faol modda: oksimetazolin gidroxlorid - 0,1 mg, 0,25 mg va 0,5 mg. yordamchi moddalari: glitserin, natriy sitrat digidrat, limon kislotasi bezvodnaya, benzalkoniy xlorid, in'ektsiya uchun suv 1,0 ml gacha.

Nazimet 0,01 %, 0,025 % va 0,05 % tomchilar intranazal qo‘llash uchun mo‘ljallangan. Nazimet 0,01% burun tomchilari 4 haftagacha bo‘lgan go‘daklarda har bir burun yo‘liga 1 tomchidan kuniga 2-3 marta qo‘llaniladi. Hayotining 5-haftasidan 1 yoshgacha – har bir burun yo‘liga 1-2 tomchidan kuniga 2-3 marta. Quyidagi protseduraning samaradorligi ham isbotlangan: yoshga qarab 1-2 tomchi 0,01% eritma paxtaga tomizilib, burun yo‘llari artib chiqiladi. Nazimet 0,025 % burun tomchilari 1 yoshdan 6 yoshgacha bo‘lgan bolalarga har bir burun yo‘liga 1-2 tomchidan kuniga 2-3 marta buyuriladi. Nazimet 0,05 % burun tomchilari kattalar va 6 yoshdan katta bolalarga har bir burun yo‘liga 1-2 tomchidan kuniga 2-3 marta buyuriladi. Preparatni 5-7 kundan ortiq qo‘llash mumkin emas. Preparatni qayta buyurish faqat bir necha kundan so‘ng mumkin. Tavsiya etilgan dozadan yuqori dozada preparatni faqat shifokor nazorati ostida qo‘llash mumkin. Preparatning bir martalik dozasini kuniga 3 martadan ko‘p qo‘llash mumkin emas.

Ko‘p hollarda (≥ 1% dan < 10% gacha): burun shilliq qavatida kuydiruvchi yoki qurish hissi aksirish, ayniqsa sezgir bemorlarda. Kam hollarda (≥ 0,1% dan < 1% gacha): burun "tiqilishi" hissi (reaktiv gipereemiya); burundan qon ketishi. oshgan sezuvchanlik reaksiyalari (angionevrotik shish, toshma, qichishish). Noyob hollarda (≥ 0,01% dan < 0,1% gacha): yurak urishining tezlashuvi, pulsning tezlashuvi va arterial bosimning oshishi. Juda noyob < 0,01% va yakka hollarda: bezovtalik, uyqusizlik, charchoq (uyquchanlik, sedativ ta'sir), bosh og‘rig‘i, gallyutsinatsiyalar (ayniqsa bolalarda); aritmiyalar; chaqaloqlar va yangi tug‘ilganlarda apnoe; qon bosimi. Uzoq muddatli uzluksiz vazokonstriktor preparatlarni qo‘llash tahifilaksiya, burun bo‘shlig‘i shilliq qavatining atrofiyasi va burun shilliq qavatining qaytuvchi shishi (medikamentoz rinit)ga olib kelishi mumkin.

Oksimetazolin va tritsiklik antidepressantlar, monoaminooksidaza ingibitorlari traniltsipramin turi va boshqa gipertenziya ta’siriga ega preparatlarni bir vaqtda qo‘llash arterial bosimning oshishiga olib kelishi mumkin. Shuning uchun, imkon qadar, bu preparatlarni bir vaqtda qo‘llash tavsiya etilmaydi. Mahalliy anestezik dori vositalarining so‘rilishini sekinlashtiradi, ularning ta’sirini uzaytiradi. Boshqa tomirlarni toraytiruvchi dori vositalarini birga buyurish nojo‘ya ta’sirlar rivojlanish xavfini oshiradi.

Preparatning ko‘zga tushishidan saqlaning. Infektsiyaning tarqalishini oldini olish uchun preparatni individual tarzda qo‘llash zarur. Yangi tug‘ilgan chaqaloqlar va go‘daklarda davolash alohida ehtiyotkorlik bilan amalga oshirilishi kerak. Preparat tarkibida konservant sifatida mavjud bo‘lgan benzalkoniy xloridga yuqori sezuvchanlik bo‘lsa, ehtiyotkorlik bilan qo‘llash lozim – preparatni uzoq muddat qo‘llashda burun shilliq qavatining shishishi yuzaga kelishi mumkin. Tomirlarni toraytiruvchi preparatlarni uzoq muddat uzluksiz qo‘llash tahifilaksiya, burun bo‘shlig‘i shilliq qavatining atrofiyasi va medikamentoz rinitga olib kelishi mumkin. Homiladorlik va laktatsiya davrida qo‘llash Homiladorlik yoki emizish davrida qo‘llanganda tavsiya etilgan dozalardan oshirmaslik kerak. Preparat faqat ona va homila yoki bolaga foyda va xavf nisbati sinchiklab baholangandan so‘ng qo‘llanilishi lozim. Dori vositasining transport vositalarini boshqarish yoki potensial xavfli mexanizmlarni boshqarish qobiliyatiga ta’sir qilish xususiyatlari Tavsiya etilgan dozadan yuqori dozalarda va uzoq muddat qo‘llanganda, tarkibida oksimetazolin bo‘lgan burun uchun vositalarning yurak-qon tomir tizimi va markaziy asab tizimiga umumiy ta’siri istisno qilinmaydi. Bunday hollarda transport vositalarini boshqarishda va yuqori diqqat-e’tibor va tez psixomotor reaksiyalar talab qiladigan boshqa potensial xavfli faoliyat turlari bilan shug‘ullanishda ehtiyotkorlikka rioya qilish lozim.