Tavsiya etilmaydigan kombinatsiyalar: danazolni bir vaqtda qabul qilish tavsiya etilmaydi, chunki u giperglikemik ta'sir ko'rsatishi mumkin. Zarurat tug‘ilganda danazol bilan davolash va uni qabul qilish to‘xtatilgandan so‘ng metformin dozasini glikemiya darajasi nazorati ostida tuzatish talab etiladi. Maxsus ehtiyotkorlikni talab qiladigan kombinatsiyalar: xlorpromazin – katta dozalarda (kuniga 100 mg) qabul qilinganda qonda glyukoza kontsentratsiyasini oshiradi, insulin ajralishini kamaytiradi. Neyroleptiklar bilan davolashda va ularni qabul qilish to‘xtatilgandan so‘ng metformin dozasini qonda glyukoza kontsentratsiyasi nazorati ostida tuzatish talab etiladi. Sulfonilmochevina hosilalari, salitsilatlar, akarboza, insulin, nosteroid yallig‘lanishga qarshi preparatlar, monoaminooksidaza ingibitorlari, oksitetratsiklin, angiotenzin aylanish fermenti ingibitorlari, fibrokislota hosilalari, siklofosfamid, β-adrenoblokatorlar bilan bir vaqtda qo‘llanganda metforminning gipoglikemik ta’siri kuchayishi mumkin. Glyukokortikosteroidlar, og‘iz orqali qabul qilinadigan kontratseptivlar, epinefrin, simpatomimetiklar, glyukagon, qalqonsimon bez gormonlarining yod saqlovchi preparatlari, tiazid va “halqali” diuretiklar, fenotiazin hosilalari, nikotin kislotasi hosilalari bilan bir vaqtda qo‘llanganda metforminning gipoglikemik ta’siri kamayishi mumkin. Nifedipin metforminning so‘rilishini, Smax ni oshiradi, chiqarilishini sekinlashtiradi. Simetidin metforminning chiqarilishini sekinlashtiradi, natijada laktatsidoz rivojlanish xavfi oshadi. Kationli dori vositalari (amilorid, digoksin, morfin, prokainamid, xinin, xinin, ranitidin, triamteren va vankomitsin), buyrak kanallari orqali chiqariladigan, kanallik transport tizimlari uchun raqobatlashadi va uzoq muddatli davolashda Smax ni 60% ga oshirishi mumkin. Metformin bilvosita antikoagulyantlar (kumarin hosilalari) ta’sirini susaytirishi mumkin. Laktatsidoz rivojlanish xavfi o‘tkir alkogolli intoksikatsiya holatida, ayniqsa ochlik, past kaloriyali dieta yoki jigar yetishmovchiligi bo‘lsa, kuchayadi. Davolash davomida alkogol va etanol saqlovchi dori vositalarini qabul qilishdan saqlanish kerak. Metformin kumulyatsiyasi va laktatsidoz rivojlanishi yod saqlovchi kontrast preparatlarni tomir ichiga yuborishda mumkin. Metformin va sulfonilmochevina preparatlari bilan birga davolashda gipoglikemiya rivojlanishi mumkin. 

 Hozirgi kunda mos epidemiologik ma'lumotlar mavjud emas. Hayvonlarda o'tkazilgan tadqiqotlar homiladorlik, embrion va homila rivojlanishi, tug'ruq va postnatal rivojlanishga zararli ta'sir ko'rsatmaydi. Agar bemor homilador bo'lishni rejalashtirsa yoki homiladorlik davrida bo‘lsa, diabetni metformin bilan davolash tavsiya etilmaydi, glyukoza darajasini saqlash uchun insulin qo‘llash kerak. Metformin emizikli kalamushlarda sutga ajraladi. Odamlar uchun bunday ma'lumotlar mavjud emas va ona uchun preparatning ahamiyatini hisobga olgan holda emizishni to‘xtatish yoki metformin qabul qilishni to‘xtatish haqida qaror qabul qilish zarur.