Har bir plyonka qobig'i bilan qoplangan tabletkada faol modda klopidogrel (klopidogrel bisulfat shaklida) – 75 mg, yordamchi moddalardan gidroksipropilsellyuloza, mannitol 400, mikrokristallik sellyuloza, makrogol 6000, gidrogenizatsiyalangan kastor yog'i mavjud

Aterosklerozning yaqqol ifodalangan shakliga ega bo‘lgan bemorlarda ishemik buzilishlarning oldini olish, jumladan • miokard infarkti, ishemik insult yoki yaqinda aniqlangan periferik arteriyalar kasalligi o‘tkazilganidan keyin; • ST segmentining ko‘tarilishi bo‘lmagan o‘tkir koronar sindromda (barqaror bo‘lmagan stenokardiya yoki patologik Q tishchasi bo‘lmagan miokard infarkti) atsetilsalitsil kislotasi bilan birga; • ST segmentining ko‘tarilishi bilan o‘tkir koronar sindromda (o‘tkir miokard infarkti) atsetilsalitsil kislotasi bilan birga, dori vositalari bilan davolanayotgan, shu jumladan trombolitik terapiya olayotgan bemorlarda; • har qanday turdagi mikrosirkulyatsiya buzilishlari kompleks terapiya tarkibida.

• og‘ir darajadagi jigar yetishmovchiligi; • o‘tkir qon ketish (masalan, peptik yara yoki bosh ichiga qon quyilishi); • preparat komponentlariga yuqori sezuvchanlik; • 18 yoshgacha bo‘lgan bolalar va o‘smirlar yoshi.

Miokard infarktini, ishemik insultni boshdan kechirgan va periferik arteriya kasalligi aniqlangan bemorlarda ishemik buzilishlarning oldini olish uchun kattalarga (shu jumladan, qariyalarga) ovqat qabul qilishdan qat'i nazar, kuniga 1 marta 75 mg ichga buyuriladi. Davolashni patologik Q tishli miokard infarktini boshdan kechirgandan so‘ng bir necha kundan 35 kungacha va ishemik insultdan so‘ng 7 kundan 6 oygacha bo‘lgan muddatda boshlash kerak. ST segmentining ko‘tarilishi bo‘lmagan o‘tkir koronar sindromda (barqaror bo‘lmagan stenokardiya yoki Q tishisiz miokard infarkti) davolashni bir martalik 300 mg yuklama dozasini buyurishdan boshlash, so‘ngra preparatni kuniga 1 marta 75 mg dozada (bir vaqtda 75-325 mg/kun asetilsalitsil kislotasi bilan) davom ettirish kerak. Asetilsalitsil kislotasining yuqori dozalarini qo‘llash qon ketish xavfini oshirishi sababli, tavsiya etilgan doza 100 mg dan oshmasligi kerak. Davolash kursi - 1 yilgacha. ST segmentining ko‘tarilishi bilan kechuvchi o‘tkir koronar sindromda (o‘tkir miokard infarkti) preparat 75 mg kuniga 1 marta boshlang‘ich yuklama dozasida, asetilsalitsil kislotasi bilan birga yoki trombolitiklarsiz yoki ular bilan birga buyuriladi. 75 yoshdan katta bemorlarda klopidogrel bilan davolash yuklama dozasiz amalga oshirilishi kerak. Kombinatsiyalangan terapiya simptomlar paydo bo‘lishi bilan imkon qadar erta boshlanadi va kamida 4 hafta davom ettiriladi. Preparatni qabul qilishning maksimal effekti 3 oyda kuzatiladi.

Qon ivish tizimi tomonidan me'da-ichak qon ketishlari, gemorragik insult. Qon yaratuvchi tizim tomonidan neyitropeniya, trombotsitopeniya. Ovqat hazm qilish tizimi tomonidan qorin og‘rig‘i, dispepsiya, gastrit, qabziyat, me'da va o‘n ikki barmoqli ichak yaralari, diareya. Dermatologik reaksiyalar teri toshmasi, qichishish. Markaziy va periferik asab tizimi bosh og‘rig‘i, bosh aylanishi.

Lopigrol qo‘llanilganda qon tahlili birinchi hafta davolanish davomida, preparat atsetilsalitsil kislotasi, nosteroid yallig‘lanishga qarshi vositalar (NYQV), geparin, glikoprotein IIb/IIIa ingibitorlari yoki fibrinolitiklar bilan birga qo‘llanilganda, shuningdek, travma, jarrohlik aralashuvlar yoki boshqa patologik holatlar bilan bog‘liq qon ketish xavfi yuqori bo‘lgan bemorlarda o‘tkazilishi kerak. Rejalashtirilgan jarrohlik aralashuvlar oldidan Lopigrol bilan davolash kursi operatsiyadan 7 kun oldin to‘xtatilishi lozim. Klopidogrelni ishemik insultning o‘tkir davrida (birinchi 7 kun) buyurish tavsiya etilmaydi. Preparat buyrak funksiyasi buzilgan bemorlarda, qon ketish xavfi (ayniqsa, me’da-ichak va ko‘z ichidagi) bo‘lgan bemorlarda, shuningdek, o‘rtacha darajadagi jigar funksiyasi buzilgan va gemorragik diatez rivojlanishi mumkin bo‘lgan bemorlarda ehtiyotkorlik bilan buyurilishi kerak. Homiladorlik va laktatsiya davrida qo‘llanilishi Homiladorlik davrida Lopigrol faqat qat’iy tibbiy ko‘rsatmalar bo‘yicha buyuriladi. Laktatsiya davrida preparatni buyurish zarur bo‘lsa, emizishni to‘xtatish kerak. Pediatriyada qo‘llanilishi Preparat 18 yoshgacha bo‘lgan bolalar va o‘smirlarda qo‘llash uchun kontraindikatsiyalangan. Avtotransport vositalarini boshqarish va mexanizmlarni boshqarish qobiliyatiga ta’siri Lopigrol qabul qilingandan so‘ng avtomobil boshqarish yoki psixik ish qobiliyatining pasayishi belgilari aniqlanmagan. Preparat bolalar uchun yaroqsiz joyda saqlanishi va yaroqlilik muddati tugaganidan keyin ishlatilmasligi kerak.