1 g gel tarkibida: Faol moddalari: Metronidazol benzoat - 16,0 mg (bu metronidazolga ekvivalent - 10,0 mg) Xlorgeksidin diglyukonat 20% eritma - 2,5 mg (bu xlorgeksidin diglyukonatga ekvivalent - 0,5 mg) Yordamchi moddalari: propilenglikol 50,0 mg, karbomer-980 15,0 mg, dinatriy edetat 0,5 mg, saxarin 1,0 mg, levomentol 5,0 mg, natriy gidroksid 4,0 mg, suv 1 g gacha.

Parodont va og‘iz bo‘shlig‘i shilliq qavatining infeksion-yallig‘lanish kasalliklari: - o‘tkir va surunkali gingivit; - o‘tkir yara-nekrotik Vensan gingiviti; - o‘tkir va surunkali parodontit; - o‘smirlar parodontiti; - gingivit bilan asoratlangan parodontoz; - aften stomatit; - xeylit; - protez taqishda og‘iz bo‘shlig‘i shilliq qavatining yallig‘lanishi; - postekstraksion alveolit (tish olib tashlangandan keyin so‘kaning yallig‘lanishi); - periodontit, periodontal abscess (kombinatsiyalangan terapiya tarkibida).

metronidazol, xlorgeksidin, nitroimidazol hosilalari yoki preparatning boshqa komponentlariga yuqori sezuvchanlik; qon tizimi kasalliklari, shu jumladan anamnezda; periferik va markaziy asab tizimi kasalliklari; 18 yoshgacha bo‘lgan bolalar yoshi.

Mahalliy, faqat stomatologik qo‘llash uchun. Tish go‘shtining yallig‘lanishida (gingivit): Metrogil Denta® tish go‘shti sohasiga barmoq yoki paxta tayoqchasi yordamida yupqa qatlam qilib kuniga 2 marta surtiladi. Gel surtilgandan so‘ng 30 daqiqa davomida ichimlik va ovqat qabul qilishdan tiyilish kerak. Gelni yuvib tashlash tavsiya etilmaydi. Davolash kursining davomiyligi o‘rtacha 7-10 kunni tashkil etadi. Parodontitda: tish toshlari olib tashlangandan so‘ng, parodontal cho‘ntaklar Metrogil Denta® geli bilan ishlanadi va gel tish go‘shti sohasiga qo‘llaniladi. Ekspozitsiya vaqti – 30 daqiqa. Muolajalar soni kasallik og‘irligiga bog‘liq. Keyinchalik gelni qo‘llashni bemor mustaqil ravishda amalga oshirishi mumkin. Metrogil Denta® tish go‘shti sohasiga kuniga 2 marta 7-10 kun davomida surtiladi. Aftoz stomatitda: Metrogil Denta® og‘iz bo‘shlig‘i shilliq qavati zararlangan sohasiga kuniga 2 marta 7-10 kun davomida surtiladi. Surunkali gingivit va parodontitning zo‘rayishini oldini olish uchun: Metrogil Denta® geli tish go‘shti sohasiga kuniga 2 marta 7-10 kun davomida surtiladi. Profilaktik davolash kurslari yiliga 2-3 marta o‘tkaziladi. Postekstraksion alveolitning oldini olish uchun: tish olib tashlangandan so‘ng chuqurcha Metrogil Denta® geli bilan ishlanadi, so‘ngra gel 2-3 marta kuniga 7-10 kun davomida qo‘llaniladi.

Metrigil Denta® preparatini mahalliy qo‘llashda, stomatologik gel, allergik reaksiyalar (terida toshma, qichishish, eshakemi, anafilaktik reaksiyalar, shu jumladan, anafilaktik shok), shuningdek, bosh og‘rig‘i kuzatilishi mumkin.

Preparatning samaradorligi uning tarkibida ikki antibakterial komponent mavjudligi bilan bog‘liq: a) metronidazol parodont kasalliklarini keltirib chiqaruvchi anaerob bakteriyalarga qarshi antibakterial ta’sirga ega: Porphyromonas gingivalis, Prevotella intermedia, Fusobacterium fusiformis, Wolinella recta, Eikenella corrodens, Borrelia vincenti, Bacteroides melaninogenicus, Selenomonas spp. b) xlorgeksidin – antiseptik va antimikrob vosita, gram-musbat va gram-manfiy aerob va anaerob bakteriyalarga (Treponema spp., Neisseria gonorrhoeae, Trichomonas spp., Chlamydia spp., Ureaplasma spp., Bacteroides fragilis) nisbatan samarali. Preparatga ayrim Pseudomonas spp., Proteus spp. shtammlari past sezuvchanlikka ega, shuningdek, kislota-barqaror bakteriya shakllari, bakteriya sporalariga nisbatan chidamli. Laktobatsillarning funksional faolligini buzmaydi. Mahalliy qo‘llanganda Metrogil Denta geli deyarli so‘rilmaydi.

Metrogil Denta® qo‘llanilishi tishlarni gigiyenik tozalashni almashtirmaydi, shuning uchun preparat bilan davolash kursi davomida tishlarni tozalash davom ettirilishi kerak. Preparat bolalar uchun yaroqsiz joyda saqlanishi lozim. Agar preparat tasodifan yoki ataylab bola tomonidan yutib yuborilsa, darhol tibbiy yordamga murojaat qilish kerak. Agar dori vositasi yaroqsiz holga kelsa yoki yaroqlilik muddati tugagan bo‘lsa  uni oqova suvga yoki ko‘chaga tashlamang! Dori vositasini paketga soling va chiqindi konteyneriga tashlang. Ushbu choralar atrof-muhitni himoya qilishga yordam beradi!

Geldan katta miqdorda tasodifan yoki ataylab yutib yuborish, asosan, metronidazol bilan bog‘liq bo‘lgan nojo‘ya ta’sirlarning kuchayishiga sabab bo‘lishi mumkin (xlorgeksidin me’da-ichak yo‘llaridan deyarli so‘rilmaydi). Kuzatilishi mumkin: ko‘ngil aynishi, qusish, bosh aylanishi, og‘ir hollarda – paresteziya va tutqanoq. Davolash: me’dani yuvish, zarur bo‘lsa simptomatik terapiya.