Jigar va ichak kasalliklari tarixi bo‘lgan bemorlarni va antikoagulyantlar qabul qilayotgan bemorlarni davolashda ehtiyotkorlikka rioya qilish kerak. Bunday bemorlarda me’da-ichak yo‘llarining eroziya-yara shikastlanishlari xavfi yuqori. Boshqa YOKVQlar qo‘llanilgani kabi, me’da-ichak qon ketishi, yaralar va perforatsiyalar, bemor hayoti uchun xavfli bo‘lishi mumkin, meloksikam bilan davolash davomida istalgan vaqtda, simptomlar yoki og‘ir me’da-ichak asoratlari tarixi mavjud yoki mavjud bo‘lmagan hollarda ham yuzaga kelishi mumkin. Ushbu asoratlarning oqibatlari, odatda, keksalarda yanada og‘irroq bo‘ladi. Me’da-ichak eroziya-yara shikastlanishi yoki me’da-ichak qon ketishi yuzaga kelganda meloksikamni bekor qilish kerak. Meloksikam preparatini qo‘llashda teri tomonidan eksfoliativ dermatit, Stivens-Djonson sindromi, toksik epidermal nekroliz kabi og‘ir reaksiyalar rivojlanishi mumkin. Shuning uchun teri va shilliq qavatlar tomonidan nojo‘ya hodisalar, shuningdek, preparatga yuqori sezuvchanlik reaksiyalari rivojlanishi haqida xabar bergan bemorlarga, ayniqsa, bunday reaksiyalar oldingi davolash kurslari davomida kuzatilgan bo‘lsa, alohida e’tibor berish kerak. Bunday reaksiyalar, odatda, davolashning birinchi oyida rivojlanadi. Teri toshmasining birinchi belgilari, shilliq qavatlarning o‘zgarishi yoki boshqa gipersensitivlik belgilarining paydo bo‘lishi holatida bemor shifokorga murojaat qilishi kerak. Meloksikamni qo‘llashni to‘xtatish masalasini ko‘rib chiqish kerak. YOKVQ qabul qilishda og‘ir yurak-qon tomir trombozlari, miokard infarkti, stenokardiya xurujlari, ehtimol, o‘lim bilan yakunlanadigan holatlar rivojlanish xavfi oshishi holatlari tasvirlangan. Bunday xavf preparatni uzoq muddat qo‘llashda, shuningdek, yuqorida ko‘rsatilgan kasalliklar tarixi bo‘lgan va bunday kasalliklarga moyil bemorlarda oshadi. Meloksikam (ko‘pchilik boshqa YOKVQlar kabi) qo‘llanilganda “jigar” transaminazalari yoki qon zardobidagi boshqa jigar funksiyasi ko‘rsatkichlarining epizodik oshishi haqida xabar berilgan. Ko‘pchilik hollarda bu oshish kichik va o‘tkinchi bo‘lgan. Agar aniqlangan o‘zgarishlar ahamiyatli yoki vaqt o‘tishi bilan kamaymasa, meloksikamni bekor qilish va aniqlangan laborator o‘zgarishlarni kuzatish kerak. YOKVQlar buyraklarda prostaglandinlar sintezini inhibe qiladi, ular buyrak perfuziyasini saqlab turishda ishtirok etadi. YOKVQlar (shu jumladan meloksikam) buyrak qon oqimi yoki aylanayotgan qon hajmi kamaygan bemorlarda yashirin kechayotgan buyrak yetishmovchiligining dekompensatsiyasiga olib kelishi mumkin. Meloksikam bekor qilingandan so‘ng buyrak funksiyasi odatda boshlang‘ich darajaga qaytadi. Ushbu reaksiyani rivojlanish xavfi eng yuqori bo‘lgan bemorlar: keksalar, degidratatsiya, surunkali yurak yetishmovchiligi, jigar sirrozi, nefrotik sindrom yoki buyrak kasalliklari bo‘lgan bemorlar, diuretik vositalar, AYeF ingibitorlari, angiotenzin II retseptorlari antagonistlari qabul qilayotgan bemorlar, shuningdek, gipovolemiya olib keluvchi og‘ir jarrohlik amaliyotlarini boshdan kechirgan bemorlar. Bunday bemorlarda davolash boshida diurez va buyrak funksiyasini diqqat bilan nazorat qilish kerak. Meloksikamni diuretiklar bilan birga qo‘llash natriy, kaliy va suvning ushlanib qolishiga, shuningdek, diuretik dori vositalarining natriyuretik ta’sirining pasayishiga olib kelishi mumkin. Natijada, moyil bemorlarda yurak yetishmovchiligi yoki arterial gipertenziya belgilarining kuchayishi mumkin. Shuning uchun bunday bemorlarning holatini diqqat bilan nazorat qilish, shuningdek, yetarli gidratatsiyani ta’minlash zarur. Meloksikam bilan davolashni boshlashdan oldin buyrak funksiyasini tekshirish kerak. Meloksikam, boshqa YOKVQlar kabi, infeksion kasallik simptomlarini niqoblash mumkin. Prostaglandinlar sintezini inhibe qiluvchi preparat sifatida Meloksikam fertilitetga salbiy ta’sir ko‘rsatishi mumkin.  Preparat tarkibida laktoza mavjud, shuning uchun uni galaktozani irsiy o‘zlashtira olmaslik, laktaza yetishmovchiligi yoki glyukoza/galaktoza so‘rilishining buzilishi bo‘lgan bemorlarga qabul qilish tavsiya etilmaydi. 

Homiladorlik va laktatsiya

Meloksikam preparatini homiladorlikda qo‘llash mumkin emas.

Ma’lumki, YOKVQlar ko‘krak suti bilan ajraladi, shuning uchun Meloksikam preparatini emizish davrida qo‘llash mumkin emas.

COG/prostaglandin sintezini inhibe qiluvchi preparat sifatida Meloksikam fertilitetga ta’sir ko‘rsatishi mumkin va shuning uchun homiladorlikni rejalashtirayotgan ayollarga tavsiya etilmaydi. Meloksikam ovulyatsiyani kechiktirishi mumkin. Shu sababli, homilador bo‘lishda muammosi bo‘lgan va bunday muammolar bo‘yicha tekshiruvdan o‘tayotgan ayollarda Meloksikam qabul qilishni bekor qilish tavsiya etiladi.

Transport vositalari va mexanizmlarni boshqarish qobiliyatiga ta’siri

Preparatning transport vositalarini va mexanizmlarni boshqarish qobiliyatiga ta’siri bo‘yicha maxsus tadqiqotlar o‘tkazilmagan. Biroq, avtomobil boshqarishda va mexanizmlar bilan ishlashda bosh aylanishi, uyquchanlik, ko‘rish buzilishi yoki markaziy asab tizimi tomonidan boshqa buzilishlar rivojlanishi mumkinligini inobatga olish kerak. Bemorlar avtomobil boshqarishda va mexanizmlarni boshqarishda ehtiyotkorlikka rioya qilishlari kerak.