bitta tabletkada faol modda dezloratadin 5 mg, yordamchi moddalardan ikki asosli kalsiy fosfat digidrat, mikrokristallik tsellyuloza, makkajo‘xori kraxmali, talk mavjud.

Allergik rinitlar bilan bog‘liq simptomlarni yengillashtirish uchun ko‘rsatilgan (aksirish, burundan ajralmalar, burun bitishi, qichishish, ko‘zlarning qizarishi va yoshlanishi, tanglay qichishishi), simptomatik davolash uchun qichishish, surunkali idiopatik toshmada toshma o‘lchami va sonini kamaytirish uchun.

Preparat komponentlariga yuqori sezuvchanlik, homiladorlik va laktatsiya davri. 12 yoshgacha bo‘lgan bolalar yoshi. Og‘ir darajadagi buyrak yetishmovchiligida tabletkalar shaklida preparatni ehtiyotkorlik bilan qo‘llash kerak.

Kattalar va o‘smirlar (12 yosh va undan katta) allergik rinitlar (shu jumladan, vaqti-vaqti bilan va doimiy allergik rinitlar) va toshma bilan bog‘liq simptomlarni yengillashtirish uchun — tabletkalar 5 mg (1 tabletka) kuniga bir marta ovqat paytida yoki ovqatlar orasida qabul qilinadi. Tabletkalarni butun holda, chaynalmay va suv bilan ichib yuborish kerak. Buyrak va jigar faoliyati buzilgan bemorlar Farmakokinetik ma’lumotlarga asoslanib, jigar yoki buyrak funksiyasi buzilgan kattalar uchun boshlang‘ich doza sifatida 5 mg (1 tabletka) har kuni emas, balki kun ora qabul qilish tavsiya etiladi.

Yuqorida ta’riflangan holatlardan tashqari, kamdan-kam hollarda gallyutsinatsiyalar, bosh aylanishi, uyquchanlik, uyqusizlik, psixomotor giperkativlik, epileptik tutqanoqlar, taxikardiya, bo‘lmachalar fibrillyatsiyasi, qorin og‘rig‘i, ko‘ngil aynishi, qusish, dispepsiya, diareya, bilirubin darajasining oshishi, jigar fermentlari, gepatit, miyalgiya, allergik reaksiyalar (masalan, anafilaksiya, angionevrotik shish, nafas qisilishi, qichishish va toshma), terlash, artralgiya, miyalgiya, giperkinezlar. Har qanday nojo‘ya ta’sirlar paydo bo‘lsa, shifokorga murojaat qilish zarur.

Dezloratadin (desloratadine) sedativ ta’sir ko‘rsatmaydigan gistamin antagonisti bo‘lib, uzoq muddatli ta’sirga ega. Preparat periferik H1 retseptorlariga selektiv antagonistik ta’sir ko‘rsatadi. Og‘iz orqali qabul qilinganda preparat periferik gistamin H1 retseptorlarini selektiv bloklaydi, chunki faol modda markaziy asab tizimiga o‘tmaydi. In vitro tadqiqotlarda preparat antiallergik xususiyatlarni ko‘rsatdi. Bular quyidagilarni o‘z ichiga oladi: • inson mastotsitlari/bazofillaridan yallig‘lanishga qarshi sitokinlar, jumladan IL-4, IL-6, IL-8 va IL-13 ajralishini bostirish; • endoteliy hujayralarida P-selektin adgeziya molekulalarining ekspressiyasini; • RANTES kabi yallig‘lanishga sabab bo‘luvchi xemokinlar ajralishini; • faollashtirilgan polimorfonuklear neyrofillar tomonidan superoksid anion ishlab chiqarilishini; • eozinofillarning adgeziya va xemotaksisini; • P-selektin kabi adgeziya molekulalarining ekspressiyasini; • IgE-ga bog‘liq gistamin, prostaglandin D2 va leyotrien S4 ajralishini; • o‘tkir allergik bronxospazmni (hayvonlarda o‘tkazilgan tadqiqotlarda). Sirop shaklidagi xavfsizligi uchta pediatrik tadqiqotda tasdiqlangan. 1 yoshdan 11 yoshgacha bo‘lgan bolalar preparatni 1,25 mg (1 yoshdan 5 yoshgacha) yoki 2,5 mg (6 yoshdan 11 yoshgacha) dozada qabul qilgan. Dezloratadin tavsiya etilgan dozada qabul qilinganda pediatrik bemorlarning plazmasidagi preparat konsentratsiyasi kattalarnikiga o‘xshash bo‘lgan. Shuning uchun, allergik rinit/xronik idiopatik toshma kechishi va dezloratadinning xususiyatlari kattalar va pediatrik bemorlarda o‘xshash bo‘lgani uchun, kattalar bemorlardagi samaradorlik ma’lumotlarini pediatrik populyatsiyaga ekstrapolyatsiya qilish mumkin. Markaziy asab tizimiga qiyin o‘tadi. Kattalar va o‘smir bemorlarda allergik rinitda preparat (sirop, tabletkalar) quyidagi simptomlarni yengillashtirishda samaradorlik ko‘rsatgan: aksirish, burundan suyuqlik ajralishi, qichishish, ko‘zda achishish, yosh oqishi va qizarish, shuningdek tanglay qichishishi. 24 soat davomida simptomlarni samarali bostiradi, mavsumiy allergik rinit kechishini yengillashtiradi, nafaqat xronik idiopatik toshma, balki ushbu kasallikning boshqa shakllarida ham simptomlarni yengillashtiradi. Klinik tadqiqotda preparatning 20 mg gacha bo‘lgan tabletkalari 14 kun davomida qo‘llanganda yurak-qon tomir tizimiga statistik yoki klinik ahamiyatli ta’sir kuzatilmagan.

Klinik tadqiqotlarda preparat eritromitsin yoki ketokonazol bilan birga qabul qilinganda dori vositalari o‘rtasida klinik jihatdan ahamiyatli o‘zaro ta’sir aniqlanmadi.

Bubka yoki jigar faoliyati buzilgan bemorlar uchun mos doza tanlash tavsiya etiladi. Preparat sirop shaklida E110 bo'yoqchisini o'z ichiga oladi, u allergik reaksiya chaqirishi mumkin. Keksa yoshdagi bemorlar uchun tabletkalar shaklida doza tanlashda ehtiyotkorlik bilan yondashish lozim, chunki jigar, buyrak va yurak funksiyalarining susayishi tez-tez uchraydi, shuningdek, hamroh kasalliklar va boshqa dori terapiyasini hisobga olish zarur. Zaruriyat tug‘ilganda homiladorlikda preparat faqat hayotiy ko‘rsatmalar bo‘yicha, foyda va xavf nisbati hisobga olingan holda qo‘llaniladi. Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak.

Sintomlari Nojo‘ya ta’sir belgilari kuchayishi. Davolash: organizmdan so‘rilmagan faol modda qoldiqlarini chiqarish uchun standart choralar, simptomatik va qo‘llab-quvvatlovchi terapiya. O‘tkazilgan klinik tadqiqotlarda 45 mg gacha (klinik dozadan to‘qqiz baravar ko‘p) ko‘p martalik dozalar qo‘llanganda klinik ahamiyatli ta’sirlar kuzatilmagan. Gemodializda organizmdan chiqarilmaydi.