1 pastilka tarkibida Faol moddalari Amilmetakrezol - 0,6 mg; 2,4 dixlorbenzil spirti - 1,2 mg. Yordamchi moddalari shakar, suyuq glyukoza, limon kislotasi suvdan holi, mentol, apelsin hid beruvchi modda, qulupnay hid beruvchi modda, bo'yoq "Ponceau 4R", limon hid beruvchi modda, bo'yoq quyosh botishi sariq, bo'yoq xinolin sariq, bo'yoq karamel, asal aromatizatori, limon yog'i, bo'yoq indigokarmin, evkalipt yog'i, tozalangan suv.

Og'iz bo'shlig'i, tomoq, hiqildoqning infeksion-yallig'lanish kasalliklarida, tonzillit, faringit (qizamiqda faringitni ham o'z ichiga oladi), laringit (shu jumladan, kasbiy – o'qituvchilar, diktorlar, kimyo va ko'mir sanoati xodimlarida), ovoz bo'g'ilishida, og'iz bo'shlig'i va milk shilliq qavatining yallig'lanishlarida (aftoz stomatit, gingivit, molochnitsa).

• preparat komponentlariga yuqori sezuvchanlik; • bolalar yoshi (5 yoshgacha). Ehtiyotkorlik bilan Homiladorlik, emizish davri, bronxial astma.

Og'iz bo'shlig'i yoki tomoqda yallig'lanishning dastlabki simptomlari paydo bo'lishi bilan qo'llash. Kattalar va 5 yoshdan katta bolalar har 2-3 soatda 1 pastilkani so'rib eritishlari kerak. Pastilkalarni to'liq eriguncha so'rib eritish zarur. 24 soat davomida 8 tadan ortiq pastilka qabul qilinmasin.

Allergik reaksiyalar toshma, tomoqda kuydiruvchi yoki sanchuvchi his, tomoq shishishi. Noo'rin reaksiyalar paydo bo'lsa, preparatni keyingi qo'llash maqsadga muvofiqligi bo'yicha shifokor bilan maslahatlashish kerak.

Og'iz bo'shlig'i va tomoqning infeksion-yallig'lanish kasalliklarida mahalliy qo'llash uchun antiseptik kombinatsiyalangan preparat. Preparat antiseptik ta'sir ko'rsatadi, in vitro sharoitida keng doiradagi gram-musbat va gram-manfiy mikroorganizmlarga nisbatan faol, antimikotik ta'sir ko'rsatadi.

Preparat tarkibiga kiruvchi har qanday komponentga yuqori sezuvchanlik mavjud bo'lsa, preparatni qo'llash tavsiya etilmaydi. Agar kasallik simptomlari 3 kundan ortiq davom etsa va yuqori harorat, bosh og'rig'i yoki boshqa holatlar bilan birga bo'lsa, shifokorga murojaat qilish zarur. Tavsiya etilgan doza oshirilmasin. Lorsils preparatini qabul qilayotgan qandli diabetli bemorlar har bir pastilka tarkibidagi shakar miqdorini hisobga olishlari kerak. Transport vositalari va mexanizmlarni boshqarish qobiliyatiga ta'siri Preparat avtomobil va mexanizmlarni boshqarish, shuningdek, yuqori diqqat va tez psixomotor reaksiyalar talab qiladigan boshqa potensial xavfli faoliyat turlari bilan shug'ullanish qobiliyatiga ta'sir ko'rsatmaydi. Homiladorlik va emizish davrida qo'llanilishi Preparatni homiladorlik va emizish davrida faqat shifokor nazorati ostida qo'llash mumkin. Preparat bolalar uchun yaroqsiz joyda saqlanishi va yaroqlilik muddati tugaganidan keyin ishlatilmasligi kerak.

Boshqa preparatlar bilan klinik jihatdan ahamiyatli o‘zaro ta’sirlar aniqlanmagan. Preparatni boshqa mahalliy antimikrob vositalar bilan bir vaqtda qo‘llash mumkin.

Preparatning dozani oshirib yuborilishi ehtimoli juda past. Dozani oshirib yuborish faqat oshqozon-ichak trakti (OIT) tomonidan noqulaylik simptomlari bilan namoyon bo‘lishi mumkin. Bunday hollarda simptomatik davolash o‘tkaziladi.