1 kapsula tarkibida: faol moddalari: metronidazol - 400 mg, mikonazol nitrat - 100 mg, neomitsin sulfat - 45 mg, gotu kola* - 15 mg, polimiksin sulfat - 5 mg; yordamchi moddalari: suyuq vazelin, qattiq vazelin, jele, anhidrid glitserin, nipagin, nipazol, sariq bo‘yoq «quyosh botishi», titan dioksidi va glitserin suspenziyasi. *tsentella aziatskaya (aziatikozid va geninlar).

Kuniga 1 kapsuladan, uxlashdan oldin. Kapsula chuqur holda qin ichiga, yotgan holatda, kechki gigiyenadan so‘ng kiritiladi. Davolash davomiyligi 6-12 kun.

Faynex - ginekologiyada mahalliy qo‘llash uchun mo‘ljallangan kombinatsiyalangan preparat. Faol komponentlari tufayli antimikrob, antiprotazoy, zamburug‘larga qarshi, regenerativ ta’sir ko‘rsatadi. Metronidazol - 5-nitroimidazol hosilasi, antiprotazoy va antimikrob ta’sir ko‘rsatadi. Ta’sir mexanizmi metronidazolning 5-nitro guruhi anaerob mikroorganizmlar va sodda organizmlarning hujayra ichidagi transport oqsillari tomonidan biokimyoviy qaytarilishi bilan bog‘liq. Qaytarilgan metronidazolning 5-nitro guruhi mikroorganizmlarning DNKsiga ta’sir qilib, uning sintezini ingibitsiya qiladi, bu esa bakteriyalarning o‘limiga olib keladi. Quyidagilarga nisbatan faol: Trichomonas vaginalis, Entamoeba histolytica, shuningdek, obligat anaeroblar Bacteroides spp. (shu jumladan Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., ayrim gram-musbat mikroorganizmlar (Eubacterium spp., Clostridium spp., Peptococcus niger, Peptostreptococcus spp.). Mikonazol nitrat - imidazol va triazol hosilasi, zamburug‘larga qarshi ta’sir ko‘rsatadi: hujayra membranasining ergosterol sintezini ingibitsiya qiladi. Dermatofitlar, xamirturush va ayrim boshqa zamburug‘larga nisbatan faol. Gram-musbat mikroorganizmlarga nisbatan antimikrob faollik ko‘rsatadi. Vaginal mikroflora va pH tarkibini o‘zgartirmaydi. Neomitsin sulfat - aminoglikozidlar guruhiga mansub keng ta’sir doirasiga ega antibiotik. Gram-musbat (Staphylococcus spp., Streptococcus pneumoniae) va gram-manfiy (Escherichia coli, Shigella dysenteria spp., Shigella flexneri spp., Shigella boydii spp., Shigella sonnei spp., Proteus spp.) mikroorganizmlarga nisbatan bakteritsid ta’sir ko‘rsatadi. Neomitsinning bakteritsid ta’sir mexanizmi ribosomalar va bakterial hujayra oqsili sintezini bostirish bilan bog‘liq. Streptococcus spp.ga nisbatan kam faol. Mikroorganizmlarning neomitsinga chidamliligi sekin va kam darajada rivojlanadi. Polimiksin sulfat - Bacillus polymixa spor hosil qiluvchi bakteriyalari tomonidan ishlab chiqariladigan antibiotik. Bakteritsid ta’sir ko‘rsatadi, bu mikroblar hujayra membranasining yaxlitligini buzish bilan bog‘liq. Membrana fosfolipidlari ustida adsorbsiya bo‘lib, uning o‘tkazuvchanligini oshiradi, bakteriyalarning lizisiga olib keladi. Gram-manfiy mikroorganizmlarga nisbatan faol: Pseudomonas aeruginosa, Salmonella spp., Shigella spp., Escherichia coli, Klebsiella spp., Bordetella pertussis, Haemophilus influenzae, Enterobacter. Fusobakteriyalar va bakteroidlar (Bacteroides fragilis) o‘rtacha sezgir. Kokkusli aerob (Staphylococcus spp., Streptococcus spp., shu jumladan Streptococcus pneumoniae, Neisseria gonorrhoeae, Neisseria meningitidis) va anaerob mikroorganizmlarga, Proteus spp.ning ko‘pchilik shtammlariga, Mycobacterium tuberculosis, Corynebacterium diphtheriae va zamburug‘larga ta’sir qilmaydi. Gotu kola yarani bitiruvchi ta’sirga ega: granulyatsiya jarayonini va kollagen hosil bo‘lishini rag‘batlantiradi, epitelizatsiyaga yordam beradi.

Ishlatilmasin, agar spirtli eritmalar bilan chayish amalga oshirilsa. Og'iz orqali qabul qilinadigan antikoagulyantlar (varfarin, dikumarin) bilan bir vaqtda buyurilmaydi, ular protrombin vaqtini va qon ketishini oshiradi. Davolanish vaqtida spirtli ichimliklarni iste'mol qilish qusish, terlash, gipotoniyaga (antabus-effekt) olib kelishi mumkin.

Faynex jigar faoliyatining og'ir yetishmovchiligi bo'lgan bemorlarga ehtiyotkorlik bilan buyuriladi. Buyrak yetishmovchiligi, buyrak kasalliklari bo'lgan bemorlarga Faynex ehtiyotkorlik bilan va faqat shifokor nazorati ostida qo'llanilishi kerak. Jinsiy aloqadan oldin ishlatilmaydi. Preparatni qo'llash urug'lantirishda qiyinchilikka olib kelishi mumkin. Faynex hayz ko'rish tugagandan so'ng buyurilishi tavsiya etiladi. Agar hayz ko'rish davolanish vaqtida boshlangan bo'lsa, uni to'xtatish tavsiya etilmaydi, gigiyenik prokladkalar, tamponsiz ishlatilishi kerak. Faynexdan foydalanish venerik kasalliklarning rivojlanishini oldini olmaydi. Suppozitoriy tarkibiga kiruvchi ingredientlar lateks prezervativlar va qin diafragmasiga zarar yetkazishi mumkin. Homiladorlik va laktatsiya davri Homiladorlikning II va III trimestrlarida faqat shifokor ko'rsatmasi bo'yicha, onaga kutilayotgan foyda homilaga bo'lgan potentsial xavfdan yuqori bo'lgan hollarda qo'llaniladi. Bolalar Ushbu yosh guruhida qo'llash bo'yicha tadqiqotlar yo'qligi sababli, 18 yoshgacha bo'lgan bolalar va o'smirlarga tavsiya etilmaydi. Dori vositasining transport vositasini yoki potentsial xavfli mexanizmlarni boshqarish qobiliyatiga ta'siri Ta'sir qilmaydi.

Preparat terapevtik dozalarda qo'llanilganda dozani oshirib yuborish xavfi yo'q.