Faol modda: natriy xlorid - 9 g. 

Yordamchi modda: in'ektsiya uchun suv - 1 l gacha.

Natriy xloridning izotonik eritmasi dori vositalarini eritish uchun, shuningdek, hujayra tashqarisidagi suyuqlikning katta yo'qotilishi yoki uning yetarli darajada tushmasligi (toksik dispepsiya, xolera, diareya, to'xtovsiz qusish, kuchli ekssudatsiyali keng kuyishlar va boshqalar), gipoxloremiya va giponatriemiya bilan suvsizlanish, ichak tutilishi, intoksikatsiyalar, yaralarni, ko'zlarni, burun shilliq qavatini yuvish uchun, gepatin, o'smaga qarshi va boshqa dori vositalari bilan birga mintaqaviy perfuziya uchun qo'llaniladi.

Gipernatriemiya, atsidoz, giperxloremiya, gipokaliemiya, ekstrasellyulyar gipergidratatsiya, tsirkulyator buzilishlar, bosh miya va o‘pka shishiga tahdid soluvchi, bosh miya shishi, o‘pka shishi, o‘tkir chap qorincha yetishmovchiligi, glyukokortikosteroidlarni katta dozalarda birga buyurish.  

Ehtiyotkorlik bilan: dekompensatsiyalangan surunkali yurak yetishmovchiligi, surunkali buyrak yetishmovchiligi (oligo-anuriya).

Kiritishdan oldin flakonni vizual tarzda ko‘zdan kechirish zarur. Eritma shaffof bo‘lishi, zarrachalar va cho‘kma bo‘lmasligi kerak. Flakon butunligi va germetikligi saqlangan bo‘lsa, preparat foydalanishga yaroqli deb hisoblanadi. Odatda natriy xloridning izotonik eritmasi tomchilab vena ichiga yuboriladi. Kiritishdan oldin eritma flakoni 35-37°C gacha isitiladi. Kiritiladigan eritma hajmi bemorning holati, suyuqlik yo‘qotilishi, qon plazmasidagi natriy va xlor ionlari miqdoriga bog‘liq. Infuziya tezligi individual tarzda tanlanadi. 0,9% izotonik natriy xlorid eritmasining kichik hajmini kiritish zarur bo‘lsa, preparatni oqim bilan yuborish mumkin. Eritmaning katta hajmini kiritishda, bemor vazni 70 kg bo‘lsa, preparat vena ichiga tomchilab soatiga 500-600 tomchi tezlikda yuboriladi. Katta miqdorda suyuqlik yo‘qotilganda, zaharlanishlarda kuniga 3000 ml gacha izotonik natriy xlorid eritmasi yuborilishi mumkin. 0,9% izotonik natriy xlorid eritmasi teri ostiga, bo‘shliqlarga va to‘g‘ri ichakka yuborilishi mumkin. Shuningdek, 0,9% izotonik natriy xlorid eritmasi yaralar va shilliq qavatlarni yuvish uchun ishlatiladi.

Qayt qilish, qusish, diareya, oshqozon spazmlari, chanqoq, ko'z yosh, terlash, isitma, takikardiya, arterial gipertoniya. Buyrak funksiyasining buzilishi, shish, nafas qisilishi, bosh og'rig'i, bosh aylanishi, bezovtalik, zaiflik, mushaklarning titrashi va gipertonusi. Katta miqdorda eritma kiritish xloridli kislotali holatga, gipergidratatsiyaga, gipokalemiyaga olib kelishi mumkin.

Uzun muddat davomida katta dozada izotonik natriy xlorid eritmasini kiritishda kislotali-asosiy holat va elektrolitlarni qon plazmasi va siydikda nazorat qilish zarur.  

Agar sezilarli darajada suvsizlanish bo'lsa va venaga kiritish imkoni bo'lmasa, subkutan yoki rektal kiritish amalga oshiriladi.

Kolloidli gemodinamik qon o‘rnini bosuvchi vositalar bilan mos keladi (ta'sirni o‘zaro kuchaytirish).  

Boshqa dori vositalari bilan aralashtirilganda, moslikni vizual nazorat qilish zarur.