100 ml eritma tarkibida faol modda Metronidazol – 500 mg. Yordamchi modda in'ektsiya uchun suv – 100 ml gacha.

Protozoylarga qarshi va mikroblarga qarshi preparat, 5-nitroimidazol hosilasi. Ta'sir mexanizmi anaerob mikroorganizmlar va protozoylarning hujayra ichidagi tashuvchi oqsillari tomonidan 5-nitro guruhi biokimyoviy tiklanishiga asoslangan. Tiklangan 5-nitro guruhi mikroorganizmlar hujayrasining DNKsi bilan o'zaro ta'sir qiladi, ularning nuklein kislotalari sintezini ingibitsiya qiladi, bu esa bakteriyalarning o'lishiga olib keladi. Trichomonas vaginalis, Entamoeba histolytica, Gardnerella vaginalis, Giardia intestinalis, Lamblia spp., shuningdek, obligat anaeroblar Bacteroides spp. (shu jumladan Bacteroides fragilis, Bacteroides distasonis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., Veillonela spp., Prevotella (P.bivia, P.buccae, P.disiens), va ba'zi gram-musbat mikroorganizmlarga (Eubacterium spp., Clostridium spp., Peptococcus spp., Peptostreptococcus spp.) nisbatan faol. Ushbu shtammlar uchun MPK 0,125-6,25 mkg/ml ni tashkil etadi. Amoksitsillin bilan birga Helicobacter pylori ga nisbatan faollik namoyon qiladi (amoksitsillin metronidazolga rezistentlik rivojlanishini to'xtatadi). Metronidazolga aerob mikroorganizmlar va fakultativ anaeroblar sezgir emas, biroq aralash flora (aeroblar va anaeroblar) mavjudligida metronidazol oddiy aeroblarga qarshi samarali antibiotiklar bilan sinergik ta'sir ko'rsatadi. O'smalarning nurlanishga sezgirligini oshiradi, alkogolga sezgirlikni chaqiradi (disulfiramga o'xshash ta'sir), reparativ jarayonlarni stimulyatsiya qiladi.