Tabletkalar oval shaklda, ikki tomonlama qavariq, jigarrang rangli plyonka qobiq bilan qoplangan.

1 tabletka tarkibida: Faol moddalari: desmodium o‘ti quruq ekstrakti 90 mg (1000 mg keng bargli desmodium o‘ti /Herba Desmodii styracifolii/ ga mos keladi); 230 mg dorivor o‘simlik xomashyosi aralashmasidan quruq ekstrakt (venik polyni o‘ti /Herba Artemisiae capillaris/ - 250 mg, baykal shlemnik ildizi /Radix Scutellariae/ - 150 mg, uzun kurkuma rizomasi /Rhizoma Curcumae longae/ - 250 mg, betel palmasi urug‘i perikarpiyasi /Pericarpium Areca catechu/ - 100 mg, noras pomerants mevalari /Fructus Aurantii immaturus/ - 100 mg, dorivor magnoliya po‘sti /Cortex Magnolia officinalis/ - 100 mg, silindrsimon imperata rizomasi /Rhizoma Imperatae cylindrica/ - 500 mg); g‘orkusha lopux ildizi /Radix Saussurea lappa/ - 100 mg; barmoqli reven rizomasi /Rhizoma Rhei/ - 50 mg. Yordamchi moddalari: laktosa monogidrat, aerogel, povidon K30, krosprovidon, natriy kraxmal glikolyat, aerosil, magniy stearat. Qobiq: gidroksipropilmetilsellyuloza 606 va 615, maltodekstrin, talk, titan dioksid, polietilenglikol 400, temir oksid qora (E172i), temir oksid qizil (E172ii).

siydik-tosh kasalligining kompleks terapiyasi; o't-tosh kasalligining kompleks terapiyasi; kristalluriya; o't pufagi yallig'lanishi (xoletsistit); siydik yo'llari infeksiyalarining kompleks terapiyasi (tsistitlar, uretritlar, piyelonefritlar va h.k.).

Preparat tarkibiy qismlariga yuqori sezuvchanlik.

Ovqatdan oldin ichga qabul qilinadi. Kattalarga kuniga 3 marta 3 tadan tabletka, 12 yoshdan katta bolalarga kuniga 3 marta 1 tadan tabletka. Qabul qilish davomiyligi 3-4 oy yoki toshlar chiqqunga qadar. Siydik yo'llari infeksiyalarining kompleks terapiyasida kuniga 3 marta 2 tadan tabletka, davolash kursi davomiyligi 2-3 hafta yoki klinik simptomatika va laborator tahlillar normallashguncha. Nefrogen preparatini qabul qilishda kuniga 2-2,5 litr suyuqlik iste'mol qilish tavsiya etiladi. Davolash muddati kasallik og'irligiga qarab shifokor tavsiyasiga binoan uzaytirilishi mumkin.

Allergik reaksiyalar, mumkin bo'lgan ovqat hazm qilish buzilishlari (epigastral sohada og'riq, diareya, qusish). Agar yo'riqnomada ko'rsatilgan har qanday nojo'ya ta'sirlar kuchaysa yoki siz yo'riqnomada ko'rsatilmagan boshqa nojo'ya ta'sirlarni sezsangiz, bu haqda shifokorga yoki yo'riqnomada ko'rsatilgan telefon raqamiga xabar bering.

Nefrogen preparatining ta'sir mexanizmi preparat tarkibiga kiruvchi dori o'simlik xomashyosi tomonidan namoyon bo'ladigan kuchli lipolitik, neyroprotektor va gepatoprotektor xususiyatlari bilan bog'liq bo'lib, ular anti-radikal, antioksidant, xelatlovchi va siydikning kolloid xususiyatlarini barqarorlashtiruvchi faolliklar orqali amalga oshiriladi. Nefrogen fosfaturik va oksalurik shakldagi siydik-tosh kasalligida samaralidir. Diurezni tiklashga va tuzlarni eriydigan holda chiqarishga yordam beradi. Lipid almashinuvining patologik o'zgarishlarining rivojlanishiga to'sqinlik qiladi va D vitamini bilan zaharlanish natijasida yuzaga kelgan fosfaturiyada antioksidant ta'sir ko'rsatadi. Nefrogen in vitro tajribalarda kalsiy oksalat kristallarining o'sishi va integratsiyasini sezilarli darajada kamaytiradi. Shu bilan birga, preparat ta'sirida 1 mkm dan kichik o'lchamdagi kristallar ulushi oshadi, bu esa oksalat kristallariga bo'shashtiruvchi yoki erituvchi ta'sir sifatida baholanadi. Toksik gepatitda preparatni o'rganish shuni ko'rsatdiki, Nefrogen profilaktik qo'llashda aniq gepatoprotektor ta'sir ko'rsatadi, bu yuqori dozalarda namoyon bo'ladi. Nefrogen sitoliz va xolestaz sindromining og'irligini kamaytiradi, jigar sekretsiya va chiqarish funksiyasini tiklaydi. Nefrogen preparati gidroxoleretik xususiyatlarga ega. U safro tarkibini samarali tiklaydi, xolesterin konsentratsiyasini kamaytirish hisobiga uning litogenligini pasaytiradi. In vitro sharoitida u kalsiy bilirubinatining eruvchanligini sezilarli darajada oshiradi. Shunday qilib, Nefrogen preparati samarali litolitik bo'lib, oksalat va fosfat toshlarni eritadi va siydik-tosh kasalligini kompleks davolash uchun tavsiya etilishi mumkin, ayniqsa jigar va o't pufagi bilan bog'liq hamroh patologiyali bemorlarga ko'rsatiladi. Preparat tarkibiga kiruvchi dori o'simlik xomashyosining farmakologik xususiyatlari: desmodium o'ti spazmolitik, yallig'lanishga qarshi, antibakterial, diuretik ta'sir ko'rsatadi, bu diurezni oshirish va siydik yo'llari shilliq qavati shishining kamayishiga yordam beradi, siydik toshlarining o'tishini osonlashtiradi, shuningdek, kalsiy-oksalat toshlariga nisbatan litolitik ta'sir ko'rsatadi. Polyni venichnoy o'ti diuretik ta'sir ko'rsatadi. Shlemnik baykalskiy ildizi gipertoniya kasalligining I va II bosqichida, shuningdek, qo'zg'aluvchanlik oshgan holatlarda, yurak nevrozlari, uyqusizlik, homiladorlik davridagi toksikozlarda gipotenziya va sedativ vosita sifatida qo'llaniladi. Kurkuma uzun ildizpoyasi, betel palmasi mevasining urug'i, magnoliya dori po'stlog'i antioksidant, antibakterial, spazmolitik va yallig'lanishga qarshi ta'sir ko'rsatadi. Pomarants mevasining pishmaganlari antiseptik, antimikrob va yallig'lanishga qarshi ta'sir ko'rsatadi. Imperata silindrik ildizpoyasi siydikning elektrolit tarkibini, pH ni tiklash va buyrak faoliyatini normallashtirish xususiyatiga ega. Gorkushka lopux ildizi aniq miorelaksatsion, diuretik va sitotoksik ta'sir ko'rsatadi. Reven palchaty ildizpoyasi bog'lovchi va o't haydovchi ta'sirga ega. Farmakokinetika. Preparatning ta'siri uning komponentlarining umumiy ta'siri natijasidir, shuning uchun kinetik kuzatuvlarni o'tkazish imkonsiz; barcha komponentlar birgalikda markerlar yoki bio tadqiqotlar yordamida kuzatib borilishi mumkin emas. Shu sababli preparatning metabolitlarini aniqlash ham mumkin emas.

Preparatni antibiotiklar bilan birga qo‘llash terapiya samaradorligini oshiradi.

Nefrogen preparatini siydik-tosh kasalligida qo‘llash siydik yo‘llarida tuz kristallari yoki toshlar hosil bo‘lishiga yordam beradigan oziq moddalari tarkibini cheklash bilan dietaga rioya qilishni, shuningdek, modda almashinuvi va siydikning kislota-ishqor muvozanatini hisobga olishni talab qiladi. Preparatni siydik-tosh kasalligi va kristalluriya bo‘yicha qo‘llash toshlarning tarkibi va siydikning pH darajasiga bog‘liq emas. Nefrogen oksalatli, uratli, fosfatli urolitiazda samaralidir. Nefrogen preparatini qabul qilish to‘xtatilganda "bekor qilish" sindromi kuzatilmaydi. Keksalar va buyrak yetishmovchiligi bo‘lgan bemorlarda preparat dozasini tuzatish talab etilmaydi. Nefrogen preparatining bir yoki bir nechta dozasi o‘tkazib yuborilganda maxsus choralar talab etilmaydi. Agar bemor dori vositasini bir yoki bir necha marta qabul qilishni o‘tkazib yuborsa, preparatni ko‘rsatmada tavsiya etilgan sxema bo‘yicha davom ettirish, dozani ikki barobar oshirmaslik kerak. Foydalanilmagan dori vositasini yo‘q qilishda maxsus ehtiyot choralar talab etilmaydi. Homiladorlik va laktatsiya davri Homilador va emizikli ayollar preparatni shifokor bilan maslahatlashgandan so‘ng qo‘llashlari kerak. Transport vositalarini boshqarish, mexanizmlar bilan ishlashga ta’siri Preparat transport vositalarini boshqarish va diqqatni jamlash hamda psixomotor reaksiyalar tezligini talab qiladigan boshqa potensial xavfli faoliyat turlari bilan shug‘ullanish qobiliyatiga ta’sir qilmaydi.

Dozani oshirib yuborishni oldini olish uchun qo‘llash bo‘yicha ko‘rsatmaga qat’iy rioya qiling. Nefrogen preparati bilan tasodifiy dozani oshirib yuborishda davolash: simptomatik. Hozirgi vaqtgacha dozani oshirib yuborish holatlari aniqlanmagan, shuning uchun dozani oshirib yuborish simptomlari tavsiflanmagan.