1 tabletkada quyidagilar mavjud
Faol moddalari: paratsetamol 500 mg, diklofenak natriy 50 mg.
Yordamchi moddalari: makkajo‘xori kraxmali, povidon, natriy metilparaben, natriy propilparaben, magniy stearat, tozalangan talk, natriy kraxmalglikolat, kroskarmelloza natriy.

Yengil va o‘rtacha darajadagi og‘riq sindromi quyidagi kasalliklarda
• • LOR a’zolari (faringit, tonzillit, otit);
• • o‘t yo‘llari (o‘t kolikasi);
• • siydik yo‘llari (buyrak kolikasi);
• • miya tomirlari (migren);
• • ayollar jinsiy a’zolari (algodismenoreya, adneksit);
• • tayanch-harakat tizimi (revmatik artrit, psoriazli, yuvenil artrit, ankilozlovchi spondilit, podagrik artrit, osteoartroz, osteoxondroz);
• • bo‘g‘imdan tashqari to‘qimalar (tendovaginit, bursit);
• • nevralgiya, mialgiya;
• • travmadan keyingi va operatsiyadan keyingi og‘riqlar;
• • tish og‘rig‘i;
• • isitma sindromi.

• • preparat komponentlariga yuqori sezuvchanlik;
• • anamnezda bronxospazm, eshakemi, o'tkir rinit yoki boshqa allergiya simptomlari diklofenak, paratsetamol, atsetilsalitsil kislotasi yoki boshqa YOKVQ (NPVS) qabul qilish natijasida yuzaga kelgan bo'lsa;
• • oshqozon-ichak trakti eroziya-yarali shikastlanishlari zo‘rayish bosqichida (shu jumladan peptik yara, Kron kasalligi, noaniq yarali kolit);
• • homiladorlik, laktatsiya;
• • 12 yoshgacha bo‘lgan bolalar yoshi;
• • gemopoez funksiyasi buzilishi, surunkali obstruktiv nafas yo‘llari kasalliklari, burun poliplari, pichan isitmasi;
• • buyrak va jigar funksiyasining og‘ir buzilishlari;
• • rangli ko‘rish buzilishi;
• • tug‘ma glyukoza–6–fosfatdegidrogenaza yetishmovchiligi.

Og‘iz orqali. Tabletkalarni butun holda, chaynalmay, yetarli miqdorda suyuqlik bilan qabul qilish kerak.
Dastlabki davolashda kattalar va 12 yoshdan katta, tana vazni 60 kg dan ortiq bo‘lgan o‘smirlarga Medinak® dan kuniga 2-3 tabletka buyurish tavsiya etiladi.
Dorini ovqatdan oldin qabul qilish ma’qul.
Agar oshqozon yuqori sezuvchanlikka ega bo‘lsa, preparat ovqatdan keyin qabul qilinadi.
Kasallikning o‘rtacha og‘irlikdagi simptomlarida, shuningdek, uzoq muddatli davolashda, odatda, kuniga 2 tabletka – ertalab va kechqurun bittadan tabletka qabul qilish yetarli.
Maksimal bir martalik doza – 2 tabletka.
Preparatni qabul qilish muddati 5-7 kun.
12 yoshdan katta, tana vazni 30 kg dan ortiq bo‘lgan bolalarga 1/2 tabletkadan 2-3 marta/kun buyuriladi. Har bir navbatdagi qabul oralig‘i – kamida 4 soat.
Kattalarda maksimal davolash davomiyligi – 7 kun, bolalarda – 3 kun.

Ovqat hazm qilish tizimi tomonidan ko'ngil aynishi, qusish, anoreksiya, noqulaylik hissi (epigastriy sohasida og'riq va spazmlar), meteorizm, ishtahaning pasayishi. Kamdan-kam hollarda ovqat hazm qilish tizimining eroziyali-yarali shikastlanishlari, qon ketish, perforatsiya bilan asoratlanishi, aftoz stomatit, ezofagit;
Markaziy asab tizimi tomonidan bosh og'rig'i, bosh aylanishi, charchoqlikning oshishi. Kamdan-kam hollarda sezgi buzilishlari (xiralashgan ko'rish, diplopiya), quloqda shovqin, asabiylashish, tutqanoq, uyqu buzilishlari, depressiya, xavotir hissi, psixik buzilishlar;
Dermatologik reaksiyalar teri toshmasi, eshakemi. Bulloz toshmalar, ekzema, eritrodermiya, soch to'kilishi, fotosensibilizatsiya mumkin;
Jigar funksiyasi tomonidan jigar funksiyasi buzilishlari, jumladan gepatit (sariqlik bilan yoki sariqliksiz). Qon yaratuvchi tizim tomonidan ayrim hollarda trombotsitopeniya, leykopeiya, agranulositoz, gemolitik anemiya, aplastik anemiya;
Yurak-qon tomir tizimi tomonidan ayrim hollarda - taxikardiya, ko'krak sohasida og'riq, arterial gipertenziya, dimiq yurak yetishmovchiligi.
Allergik va immunopatologik reaksiyalar kamdan-kam hollarda bronxial astma xurujlari, tizimli anafilaktik (anafilaktoid) reaksiyalar.
Agar biron-bir noodatiy reaksiyalar yuzaga kelsa, dori vositasini keyingi qo'llash bo'yicha shifokor bilan albatta maslahatlashing!

Medinak® – bu og‘riq qoldiruvchi va yallig‘lanishga qarshi kombinatsiyalangan preparat.
Ta’sir mexanizmi uning tarkibiga kiruvchi komponentlarning farmakologik xususiyatlari bilan bog‘liq.
Paratsetamol og‘riq qoldiruvchi va isitmani tushiruvchi ta’sir ko‘rsatadi. Og‘riq qoldiruvchi ta’sir mexanizmi asosan gipotalamusdagi termoregulyatsiya markazida prostaglandinlar sintezini ingibitsiyalash bilan bog‘liq.
Diklofenak natriy nosteroid yallig‘lanishga qarshi vosita hisoblanadi. Siklooksigenazani (SOF1 va SOF2) neselektiv tarzda tormozlab, araxidon kislotasi metabolizmini buzadi va yallig‘lanish o‘chog‘ida prostaglandinlar miqdorini kamaytiradi. Yallig‘lanish xarakterli og‘riqlarda eng samarali. Yallig‘lanishga qarshi, analgezik va isitmani tushiruvchi ta’sir ko‘rsatadi, trombotsitlar agregatsiyasiga to‘sqinlik qiladi. Uzoq muddat qo‘llanganda desensibilizatsiyalovchi ta’sir ko‘rsatadi.

Preparatni buyurishda oshqozon-ichak trakti eroziya-yarali shikastlanishlari anamnezida bo‘lgan bemorlarga, shuningdek, jigar, buyrak, gemopoez organlari funksiyasining og‘ir buzilishlari bo‘lgan bemorlarga ehtiyotkorlik bilan qo‘llash kerak.
Yuqori dozalarda preparat trombotsitlar agregatsiyasini susaytirishi mumkin, shuning uchun gemostaz buzilishi bo‘lgan bemorlarni diqqat bilan kuzatish zarur.
Medinak® ni keksalarda, surunkali yurak yetishmovchiligi, arterial gipertenziya, porfiriya bo‘lgan bemorlarda, shuningdek, jiddiy jarrohlik aralashuvlaridan so‘ng darhol ehtiyotkorlik bilan qo‘llash kerak.
Davolash davomida jigar, buyrak funksiyasi va periferik qon manzarasini nazorat qilish zarur.
Diklofenak va paratsetamol ona sutiga o‘tadi, shuning uchun laktatsiya davrida preparatni buyurish zarur bo‘lsa, emizishni to‘xtatish kerak.
Preparatni qabul qilish vaqtida bosh aylanishi yoki ko‘rish buzilishi sezgan bemorlar avtotransport boshqarmasligi yoki potentsial xavfli mexanizmlar bilan ishlamasligi kerak.
Preparatni yaroqlilik muddati tugagandan so‘ng qo‘llash mumkin emas va bolalar uchun yetib bo‘lmaydigan joyda saqlash kerak.

 

Agar Siz boshqa biron-bir dori vositalarini qabul qilayotgan bo‘lsangiz, albatta shifokorga xabar bering!

Preparatni kaliy tejovchi diuretiklar bilan bir vaqtda buyurilganda qonda kaliy darajasi oshishi mumkin. Bunday dori vositalari birga qo‘llanilganda kaliy darajasini nazorat qilish zarur.

Neposredstven bo‘lmagan antikoagulyantlar bilan birga buyurilganda qon ketishi rivojlanishi mumkin.

Medinak® lity, digoksin va siklosporinning plazmadagi konsentratsiyasini oshirishi mumkin, shuning uchun ularni birga qo‘llashda oxirgi dorilarning dozasini tuzatish zarur. Preparatni metotreksat qabul qilishdan 24 soatdan kam vaqt oldin yoki keyin buyurishda ehtiyotkorlik zarur, chunki bunday hollarda metotreksatning qondagi konsentratsiyasi oshishi va uning toksik ta’siri kuchayishi mumkin.

Fenotiazinlar bilan birga qo‘llanganda haddan tashqari gipotermiya, azidotimidin bilan esa neytropeniya rivojlanishi mumkin. Preparat xloramfenikolning toksikligini kuchaytiradi, neposredstven bo‘lmagan antikoagulyantlar, difenin, og‘iz orqali qabul qilinadigan gipoglikemik preparatlar ta’sirini kuchaytirishi, tiazid diuretiklarning diuretik va natriyuretik effektini susaytirishi mumkin.

Boshqa nosteroid yallig‘lanishga qarshi preparatlar, shuningdek glyukokortikoidlar bilan birga qo‘llanganda nojo‘ya ta’sirlar tez-tez va kuchliroq namoyon bo‘ladi. 

 

Sintomlari: o‘ziga xos simptomlar yo‘q. Buyrak funksiyasi buzilishi yoki allergik reaksiyalar, yuz, hiqildoqning tez shishishi, nafas qisishi rivojlanishi mumkin.

Davolash: me’da yuvish ko‘rsatilgan, SH-guruh donorlarini yuborish tavsiya etiladi. Vena ichiga kalsiy glyukonat yoki kalsiy xlorid yuborish, zarur bo‘lsa vena ichiga glyukokortikoidlar yuborish, faollashtirilgan ko‘mir buyurish, shuningdek simptomatik terapiya o‘tkazish. Preparat tarkibida paratsetamol borligini hisobga olish zarur. 6 g dan ortiq paratsetamol qabul qilish jigar og‘ir shikastlanishiga, hatto jigar komasiga olib kelishi mumkin.

Intoksikatsiya belgilari (ko‘ngil aynishi, qusish, uyquchanlik, jigar kattalashuvi, sariqlik) paydo bo‘lsa, darhol shifokorni chaqirish va me’dani yuvish zarur.

Biror g‘ayrioddiy reaksiyalar paydo bo‘lsa, preparatni keyingi qo‘llash bo‘yicha albatta shifokor bilan maslahatlashing!