Har bir plyonka qobig‘i bilan qoplangan tabletka quyidagilarni o‘z ichiga oladi:

faol moddalari: Vitamin B1 (tiamin gidroxlorid) 250 mg, Vitamin B6 (piridoksin gidroxlorid) 250 mg, Vitamin B12 (sianokobalamin) 1 mg;

yordamchi moddalari: mannitol, kremniy dioksid kolloidli suvdan holi, oldindan jelatinlangan makkajo‘xori kraxmali, polivinilpirrolidon, magniy stearat; qobiq tarkibi: akril-EZE® pushti 93O34305 (metakril kislotasi sopolimeri, titaniy dioksid, talk, trietiltsitrat, kremniy dioksid kolloidli suvdan holi, natriy bikarbonat, karmen, natriy laurilsulfat, indigo karmin alyuminiy laki). 

 Vitamin B6 levodopa terapevtik samaradorligini pasaytiradi. Tiosemikarbazon va 5-fluorourasil vitamin B1 samaradorligini kamaytiradi, ular uning antagonistlari hisoblanadi. Antatsidlar vitamin B1 so‘rilishini sekinlashtiradi. Spirtli ichimliklarni ortiqcha iste’mol qilish 2 haftadan ko‘proq davom etganda yoki aminosalisilatlar yoki kolxisin (ayniqsa aminoglikozidlar kombinatsiyasi) vitamin B12 ning me’da-ichak yo‘llaridan so‘rilishini kamaytiradi. Foliy kislotasining yuqori dozalari uzoq muddat davomida vitamin B12 konsentratsiyasini pasaytirishi mumkin. 

 Nevralon B guruhi vitaminlarining kombinatsiyalangan preparati. Neyrotrop B guruhi vitaminlari nervlar va harakat apparatining yallig‘lanish va degenerativ kasalliklarida foydali ta’sir ko‘rsatadi, yuqori dozalarda analgezik ta’sirga ega, qon aylanishini kuchaytirishga yordam beradi va asab tizimi hamda gemopoez jarayonini normallashtiradi. Tiamin gidroxlorid (vitamin B1) muhim faol modda hisoblanadi. Organizmda fosforillanish jarayonlari natijasida koferment bo‘lgan kokarboksilazaga aylanadi, u ko‘plab fermentativ reaksiyalarning kofermenti hisoblanadi. Uglevod, oqsil va yog‘ almashinuvida, shuningdek, sinapslarda asab qo‘zg‘alishini o‘tkazish jarayonlarida muhim rol o‘ynaydi. Hujayra membranalarini peroksidlanish mahsulotlarining toksik ta’siridan himoya qiladi. Piridoksin gidroxlorid (vitamin B6) fosforillangan shaklda aminokislotalarning dekarboksillanishi va preaminatsiyasi, lipid almashinuvi jarayonlarida ishtirok etuvchi fermentlar tarkibiga kiradi. Periferik asab tizimi va markaziy asab tizimi (MAT) ning normal faoliyati uchun zarur. Har ikkala vitaminning fiziologik funksiyasi bir-birining ta’sirini kuchaytirishdan iborat bo‘lib, bu asab-mushak va yurak-qon tomir tizimlariga ijobiy ta’sir ko‘rsatishda namoyon bo‘ladi. Vitamin B6 yetishmovchiligida keng tarqalgan yetishmovchilik holatlari ushbu vitaminlar kiritilgandan so‘ng tezda bartaraf etiladi. Sianokobalamin (vitamin B12) hujayra metabolizmi jarayonlari uchun zarur. Gemopoez funksiyasiga ta’sir qiladi (tashqi antianemik omil), xolin, metionin, kreatinin, nuklein kislotalar hosil bo‘lishida ishtirok etadi, og‘riqni kamaytiruvchi ta’sir ko‘rsatadi. 

 

Nevralon preparatini o‘tkir va og‘ir dekompensatsiyalangan yurak yetishmovchiligi bo‘lgan bemorlarda qo‘llash masalasi bemorning holatini hisobga olgan holda individual tarzda hal qilinadi.

Pediatriyada qo‘llanishi

Nevralon preparatini bolalar va o‘smirlarda qo‘llash samaradorligi va xavfsizligi bo‘yicha ma’lumotlar mavjud emas.

Avtotransport vositalarini boshqarish va mexanizmlar bilan ishlash qobiliyatiga ta’siri

Transport vositalarini boshqaruvchi va potensial xavfli mexanizmlar bilan ishlovchi shaxslar uchun preparatni qo‘llash bo‘yicha hech qanday ogohlantirishlar yo‘q. Preparatni bolalar ololmaydigan joyda saqlash va yaroqlilik muddati tugaganidan so‘ng ishlatmaslik kerak. Zaruriyat tug‘ilganda preparatni homiladorlik va laktatsiya davrida qo‘llash mumkin. 

 

Sintomlar: sensor neyropatiya, preparatning nojo‘ya ta’sir simptomlarining kuchayishi.

Davolash: simptomatik terapiya o‘tkaziladi.