Bitta ampulada: faol modda: xondroitin sulfat - 100,0 mg yoki 200,0 mg; yordamchi modda: benzil spirti, in'ektsiya uchun suv.

Belgilarning yengillashuvi (yengil yoki o‘rtacha og‘riq), ta’sirning asta-sekin rivojlanishi bilan, to‘g‘ri tashxis qo‘yilgan tizza, son bo‘g‘imlarining osteoartriti, umurtqa osteoxondrozi holatida.

Dori vositasining har qanday komponentiga yuqori sezuvchanlik, qon ketishga moyillik, tromboflebitlar, homiladorlik, laktatsiya (davolanish vaqtida emizishni to'xtatish kerak). 15 yoshgacha bo'lgan bolalar (samaradorlik va xavfsizlik aniqlanmagan). Ehtiyotkorlik bilan: qon ivishining buzilishi, qandli diabet, tana vazni yuqori bo'lgan shaxslarda, past tuzli dieta oladigan bemorlarda, 18 yoshgacha bo'lgan bolalarda, buyrak funksiyasi buzilgan hollarda, homiladorlikni rejalashtirayotgan ayollarda.

Dori vositasi mushak ichiga yuborish uchun mo‘ljallangan. Tomir ichiga yubormang. Kattalar va qariyalar. Dori vositasi mushak ichiga har kuni 1 ml dan yuboriladi. Yaxshi o‘zlashtirilganda dozasi to‘rtinchi in’ektsiyadan boshlab 2 ml gacha oshiriladi. Davolash kursi – 25-35 in’ektsiya. Takroriy kurslar – 6 oydan keyin. Bolalarda qo‘llanilishi. Bolalarda qo‘llanilmaydi.

Teri va teri osti yog‘ qavati tomonidan: eritema, eshakemi, ekzema, makulopapulyoz toshma, qichishish va/yoki shish bilan yoki ularsiz kuzatilgan holatlar haqida xabarlar mavjud. Ovqat hazm qilish tizimi tomonidan: kamdan-kam hollarda ko‘ngil aynishi, qusish holatlari haqida xabar berilgan. Immun tizimi tomonidan: juda kam hollarda angionevrotik shish holatlari haqida xabar berilgan. In’ektsiya joyida qon ketish holatlari qayd etilgan. Nojo‘ya reaksiyalar haqida xabar berish. Agar Sizda biron-bir nojo‘ya reaksiyalar yuzaga kelsa, shifokor bilan maslahatlashing. Bu, shuningdek, ushbu yo‘riqnomada ko‘rsatilmagan har qanday nojo‘ya ta’sirlarga ham taalluqlidir. Siz, shuningdek, dori vositalarining nojo‘ya reaksiyalari (ta’sirlari) bo‘yicha axborot bazasiga, shu jumladan davlat hududida aniqlangan dori vositalarining samarasizligi haqidagi xabarlarga ham xabar berishingiz mumkin (UP «Sog‘liqni saqlashda ekspertiza va sinovlar markazi M3 RB», sayt rceth.by). Nojo‘ya reaksiyalar haqida xabar berish orqali Siz preparatning xavfsizligi haqida ko‘proq ma’lumot olishga yordam berasiz.

Dori vositasi yallig'lanishga qarshi, og'riqni kamaytiruvchi ta'sir ko'rsatadi. Bo'g'im tog'ayining degradatsiyasiga olib keluvchi fermentlar faolligini susaytiradi. Yallig'lanishga qarshi va og'riqni kamaytiruvchi effektlar sinovial suyuqlikka yallig'lanish mediatorlari va og'riq omillarining sinovial qavat sinoviositlari va makrofaglari orqali ajralishini kamaytirish, shuningdek, leyotrien B4 va prostaglandin E2 sekretsiyasini bostirish natijasida erishiladi. Dori vositasini qo'llash tog'ay to'qimasining siqilishiga to'sqinlik qiladi, bo'g'im yuzalarining moylash rolini bajaradi, bo'g'im suyuqligi ishlab chiqarilishini normallashtiradi, bo'g'imlarning harakatchanligini yaxshilaydi, og'riq intensivligini kamaytirishga yordam beradi.

Allergik reaksiya yoki gemorragiyalar yuzaga kelganda davolashni to‘xtatish kerak. Barqaror klinik ta’sirga erishish uchun Mukosat-Belmed dori vositasining kamida 25 in’ektsiyasi zarur, biroq ta’siri davolash kursi tugaganidan keyin ko‘p oylar davomida saqlanib turadi. 1 ml eritmada 9 mg benzil spirti mavjud, u chaqaloqlarda va 3 yoshgacha bo‘lgan bolalarda zaharlanish va psevdonafilaktik reaksiyalarni keltirib chiqarishi mumkin.

Nosteroid yallig‘lanishga qarshi vositalar bilan birga qo‘llanganda Mukosat - Belmed nosteroid yallig‘lanishga qarshi vositalar dozasini kamaytirishga imkon beradi. Dori vositasi bilvosita antikoagulyantlar, antiagregantlar, fibrinolitiklarning ta’sirini kuchaytiradi, bu esa birga qo‘llanganda qon ivish ko‘rsatkichlarini tez-tez nazorat qilishni talab qiladi.

Dori vositasi hatto sezilarli dozada oshirib yuborilganda ham toksiklik namoyon qilmaydi. Belgilari: allergik reaksiyalar, in'ektsiya joyida gemorragiyalar. Tasodifiy o‘tkir dozani oshirib yuborishda - simptomatik davolash. Barcha chora-tadbirlar Mukosat - Belmed dori vositasini bekor qilish fonida o‘tkaziladi.