1 ml preparat tarkibida:

Faol modda: past molekulyar shakarlar (N-Pentoksenial) 4 mg.

Yordamchi modda: natriy xlorid, in'ektsiya uchun suv.

Kattalar va 12 yoshdan oshgan bolalarga preparat mushak ichiga, kuniga ikki marta 3,0 ml dan yuboriladi. 3 yoshdan boshlab bolalarga preparat mushak ichiga, kuniga bir marta 1,0 ml dan yuboriladi. Davolash kursining davomiyligi 10 kun (60,0 ml), 3 yoshdan boshlab bolalar uchun (10,0 ml). Maksimal bir martalik doza 3,0 ml, sutkalik - 6,0 ml. 3 yoshdan boshlab bolalar uchun maksimal bir martalik doza 1,0 ml, sutkalik - 1,0 ml. Surunkali diffuz jigar kasalliklarida kasallik faolligi va bosqichiga qarab davolash kursini takrorlash mumkin (davolovchi shifokor ko'rsatmasi bo'yicha).

NATOLAN yangi toifadagi moddalar guruhiga mansub dori vositasi bo'lib, molekulasi gepatotsitlar, pankreotsitlar retseptorlariga affinitetli shakarlar guruhini o'z ichiga oladi. Preparat faqat unga xos bo'lgan, boshqa kimyoviy ingredientlariga xos bo'lmagan maxsus farmakologik ta'sir ko'rsatadi. Energetik almashinuvni stimulyatsiya qiladi, 5 oksilipoksigenaza bilan o'zaro ta'sir, yallig'lanishga qarshi sitokinlarni bloklash hisobiga yallig'lanish jarayonini kamaytiradi, hujayra membranalarining ion-transport tizimlarini faollashtiradi, himoya antioksidant funksiyani rivojlantiradi, gepatotsitlar membranalarining barqarorligi va o'tkazuvchanligini kamaytirishga yordam beradi. Preparat jigarni antitoksik funksiyasini kuchaytiradi, oqsil sintezlovchi va lipid hosil qiluvchi funksiyasini yaxshilaydi, surunkali virusli gepatit B va S da serokonversiyaga erishishga yordam beradi, gepatitning klinik ko'rinishlarini kamaytiradi, jigar funksional holatini yaxshilaydi, jigar funksiyasi biokimyoviy ko'rsatkichlarini yaxshilaydi, gepatotsitlar zararlanishi markerlari - ALT, AST, SHF, GGTP miqdorini kamaytiradi. Gemopoezga ijobiy ta'sir ko'rsatadi, gemoglobin, leykotsitlar, periferik va markaziy gemodinamikani normallashtiradi. Jigar fibrozining rivojlanishiga to'sqinlik qiladi. Jigar funksiyalarini, shu jumladan gepatit, sirroz va boshqalarda yo'qolgan funksiyalarni tiklashga yordam beradi. Ushbu ta'sirlar spektri jismoniy ish qobiliyatiga va hayot sifatining yaxshilanishiga ijobiy ta'sir ko'rsatadi.

Glikemiya ko'rsatkichlari dinamikasida salbiy o'zgarishlarning yo'qligini tasdiqlovchi klinik ma'lumotlar mavjud, bu preparatni uglevodlarga tolerantlik buzilishi mavjud bo'lgan hollarda qo'llash imkonini beradi.

Surunkali jigar kasalliklarida ishtahaning oshishi jigar faoliyatining normallashuvi jarayonlarini ko'rsatuvchi hodisa sifatida qaralishi mumkin. Natolan bilan davolanish vaqtida spirtli ichimliklar va chekishdan voz kechish kerak.

Preparatni qo'llash vaqtida iste'mol qilinadigan ovqat hajmini qat'iy nazorat qilish tavsiya etiladi. Bir martalik dozada natriy xlorid miqdori (preparatli 1 ampulada) - 27 mg (460 mmol), tuzsiz dieta tutayotgan shaxslarga ehtiyotkorlik bilan buyuriladi.

Homiladorlik va laktatsiya davri

Hayvonlarda o'tkazilgan tadqiqotlarda Natolan preparatining teratogen xususiyatlari aniqlanmagan. Natolan preparatini tavsiya etilgan dozada qo'llashda hozirgi vaqtgacha preparatning homiladorlik kechishi yoki bola salomatligiga salbiy ta'siri haqida ma'lumotlar yo'q. Natolan preparatini homilador ayollarni davolash uchun davolovchi shifokor ko'rsatmasi bo'yicha, kutilayotgan davolovchi ta'sir mumkin bo'lgan nojo'ya ta'sirlar rivojlanish xavfidan yuqori bo'lsa, qo'llash mumkin.

Bolalar

Pediatriyada qo'llash Natolan turli etiologiya va patogenezli gepatitlarni davolashda qo'shimcha terapiya tarkibida 3 yoshdan katta bemorlarga ko'rsatilgan. Natolan preparatini 3 yoshdan boshlab bolalarni davolash uchun davolovchi shifokor ko'rsatmasi bo'yicha, kutilayotgan davolovchi ta'sir mumkin bo'lgan nojo'ya ta'sirlar rivojlanish xavfidan yuqori bo'lsa, qo'llash mumkin. Preparat dozasini ehtiyotkorlik bilan tanlash, Natolan preparatini dozalar diapazonining pastki chegarasidan boshlash tavsiya etiladi. Natolan preparati yangi tug'ilgan chaqaloqlar, go'daklar va 3 yoshgacha bo'lgan bolalarda o'rganilmagan.

Avtotransport boshqarish va potensial xavfli mexanizmlarni boshqarish qobiliyatiga ta'siri

Preparat avtotransport yoki potensial xavfli mexanizmlarni boshqarish qobiliyatiga ta'sir qilmaydi.