoqli ichak yarasi; bronx spazmi bilan kechuvchi surunkali o‘pka kasalliklari; siydik tutilishi yoki yaqinda prostata beziga operatsiya o‘tkazilgan bo‘lsa, shifokoringizni xabardor qiling. Umumiy narkoz ostida jarrohlik amaliyoti o‘tkazilishidan oldin, Nivalin bilan davolanayotganingiz haqida davolovchi shifokorga xabar bering. Nivalin bilan davolanishda tana vaznining kamayishi kuzatilishi mumkin. Ayniqsa, demensiyali bemorlarda vaznni nazorat qilish tavsiya etiladi. Dori vositasining transport vositalarini boshqarish yoki potensial xavfli mexanizmlarni boshqarish qobiliyatiga ta’siri xususiyatlari. Nivalin bilan davolanishda, ayniqsa davolash boshida, uyquchanlik va bosh aylanishi paydo bo‘lishi mumkin. Bunday hollarda, bu simptomlar yo‘qolguncha transport vositalarini boshqarmang va yuqori e’tibor talab qiluvchi faoliyat bilan shug‘ullanmay turing. Nivalinni ovqat va ichimliklar bilan qabul qilish. Nivalin bilan davolanish vaqtida ko‘p miqdorda suyuqlik iste’mol qilish tavsiya etiladi. Nivalinning ayrim tarkibiy qismlari haqida muhim ma’lumot. Dori vositasi yordamchi modda sifatida bug‘doy kraxmalini o‘z ichiga oladi, u oz miqdorda glyuten saqlashi mumkin. Shuning uchun bug‘doy kraxmalining glyuten intoleransiyasi (seliakiya) bo‘lgan shaxslar uchun xavfsiz deb hisoblanadi. Bug‘doyga allergiyasi bo‘lgan (seliakiyadan farqli) bemorlar ushbu dori vositasini qabul qilmasliklari kerak. Agar sizda ayrim shakarlarni o‘zlashtira olmaslik bo‘lsa, Nivalin bilan davolashni boshlashdan oldin bu haqda davolovchi shifokorga xabar bering, chunki tabletkalar tarkibida yordamchi modda sifatida laktoza mavjud. Nivalinni qo‘llashdan oldin shifokoringizdan maslahat oling. Uning homilador ayollarda xavfsizligi isbotlanmagan, shuning uchun homiladorlik va emizish davrida qo‘llash tavsiya etilmaydi.

Aritmiyalar yoki yuqori qon bosimini davolash uchun dori vositalarini (xinidin, digoksin, beta-blokatorlar, masalan, atenolol, propranolol, metoprolol); antibiotiklar (gentamitsin, amikatsin, eritromitsin); imetidin; depressiyani davolash uchun dori vositalari, masalan, paroksetin, fluoksetin; ketakonazol (zamburug‘larga qarshi dori vositasi); ritonavir (OITSni davolash uchun dori vositasi) qabul qilayotgan bo‘lsangiz, davolovchi shifokoringizni xabardor qiling. Ushbu dori vositalari Nivalinning nojo‘ya ta’sirini kuchaytirishi yoki uning davolovchi ta’sirini o‘zgartirishi mumkin; Nivalin atropin, benzogeksoniy va boshqa ganglioblokatorlar, tubokurarin kabi dori vositalarining davolovchi ta’sirini antagonizatsiya qilishi mumkin. Agar Siz boshqa dori vositalarini, shu jumladan retseptsiz beriladiganlarni qabul qilayotgan yoki yaqinda qabul qilgan bo‘lsangiz, shifokoringizni xabardor qilishingizni so‘raymiz.

Ko'ngil aynishi, qusish, qorin sohasida kolikobraz spazmlar, diareya, qon bosimining pasayishi, yurak urishining sekinlashishi, nafas olishning qiyinlashishi, ko'p miqdorda so'lak ajralishi, ko'zdan yosh oqishi, og'ir hollarda esa - tutqanoq va koma paydo bo'lishi mumkin. Bunday simptomlar paydo bo'lsa, darhol davolovchi shifokorga yoki tibbiyot muassasasiga murojaat qiling.