1 ampula (5 ml) tarkibida: Faol modda: Trimetilgidraziniya propionat digidrat (meldoniy) – 500 mg. Yordamchi modda: in'ektsiya uchun suv – 5 ml gacha. Tavsif: Rangsiz, shaffof suyuqlik.

Yurak ishemik kasalligi (stenokardiya, miokard infarkti), surunkali yurak yetishmovchiligi va kardiomiopatiya kompleks davolash tarkibida, shuningdek, miya qon ta’minotining o‘tkir va surunkali buzilishlarida (insult va serebrovaskulyar yetishmovchilik) kompleks davolash tarkibida. Gemooftalm va turli etiologiyali to‘r pardaga qon quyilishlar, markaziy to‘r parda venasi va uning shoxlarining trombozi, turli etiologiyali retinopatiyalar (diabetik, gipertonik). Ish qobiliyatining pasayishi; jismoniy zo‘riqish, shu jumladan sportchilarda. Surunkali alkogolizmda abstinent sindrom (spetsifik terapiya bilan birga).

- bosh ichki bosimining oshishi (shu jumladan, venoz chiqishning buzilishi, bosh ichki o‘smalari); - Markaziy asab tizimining organik shikastlanishlari; - homiladorlik, laktatsiya davri; - preparatga yuqori sezuvchanlik; - 18 yoshgacha bo‘lgan yosh.

Ehtimoliy qo‘zg‘atuvchi ta’sir rivojlanishi mumkinligi sababli, kunning birinchi yarmida qo‘llash tavsiya etiladi. Yurak-qon tomir kasalliklari. Kompleks terapiya tarkibida kuniga 0,5-1 g v/v (500 mg/5 ml in'ektsiya uchun eritmadan 5-10 ml), butun doza bir martada yoki 2 marta bo‘lib qo‘llanadi. Davolash kursi – 4-6 hafta. Miya qon aylanishining buzilishi. O‘tkir faza – kuniga 1 marta 0,5 g v/v 10 kun davomida, so‘ngra peroral dori shakliga o‘tiladi. Umumiy davolash kursi – 4-6 hafta. Surunkali buzilishlar – peroral dori shakli qo‘llaniladi. Takroriy kurslar (odatda yiliga 2-3 marta) shifokor bilan maslahatlashgandan so‘ng mumkin. Tomir patologiyasi va to‘r pardaning distrofiya kasalliklari: - parabulyar tarzda 500 mg/5 ml in'ektsiya uchun eritmadan 0,5 ml 10 kun davomida. Aqliy va jismoniy zo‘riqishlar, shu jumladan sportchilarda: - kattalarga 0,5 g v/v (500 mg/5 ml in'ektsiya uchun eritmadan 5-10 ml) kuniga 1 marta. Davolash kursi – 10-14 kun. Zaruriyat tug‘ilganda davolash 2-3 haftadan so‘ng takrorlanadi. Surunkali alkogolizm. V/v – 0,5 g kuniga 2 marta. Davolash kursi – 7-10 kun.

Yurak-qon tomir tizimi tomonidan: kamdan-kam – taxikardiya, arterial bosimning o‘zgarishi. Markaziy asab tizimi (MAT) tomonidan: kamdan-kam – psixomotor qo‘zg‘alish. Ovqat hazm qilish tizimi tomonidan: kamdan-kam – dispeptik hodisalar. Allergik reaksiyalar: kamdan-kam – teri qichishishi, qizarish, toshma, shish.

Preparat — gamma-butirobetainning strukturaviy analogi — inson organizmining har bir hujayrasida mavjud bo‘lgan modda. Yuqori yuklama sharoitida preparat hujayralarning kislorodga bo‘lgan ehtiyoji va yetkazib berilishi o‘rtasidagi muvozanatni tiklaydi, hujayralarda almashinuv mahsulotlarining toksik yig‘ilishini bartaraf etadi, ularni shikastlanishdan himoya qiladi; shuningdek, tonuslantiruvchi ta’sir ko‘rsatadi. Uning qo‘llanilishi natijasida organizm yuklamaga bardosh berish va energetik zaxiralarni tez tiklash qobiliyatiga ega bo‘ladi. Ushbu xususiyatlari tufayli preparat yurak-qon tomir tizimi faoliyatining turli buzilishlari, miya qon ta’minoti buzilishlari, shuningdek, jismoniy va aqliy ish qobiliyatini oshirish uchun qo‘llaniladi. Miokardning o‘tkir ishemik shikastlanishi holatida preparat nekroz zonasining shakllanishini sekinlashtiradi, reabilitatsiya davrini qisqartiradi. Yurak yetishmovchiligida miokardning qisqaruvchanligini oshiradi, jismoniy yuklamaga bardoshlilikni oshiradi, stenokardiya xurujlari chastotasini kamaytiradi. Miya qon aylanishining o‘tkir va surunkali ishemik buzilishlarida ishemiya o‘chog‘ida qon aylanishini yaxshilaydi, qonning ishemiyalangan soha foydasiga qayta taqsimlanishiga yordam beradi. Ko‘z tubining vaskulyar va distrofiya patologiyalarida samarali. Preparat surunkali alkogolizm bilan kasallangan bemorlarda abstinensiya sindromida asab tizimining funksional buzilishlarini bartaraf etadi.

O‘tkir miokard infarkti va nostabil stenokardiyani davolash bo‘yicha ko‘p yillik tajriba shuni ko‘rsatadiki, meldoniy o‘tkir koronar sindromda birinchi qator preparati emas. Preparatning psixomotor reaksiyalar tezligiga nojo‘ya ta’siri haqida ma’lumotlar yo‘q.