5 ml eritma (1 ampula) quyidagilarni o‘z ichiga oladi: faol modda: meldoniy – 500 mg. yordamchi modda: in'ektsiya uchun suv

Ishemik yurak kasalligi (stenokardiya, miokard infarkti), surunkali yurak yetishmovchiligi va dishormonal kardiomiopatiya kompleks terapiyasida, shuningdek, miya qon aylanishining o‘tkir va surunkali buzilishlarida (insult va serebrovaskulyar yetishmovchilik) kompleks terapiyada. Gemoftalm va turli etiologiyali to‘r pardaga qon quyilishlar, markaziy to‘r parda venasi va uning shoxlarining trombozi, turli etiologiyali retinopatiyalar (diabetik, gipertonik). Ish qobiliyatining pasayishi; jismoniy zo‘riqish, shu jumladan sportchilarda. Surunkali alkogolizmda abstinent sindrom (spetsifik terapiya bilan birga).

ichki bosh bosimi oshishi (shu jumladan, venoz chiqishning buzilishi, ichki bosh o'smalari); - Markaziy asab tizimining organik shikastlanishlari; - homiladorlik, laktatsiya davri; - preparatga yuqori sezuvchanlik; - 18 yoshgacha bo'lgan yosh.

Qo‘zg‘atuvchi ta’sir rivojlanishi mumkinligi sababli preparatni kunning birinchi yarmida qo‘llash tavsiya etiladi. Yurak-qon tomir kasalliklari Kompleks terapiya tarkibida kuniga 0,5-1 g v/i (500 mg/5 ml in’eksiya eritmasidan 5-10 ml), butun doza bir martada yoki 2 marta bo‘lib yuboriladi. Davolash kursi – 4-6 hafta. Miya qon aylanishining buzilishi O‘tkir faza – kuniga 1 marta 0,5 g v/i 10 kun davomida, so‘ngra peroral dori shakliga o‘tiladi. Umumiy davolash kursi – 4-6 hafta. Surunkali buzilishlarda – peroral dori shakli qo‘llaniladi. Takroriy kurslar (odatda yiliga 2-3 marta) shifokor bilan maslahatlashgandan so‘ng mumkin. Qon tomir patologiyasi va to‘r pardaning distrofiya kasalliklari - parabulyar tarzda 500 mg/5 ml in’eksiya eritmasidan 0,5 ml 10 kun davomida. Aqliy va jismoniy zo‘riqishlar, shu jumladan sportchilarda: - kattalarga 0,5 g v/i (500 mg/5 ml in’eksiya eritmasidan 5-10 ml) kuniga 1 marta. Davolash kursi – 10-14 kun. Zarur bo‘lsa, davolash 2-3 haftadan so‘ng takrorlanadi. Surunkali alkogolizm. V/i – 0,5 g 2 marta kuniga. Davolash kursi – 7-10 kun.

Yurak-qon tomir tizimi tomonidan: kamdan-kam – taxikardiya, arterial bosimning o‘zgarishi. Markaziy asab tizimi (MAT) tomonidan: kamdan-kam – psixomotor qo‘zg‘alish. Ovqat hazm qilish tizimi tomonidan: kamdan-kam – dispeptik holatlar. Allergik reaksiyalar: kamdan-kam – teri qichishishi, qizarish, toshma, shish.

Meldoniy - gamma-butirobetainning strukturaviy analogi – bu modda inson organizmining har bir hujayrasida mavjud. Yuqori yuklama sharoitida preparat hujayralarga kislorod yetkazib berish va ehtiyoj o'rtasidagi muvozanatni tiklaydi, hujayralarda almashinuvning toksik mahsulotlari to'planishini bartaraf etadi, ularni shikastlanishdan himoya qiladi; shuningdek, tonuslantiruvchi ta'sir ko'rsatadi. Uning qo'llanilishi natijasida organizm yuklamaga bardosh berish va energetik zaxiralarni tezda tiklash qobiliyatiga ega bo'ladi. Ushbu xususiyatlari tufayli preparat yurak-qon tomir tizimi faoliyatining turli buzilishlari, miya qon ta'minoti, shuningdek, jismoniy va aqliy ish qobiliyatini oshirish uchun ishlatiladi. Miokardning o'tkir ishemik shikastlanishi holatida preparat nekrotik zonaning shakllanishini sekinlashtiradi, reabilitatsiya davrini qisqartiradi. Yurak yetishmovchiligida miokardning qisqaruvchanligini oshiradi, jismoniy yuklamaga bardoshlilikni oshiradi, stenokardiya xurujlari chastotasini kamaytiradi. Miya qon aylanishining o'tkir va surunkali ishemik buzilishlarida ishemiya o'chog'ida qon aylanishini yaxshilaydi, qonning ishemiyalashgan soha foydasiga qayta taqsimlanishiga yordam beradi. Ko'z tubining vaskulyar va distrofiya patologiyasida samarali. Preparat surunkali alkogolizm bilan og'rigan bemorlarda abstinensiya sindromida asab tizimining funksional buzilishlarini bartaraf etadi.

Surunkali jigar va buyrak kasalliklari bo‘lgan bemorlarda preparatni uzoq muddat qo‘llashda ehtiyotkorlikka rioya qilish kerak. Bolalarda meldoniy qo‘llanilishi bo‘yicha yetarli ma’lumotlar yo‘q. Kardiologiya bo‘limlarida o‘tkir miokard infarkti va beqaror stenokardiyani ko‘p yillik davolash tajribasi shuni ko‘rsatadiki, meldoniy o‘tkir koronar sindromda birinchi qator preparati emas. Homiladorlik va emizish davrida qo‘llanilishi. Preparatni homiladorlik davrida qo‘llash xavfsizligi isbotlanmagan. Homilaga mumkin bo‘lgan nojo‘ya ta’sirni oldini olish uchun, homiladorlik davrida preparat buyurilmaydi. Preparat ona suti bilan ajralib chiqadimi, aniqlanmagan. Agar onani preparat bilan davolash zarur bo‘lsa, bolani emizish to‘xtatiladi. Transport vositalarini boshqarish va boshqa mexanizmlarni xizmat ko‘rsatish qobiliyatiga ta’siri. Preparatning psixomotor reaksiyalar tezligiga nojo‘ya ta’siri haqida ma’lumotlar yo‘q.

Koronarodilatatsiyalovchi vositalar, ayrim gipotenziyalovchi preparatlar, yurak glikozidlarining ta'sirini kuchaytiradi. Antianginal vositalar, antikoagulyantlar, antiagregantlar, antiaritmik vositalar, diuretiklar, bronxolitiklar bilan birga qo‘llash mumkin. O‘rtacha taxikardiya va arterial gipotenziya rivojlanishi mumkinligi sababli, nitroglitserin, nifedipin, alfa-adrenoblokatorlar, gipotenziyalovchi vositalar va periferik vazodilatatorlar bilan birga qo‘llashda ehtiyotkorlikka rioya qilish kerak.