1 tabletkada quyidagilar mavjud: Faol modda: lozartan kaliy 12,5 mg, 25 mg, 50 mg, 100 mg. Yordamchi modda: prejelatinizatsiyalangan kraxmal, makkajo‘xori kraxmali, mikrokristallik tsellyuloza, kolloid suvdan holi kremniy dioksidi, magniy stearati, tsellyuloza, laktosa monogidrati, gipromelloza, talk, propilenglikol, titan dioksidi (E171), xinolinniy sariq bo‘yoq* (E104). * Xinolinniy sariq 12,5 mg va 25 mg tabletkalar tayyorlashda qo‘llaniladi va 50 hamda 100 mg tabletkalar tayyorlashda qo‘llanilmaydi.

– Kattalarda, shuningdek, 6-18 yoshli bolalar va o'smirlarda essensial arterial gipertenziyani davolash; – Kattalarda arterial gipertenziya va 2-tip qandli diabet bilan birga bo'lgan, proteinuriya ≥0,5 g/kun bo'lgan buyrak kasalliklarini arterial gipertenziya terapiyasining bir qismi sifatida davolash; – Arterial gipertenziya va chap qorincha gipertrofiyasi bo'lgan bemorlarda insult rivojlanish xavfini kamaytirish; – surunkali yurak yetishmovchiligi (kombinatsiyalangan terapiya tarkibida, AYeF ingibitorlariga toqat qilmaslik yoki ularning samarasi yetarli bo'lmaganda); – 2-tip qandli diabet va proteinuriya bo'lgan bemorlarda nefroprotektsiya. Qo'llash usuli Og'iz orqali, ovqat qabul qilishdan qat'i nazar, kuniga 1 marta qabul qilinadi. Arterial gipertenziya O'rtacha sutkalik doza 50 mg ni tashkil etadi. Maksimal antigipertenziv ta'sir 3 – 6 haftalik davolash davomida erishiladi. Ba'zi bemorlarda preparat dozasini 100 mg gacha (ertalab) oshirish orqali yanada kuchliroq ta'sirga erishish mumkin. Katta dozalarda diuretiklar qabul qilayotgan bemorlarda Lorista® bilan davolashni 25 mg dan boshlash tavsiya etiladi. Keksalarda, shuningdek, buyrak funksiyasi buzilgan, shu jumladan gemodializdagi bemorlarda boshlang'ich doza tuzatishni talab qilmaydi. Jigar funksiyasi buzilgan bemorlarga preparatning pastroq dozalarini buyurish kerak. Surunkali yurak yetishmovchiligi Boshlang'ich doza 12,5 mg kuniga 1 marta. Dozani bosqichma-bosqich, har bir oshirish oralig'ida bir hafta bo'lishi shart (ya'ni, 1-hafta – 12,5 mg/kun, 2-hafta – 25 mg/kun, 3-hafta – 50 mg/kun, so'ngra 100 mg/kun, maksimal doza 150 mg/kun). Arterial gipertenziya va chap qorincha gipertrofiyasi bo'lgan bemorlarda insult rivojlanish xavfini kamaytirish Lorista® ning standart boshlang'ich dozasi 50 mg kuniga 1 marta. Keyinchalik past dozalarda gidroxlorotiazid qo'shilishi va/yoki Lorista® dozasini 100 mg/kun gacha oshirish mumkin. 2-tip qandli diabet va proteinuriya bo'lgan bemorlarda nefroprotektsiya Lorista® ning standart boshlang'ich dozasi 50 mg kuniga 1 marta. Preparat dozasini arterial bosim pasayishini hisobga olgan holda 100 mg/kun gacha oshirish mumkin. Bolalar populyatsiyasi 6-18 yoshli bolalar va o'smirlarni arterial gipertenziya bilan davolashda lozartan samaradorligi va xavfsizligi haqida ma'lumotlar cheklangan. Og'irligi >20 dan <50 kg gacha bo'lgan, tabletkani qabul qila oladigan bemorlar uchun tavsiya etilgan doza 25 mg kuniga 1 marta. Istisno holatlarda maksimal doza zarurat tug'ilganda 50 mg kuniga 1 marta oshirilishi mumkin. Og'irligi >50 kg bo'lgan bemorlar uchun tavsiya etilgan doza 50 mg kuniga 1 marta. Istisno holatlarda maksimal doza 100 mg/kun bo'lishi mumkin. Lozartan 6 yoshgacha bo'lgan bolalarga ushbu guruhda qo'llash bo'yicha yetarli ma'lumot yo'qligi sababli tavsiya etilmaydi. Lozartan glomerulyar filtrlatsiya tezligi <30 ml/min/1,73 m² bo'lgan bolalarga tavsiya etilmaydi. Lozartan og'ir jigar yetishmovchiligi bo'lgan bolalarga tavsiya etilmaydi.

Lozartanga yoki preparatning boshqa komponentlariga yuqori sezuvchanlik, homiladorlik, og'ir jigar yetishmovchiligi, 6 yoshgacha bo'lgan bolalar yoshi. Dori vositalari o'zaro ta'siri Boshqa antigipertenziv preparatlar bilan birga qo'llanganda antigipertenziv ta'sir kuchayadi. Trisiklik antidepressantlar va neyroleptiklar, baklofen va amifostinlarni APF ingibitorlari bilan birga qabul qilish arterial bosimning pasayishini kuchaytirishi mumkin. Angiotenzin II faoliyatini yoki uning ta'sirini bloklovchi boshqa preparatlar kabi, kaliy tejovchi diuretiklar (masalan, spironolakton, triamteren, amilorid), kaliy saqlovchi oziq-ovqat qo'shimchalari yoki tuz o'rnini bosuvchilar bilan birga qabul qilinsa, qonda kaliy miqdori oshishi mumkin. Flukonazol va rifampitsin bilan birga qabul qilinganda, lozartan kaliy va boshqa antigipertenziv preparatlarning antigipertenziv ta'siri kamayishi mumkin. Lity va APF ingibitorlari birga qabul qilinganda, qonda lity miqdorining qaytar bo'lgan oshishi va toksik holatlar kuzatilgan. Agar bunday kombinatsiya zarur bo'lsa, qonda lity darajasini diqqat bilan nazorat qilish kerak. Angiotenzin 2 ni ikki tomonlama bloklash (masalan, APF ingibitorlariga AT2 retseptor blokatorini qo'shish) tavsiya etilmaydi, lekin agar bunday kombinatsiya zarur bo'lsa, buyrak funksiyalarini diqqat bilan nazorat qilish kerak. Indometatsin kabi nosteroid yallig'lanishga qarshi vositalar bilan birga qabul qilinganda, lozartan kaliy va boshqa antigipertenziv preparatlarning antigipertenziv ta'siri kamayishi mumkin.

Jahon sog‘liqni saqlash tashkilotining nojo‘ya ta’sirlar rivojlanish chastotasi klassifikatsiyasi: juda tez-tez >1/10, tez-tez >1/100 dan <1/10 gacha, kamdan-kam >1/1000 dan <1/100 gacha, kam >1/10000 dan <1/1000 gacha, juda kam <1/10000, alohida xabarlarni ham o‘z ichiga oladi. Qon yaratilish tizimi tomonidan: tez-tez anemiya, Shenleyn-Genox purpurasi; Immun tizimi tomonidan: kam allergik reaksiyalar, anafilaktik reaksiyalar, Kvinke shishi va vaskulit; Nerv tizimi tomonidan: tez-tez bosh aylanishi; kamdan-kam uyquchanlik, bosh og‘rig‘i, uyquchanlik; kam paresteziya. Yurak-qon tomir tizimi tomonidan: kamdan-kam yurak urishining tezlashuvi, stenokardiya; tez-tez ortostatik gipotenziya (dozaga bog‘liq); kamdan-kam II darajali atrioventrikulyar blokada; kam hushdan ketish, fibrillyar aritmiya, miya qon aylanishining buzilishi. Nafas olish tizimi tomonidan: kamdan-kam nafas qisishi, yo‘tal; Ovqat hazm qilish tizimi tomonidan: kamdan-kam qorin og‘rig‘i, ichak tutilishi, diareya, ko‘ngil aynishi, qusish; Teri qoplamlari tomonidan: kamdan-kam eshakemi, teri qichishishi, toshma, fotosensitivlik; Boshqalar: tez-tez asteniya, holsizlik, periferik shishlar, noqulayliklar; Laborator ko‘rsatkichlar: kamdan-kam giperkaliemiya; qonda siydik va kreatinin miqdorining o‘rtacha oshishi; kam alaninaminotransferaza (ALT) darajasining oshishi.

Lozartan – angiotenzin II ning AT1 tip retseptorlari antagonisti. Angiotenzin II AT1-retseptorlari bilan turli to'qimalarda (masalan, tomirlarning silliq mushak to'qimasi, buyrak usti bezlari, buyraklar va yurak) bog'lanadi va bir qator muhim biologik ta'sirlarni, jumladan, tomirlarning torayishi va aldosteron ajralishini chaqiradi. Angiotenzin II, shuningdek, silliq mushak hujayralarining proliferatsiyasini stimulyatsiya qiladi. AT1-retseptorlarini bloklab, lozartan antigipertenziv ta'sir ko'rsatadi, chap qorincha gipertrofiyasini kamaytiradi, gemodinamikaga ijobiy ta'sir ko'rsatadi va yurak yetishmovchiligida jismoniy yuklamalarga chidamlilikni yaxshilaydi, proteinuriya va buyrak yetishmovchiligining rivojlanishini sekinlashtiradi, shu jumladan 2-tip qandli diabetli bemorlarda.

Aylanayotgan qon hajmi kamaygan bemorlarda (masalan, diuretiklarning yuqori dozalari bilan davolashda) simptomatik arterial gipotenziya rivojlanishi mumkin. Lozartan qabul qilishni boshlashdan oldin mavjud buzilishlarni bartaraf etish yoki davolashni kichik dozalardan boshlash kerak. Engil va o‘rtacha darajadagi jigar sirrozi bo‘lgan bemorlarda lozartan va uning faol metabolitining plazmadagi konsentratsiyasi sog‘lom odamlarga nisbatan yuqoriroq bo‘ladi. Shuning uchun, anamnezida jigar kasalliklari bo‘lgan bemorlarga pastroq dozalarda davolash tavsiya etiladi. Buyrak funksiyasi buzilgan bemorlarda, diabet bilan yoki diabet bo‘lmagan hollarda, ko‘pincha giperqaliemiya rivojlanadi. Biroq, faqat kamdan-kam hollarda giperqaliemiya tufayli davolash to‘xtatiladi. Davolash davrida, ayniqsa, keksa yoshdagi bemorlarda va buyrak funksiyasi buzilgan hollarda, qondagi kaliy konsentratsiyasini muntazam nazorat qilish kerak. Renin-angiotenzin tizimiga ta’sir qiluvchi dori vositalari, ikkala yoki bir tomonlama yagona buyrak arteriyasi stenoziga ega bemorlarda qonda mochevina va kreatinin miqdorini oshirishi mumkin. Buyrak funksiyasidagi o‘zgarishlar davolash to‘xtatilgandan so‘ng qaytar bo‘lishi mumkin. Davolash davrida qonda kreatinin konsentratsiyasini muntazam nazorat qilish kerak. Bolalar populyatsiyasida nojo‘ya reaksiyalar kattalar bemorlarnikiga o‘xshash. Buyrak ko‘chirib o‘tkazilgandan keyin qo‘llash tajribasi yo‘q. Lozartanni birlamchi giperal’dosteronizmda qo‘llash tavsiya etilmaydi, chunki birlamchi al’dosteronizmli bemorlar RAAS tizimiga ta’sir qiluvchi antigipertenziv preparatlarga javob bermaydi. Har qanday antigipertenziv vosita kabi, arterial bosim haddan tashqari pasayganda yurak-qon tomir va serebrovaskulyar kasalliklari bo‘lgan bemorlarda asoratlar rivojlanishiga olib kelishi mumkin. Yurak yetishmovchiligi bo‘lgan, buyrak yetishmovchiligi bilan yoki bo‘lmasdan lozartan qo‘llanganda, og‘ir arterial gipotenziya va (ko‘pincha o‘tkir) buyrak yetishmovchiligi rivojlanish xavfi mavjud. Aortal va mitral klapan stenozlari, obstruktiv gipertrofik kardiomiopatiya Boshqa vazodilatatorlar kabi, ushbu toifadagi bemorlarda alohida ehtiyotkorlikka rioya qilish kerak. Homiladorlik Lozartan bilan davolashni homiladorlikda boshlash tavsiya etilmaydi. Homiladorlik aniqlanganda, kaliy lozartan bilan davolash imkon qadar tezroq to‘xtatilishi va muqobil gipotenziya terapiyasi tavsiya etilishi kerak. Avtomobil va potensial xavfli mexanizmlarni boshqarish qobiliyatiga ta’siri Odatdagi dozalarda preparat psixomotor reaksiyalar tezligi va diqqatni jamlashga ta’sir qilmaydi. Yordamchi moddalar Lorista® preparatining yordamchi moddalari tarkibida laktosa monogidrat mavjudligini hisobga olish kerak, shuning uchun preparat irsiy galaktozemiya, laktaza yetishmovchiligi va glyukoza-galaktoza malabsorbsiyasi sindromi bo‘lgan bemorlarga qo‘llash mumkin emas. Preparat amal qilish muddati tugagandan so‘ng qo‘llanmasligi va bolalar uchun yaroqsiz joyda saqlanishi kerak.