Trichomonadli vaginit va uretrit ayollarda, trichomonadli uretrit erkaklarda, lyamblioz, amebali dizenteriya, metronidazolga sezgir mikroorganizmlar chaqirgan anaerob infeksiyalar, og‘ir aralash aerob-anaerob infeksiyalarning kombinasiyalangan terapiyasi. Jarrohlik aralashuvlarda (ayniqsa qorin bo‘shlig‘i organlari, siydik chiqarish yo‘llarida) anaerob infeksiyani oldini olish. Surunkali alkogolizm.

Amoksitsillin bilan kombinatsiyada: surunkali gastritning zo‘rayish bosqichida, me’da va o‘n ikki barmoqli ichak yarasi zo‘rayish bosqichida, Helicobacter pylori bilan bog‘liq.

Tashqi va mahalliy qo‘llash uchun: pushti va oddiy akne davolash, bakterial vaginozlar, uzoq bitmayotgan yaralar, trofik yaralarni davolash.

Ovqat hazm qilish tizimi tomonidan: ko'ngil aynishi, qusish, ishtahaning yo'qligi, og'izda metall ta'mi.

Markaziy asab tizimi va periferik asab tizimi tomonidan: bosh og'rig'i, qo'zg'aluvchanlikning oshishi, asabiylashish, uyqusizlik, bosh aylanishi, ataksiya, holsizlik, ongning chalkashligi, depressiya, periferik nevropatiya, tutqanoq, gallyutsinatsiyalar.

Allergik reaksiyalar: teri toshmasi, qichishish, eshakemi.

Qon hosil qilish tizimi tomonidan: leyopeniya.

Mahalliy reaksiyalar: tirnash xususiyati.

Boshqa: artralgiya, siydik chiqarish kanalida kuydiruvchi his.

Antiprotozoar vosita. Ta'sir mexanizmi sezgir mikroorganizmlarning DNK tuzilmasining buzilishi bilan bog'liq deb hisoblanadi. Trichomonas vaginalis, Gardnerella vaginalis, Giardia lamblia, Entamoeba histolytica, shuningdek, obligat anaerob bakteriyalarga (jumladan, Bacteroides spp., Fusobacterium spp.) nisbatan faol.

Metronidazolga aerob mikroorganizmlar chidamli.

Amoksitsillin bilan birga qo'llanganda Helicobacter pylori ga nisbatan faollik namoyon qiladi. Amoksitsillin Helicobacter pylori ning metronidazolga chidamliligini rivojlanishini inhibe qiladi deb hisoblanadi.

Metronidazol jigar kasalliklarida ehtiyotkorlik bilan qo'llaniladi.

Amoksitsillin bilan birga qo'llanganda 18 yoshdan kichik bemorlarda qo'llash tavsiya etilmaydi. Davolash jarayonida periferik qon manzarasini tizimli nazorat qilish zarur.

Ayollarda trixomonadli vaginit va erkaklarda trixomonadli uretritni davolash vaqtida jinsiy hayotdan tiyilish tavsiya etiladi; har ikki hamkorni bir vaqtda davolash majburiy hisoblanadi.

Metronidazol qo'llanilganda siydikning to'q rangga bo'yalishi kuzatiladi.

Metronidazol bilan davolash davrida spirtli ichimliklarni qabul qilishdan saqlanish kerak, chunki spirtning oksidlanishi buzilishi natijasida atsetaldegid to'planishi mumkin. Natijada disulfiramga xos bo'lgan reaksiyalar (qorin sohasida spazmatik og'riqlar, ko'ngil aynishi, qusish, bosh og'rig'i, yuzga to'satdan qon quyilishi) rivojlanishi mumkin.

Bir vaqtda alyuminiy gidroksid saqlovchi antatsidlar, kolestiramin bilan qo‘llanganda metronidazolning me’da-ichak yo‘llaridan so‘rilishi biroz kamayadi.

Bir vaqtda qo‘llanganda metronidazol bilvosita antikoagulyantlarning ta’sirini kuchaytiradi.

Bir vaqtda disulfiram bilan qo‘llanganda o‘tkir psixozlar va ong buzilishi rivojlanishi mumkin.

Metronidazol bilan birga qo‘llanganda karbamazepin plazmadagi konsentratsiyasining oshishi va toksik ta’sir rivojlanish xavfining oshishini istisno qilib bo‘lmaydi.

Bir vaqtda lansoprazol bilan qo‘llanganda glossit, stomatit va/yoki tilning to‘q rangga bo‘yalishi mumkin; litiy karbonat bilan - plazmada litiy konsentratsiyasining oshishi va intoksikatsiya simptomlarining rivojlanishi mumkin; prednizon bilan - metronidazolning jigar orqali metabolizmi tezlashuvi natijasida organizmdan chiqarilishi oshadi. Metronidazol samaradorligi kamayishi mumkin.

Bir vaqtda rifampitsin bilan qo‘llanganda metronidazolning organizmdan klirensi oshadi; fenitoin bilan - plazmada fenitoin konsentratsiyasining biroz oshishi mumkin, toksik ta’sir rivojlanishi holati tasvirlangan.

Bir vaqtda fenobarbital bilan qo‘llanganda metronidazolning organizmdan chiqarilishi sezilarli darajada oshadi, ehtimol, fenobarbital ta’sirida jigar orqali metabolizmi tezlashuvi natijasida. Metronidazol samaradorligi kamayishi mumkin.

Bir vaqtda ftorurasil bilan qo‘llanganda toksik ta’siri kuchayadi, lekin ftorurasil samaradorligi oshmaydi.

Metronidazol qabul qilayotgan bemorda xloroxin bir martalik dozasi qabulidan so‘ng o‘tkir distoniya rivojlanishi holati tasvirlangan.

Bir vaqtda tsimetidin bilan qo‘llanganda metronidazolning jigar orqali metabolizmi inhibitsiyasi mumkin, bu esa uning chiqarilishi sekinlashuvi va plazmada konsentratsiyasining oshishiga olib kelishi mumkin.

Metronidazol qabul qilayotgan bemorlarda etanol bilan birga qo‘llanganda disulfiramga o‘xshash reaksiyalar rivojlanishi mumkin.