Eritma - 100 ml: Faol modda: xondroitin sulfat natriy 100 mg. Yordamchi moddalari: benzil spirti 9 mg; in'ektsiya uchun suv 1 ml gacha.

Bo'g'imlar va umurtqa pog'onasining degenerativ kasalliklari: osteoartroz, orqa umurtqa osteoxondrozi.

"Mukosat"® preparati mushak ichiga kunora 1 ml dan yuboriladi. Yaxshi o'zlashtirilganda to'rtinchi in'ektsiyadan boshlab doza 2 ml gacha oshiriladi. Davolash kursi 25-30 in'ektsiyani tashkil etadi. Zaruriyat tug'ilganda 6 oydan so'ng takroriy kurslar o'tkazish mumkin.

Allergik reaksiyalar va in'ektsiya joyida gemorragiyalar bo'lishi mumkin. Bunday hollarda preparat bekor qilinadi.

Preparat xondoprotektiv, xaftaga to'qimasining regeneratsiyasini rag'batlantiruvchi, yallig'lanishga qarshi ta'sirga ega. Xafta va suyak to'qimasining asosiy moddasini qurishda ishtirok etadi, xafta to'qimasida fosfor-kalsiy almashinuvini yaxshilaydi, bo'g'im xaftasining tuzilishi va funksiyalarini buzuvchi fermentlarni ingibitsiya qiladi, xafta to'qimasining degeneratsiya jarayonlarini sekinlashtiradi. Proteoglikanlar sintezini rag'batlantiradi, gialin xaftaning metabolizmini normallashtiradi, xafta yuzalari va bo'g'im sumkasining regeneratsiyasiga yordam beradi. Biriktiruvchi to'qimaning siqilishining oldini oladi, sinovial suyuqlik ishlab chiqarilishini va zararlangan bo'g'imlarning harakatchanligini oshiradi, hamroh yallig'lanish, og'riqni kamaytiradi, YOKIShQ (NPVP) ga ehtiyojni kamaytirishga yordam beradi. Xafta to'qimasining degenerativ o'zgarishlarida o'rinbosar terapiya vositasi hisoblanadi. Ijobiy ta'sir preparat yuborilishi boshlanganidan 2-3 hafta o'tgach kuzatiladi. Terapevtik ta'sir davolash kursi tugaganidan keyin uzoq vaqt (3-6 oy) saqlanib turadi. Tuzilishi jihatidan geparinga o'xshash bo'lib, potensial ravishda sinovial va subxondral mikrosirkulyator tizimda fibrin tromblarining hosil bo'lishiga to'sqinlik qilishi mumkin. Farmakokinetika Xondroitin sulfat mushak ichiga yuborilgandan so'ng tezda taqsimlanadi. Allaqachon in'ektsiyadan 30 daqiqa o'tgach, u qonda sezilarli konsentratsiyalarda aniqlanadi. Xondroitin sulfatning plazmadagi maksimal konsentratsiyasi (Cmax) 1 soatda erishiladi, so'ngra asta-sekin 2 kun davomida kamayadi. Xondroitin sulfat asosan bo'g'imlarning xafta to'qimasida to'planadi. Sinovial qobiq preparatning bo'g'im bo'shlig'iga kirishiga to'sqinlik qilmaydi. Tajribalarda ko'rsatilganidek, xondroitin sulfat mushak ichiga yuborilgandan 15 daqiqa o'tgach sinovial suyuqlikda aniqlanadi, so'ngra bo'g'im xaftasiga o'tadi, u yerda uning Cmax 48 soatda erishiladi. Bo'g'im ichiga yuborilganda xondroitin sulfatning bo'g'im to'qimalarida ushlanishi va asta-sekin qon oqimiga chiqishi kuzatiladi. Xondroitin sulfatning 200 mg dozada bir martalik bo'g'im ichiga yuborilganda plazmadagi Cmax 1-2 soatda kuzatiladi va 52,5-86,9 ng/ml ni tashkil etadi, yarim chiqarilish davri (T1/2) 2,5 soatni tashkil etadi.

Preparatni bilvosita antikoagulyantlar, antiagregantlar, fibrinolitiklar bilan birga qo'llanganda qon ivish ko'rsatkichlarini tez-tez nazorat qilish talab etiladi. Allergik reaksiyalar rivojlanishi yoki gemorragiyalar paydo bo'lishi holatida davolashni to'xtatish kerak. Bolalarda qo'llanilishi Hozirgi vaqtda xondroitin sulfatni bolalarda qo'llash samaradorligi va xavfsizligi bo'yicha ma'lumotlar mavjud emas. Transport vositalarini, mexanizmlarni boshqarish qobiliyatiga ta'siri Preparat transport vositalarini boshqarish, mexanizmlar bilan ishlash va yuqori e'tibor hamda psixomotor reaksiyalar tezligini talab qiladigan boshqa faoliyat turlari bilan shug'ullanish qobiliyatiga ta'sir ko'rsatmaydi.