1 ml preparatda faol modda Oksimetazolin gidroxlorid 0,500 mg Yordamchi moddalari Limonsirqa monogidrat 0,6093 mg Natriy sitrat digidrat 3,823 mg Glitserol (85 %) 24,348 mg Benzalkoniy xlorid (50% eritma) 0,100 mg Tozalangan suv 978,600 mg (0,05% uchun)

o‘tkir nafas yo‘llari kasalliklarini, burun oqishi bilan kechadiganlarni davolash; allergik rinit; vazomotor rinit; burun bo‘shlig‘i yondosh bo‘shliqlari yallig‘lanishida, evstaxiitda, o‘rta otitda drenajni tiklash uchun; diagnostik muolajalar oldidan burun yo‘llarida shishni bartaraf etish uchun.

Atrofik rinit; yopiq burchakli glaukoma; preparat komponentlariga gipersensitivlik. Preparatning turli yosh toifalari uchun mo‘ljallangan tavsiya etilgan konsentratsiyalariga rioya qilish lozim (qarang qo‘llash usullari).

Nazivin® 0,01 %, 0,025 % va 0,05 % tomchilari burunga qo'llash uchun mo'ljallangan. Kattalar va 6 yoshdan katta bolalar: Nazivin® 0,05 % tomchilaridan har bir burun yo'liga 1 - 2 tomchi kuniga 2 - 3 marta qo'llanadi. 1 yoshdan 6 yoshgacha bo'lgan bolalar: Nazivin® 0,025 % tomchilaridan har bir burun yo'liga 1 - 2 tomchi kuniga 2 - 3 marta qo'llanadi. 1 yoshgacha bo'lgan bolalar: 4 haftagacha bo'lgan bolalarga har bir burun yo'liga Nazivin® 0,01 % dan 1 tomchi kuniga 2 - 3 marta buyuriladi. Hayotining 5-haftasidan 1 yoshgacha – har bir burun yo'liga 1 - 2 tomchi kuniga 2 - 3 marta. Dozalash aniqligini ta'minlash uchun Nazivin® 0,01 % tomchilari flakoni tomchilar soni ko'rsatilgan gradusli pipetkaga ega. Masalan, agar 1 tomchi buyurilgan bo'lsa, pipetkani eritma bilan 1 belgisigacha to'ldirish kerak. Quyidagi protsedura ham samarali ekanligi isbotlangan: yoshga qarab 1 – 2 tomchi 0,01 % eritma paxtaga tomizilib, burun yo'llari artiladi. Nazivin® 0,01 %, 0,025 % va 0,05 % tomchilarini 3 - 5 kun davomida qo'llash kerak. Tavsiya etilgan dozadan yuqori dozalarni faqat shifokor nazorati ostida qo'llash mumkin.

Ba'zan: burun qoplamalarida kuyish yoki quruqlik, hapşırma. Kamdan-kam hollarda: Nazivin®ni qo'llash ta'siri o'tgach, burun «tiqilishi» (reaktiv gipermiya) kuchli his qilinadi. Mahalliy burun orqali ko'p marta dozani oshirib yuborish ba'zan yurak urishining tezlashishi (takikardiya) va qon bosimining oshishiga olib keladi. Juda kam hollarda bezovtalik, uyqusizlik, charchoq, bosh og'rig'i va qayt qilish kuzatilgan. Qon tomirlarini toraytiruvchi dori vositalarini uzoq muddat davomida uzluksiz qo'llash takifilaksiyaga, burun bo'shlig'i shilliq qavatining atrofiyasiga va burun shilliq qavatining qaytuvchi shishiga (dori vositasi riniti) olib kelishi mumkin.