Nafas yo‘llarining o‘tkir va surunkali kasalliklarida yo‘tal: bronxitlar, pnevmoniyalar, bronxoektatik kasallik, bronxial astma, o‘pka silining noxos bronxit hodisalari bilan.

Mukaltin yoki preparatning boshqa komponentlariga yuqori sezuvchanlik.

Kattalar va 12 yoshdan katta bolalarga ovqatdan oldin kuniga 3-4 marta 1-2 tabletkadan buyuriladi. Bolalar uchun bir martalik doza yoshiga qarab: 1-3 yosh - 1 tabletka, 3-12 yosh - 1-2 tabletka. Bolalarga qo‘llanganda preparatni 1/3 stakan iliq suvda eritib, istalgan holda shakarli yoki mevali sirop qo‘shish mumkin. Davolash kursi - 7 kundan 1-2 oygacha, kasallik shakliga qarab.

Ba'zi hollarda allergik reaksiyalar, masalan, toshma, teri qichishishi yuzaga kelishi mumkin.

Mukaltin - samarali balg‘am ko‘chiruvchi vosita bo‘lib, uning ta’siri sekretolitik va bronxolitik xususiyatlari bilan bog‘liq. Preparat o‘rtacha yo‘talga qarshi ta’sir ko‘rsatadi, yo‘tal xurujlari soni va intensivligini kamaytiradi. Yumshatuvchi, yallig‘lanishga qarshi va qoplovchi xususiyatlarga ega. O‘zgargan bronxopulmonal sekretsiyani normallashtiradi, balg‘am ajralishini yaxshilaydi: uning quyuqligi va yopishqoqlik xususiyatlarini kamaytiradi, balg‘amning pastki nafas yo‘llaridan yuqori bo‘limlarga harakatlanishini va uning ko‘chishini osonlashtiradi.

Ko‘rsatilgan terapevtik dozalarda preparatni qo‘llashda dozani oshirib yuborish mumkin emas. Uzoq muddat qo‘llanganda yoki ko‘rsatilgan dozalar oshirilganda ko‘ngil aynishi va qusish paydo bo‘lishi mumkin. Terapiyasi - simptomatik.