1 tabletkada quyidagilar mavjud: Faol modda: Loperamid gidroxlorid — 2 mg; Yordamchi modda: Laktoza (sut shakari), kartoshka kraxmal, prejelatinizatsiyalangan kraxmal, kroskarmelloza natriy (primelloza), magniy stearat.

Turli kelib chiqishli (allergik, emotsional, dori, nurlanish; ovqatlanish tartibi va sifat tarkibi o‘zgarganda, metabolizm va so‘rilish buzilganda; infeksion kelib chiqishli diareya bo‘lsa yordamchi vosita sifatida) o‘tkir va surunkali diareyani simptomatik davolash.

Preparatga yuqori sezuvchanlik, divertikulyoz, ichak tutilishi, o'skirgan bosqichdagi yarali kolit, o'tkir soxta membranoz enterokolit fonida diareya, monoterapiya ko'rinishida – dizenteriya va me'da-ichak yo'li infeksiyalari; homiladorlik (I trimestr), laktatsiya davri, loperamid tabletkalari 6 yoshgacha bo'lgan bolalarga buyurilmaydi.

Og‘iz orqali. Kattalarga o‘tkir va surunkali diareyada dastlab 2 tabletka (4 mg) buyuriladi, so‘ngra har bir suyuq najasdan keyin 1 tabletka (2 mg) buyuriladi. Maksimal sutkalik doza — 8 tabletka (16 mg). 6 yoshdan katta bolalarga har bir suyuq najasdan keyin 1 tabletka (2 mg) buyuriladi. Maksimal sutkalik doza — 3 tabletka (6 mg). Najas normallashgandan so‘ng yoki najas 12 soatdan ortiq bo‘lmasa, loperamid bilan davolashni to‘xtatish kerak.

Qorinda noqulaylik, meteorizm, gastralgiya, og‘iz qurishi, allergik reaksiyalar (terida toshma), ichak kolikasi, ko‘ngil aynishi, qusish, qabziyat, bosh og‘rig‘i, uyquchanlik yoki uyqusizlik, bosh aylanishi. Kamdan-kam: siydik tutilishi. Juda kamdan-kam: ichak tutilishi.

Loperamid ichak devoridagi opioid retseptorlari bilan bog'lanib (xolinergik va adrenergik neyronlarni guanin-nukleotidlar orqali stimulyatsiya qiladi), ichak silliq mushaklarining tonusi va motorikasini pasaytiradi, ichak tarkibining o'tishini sekinlashtiradi, najas bilan suyuqlik va elektrolitlar ajralishini kamaytiradi. Anal sfinkter tonusini oshiradi, najas massalarini ushlab turishga va defekatsiya chaqiruvlarining kamayishiga yordam beradi. Ta'siri tez boshlanadi va 4–6 soat davom etadi.

Agar loperamid qo‘llanilganidan keyin 2 kun o‘tgach ta’siri bo‘lmasa, tashxisni aniqlashtirish va diareyaning infeksion kelib chiqishini istisno qilish zarur. Davolash davrida avtotransport boshqarishda va diqqatni yuqori jamlash hamda psixomotor reaksiyalar tezligini talab qiladigan boshqa potensial xavfli faoliyat turlari bilan shug‘ullanishda ehtiyotkorlikka rioya qilish zarur.

Siptomlari: markaziy asab tizimi faoliyatining susayishi (stupor, muvofiqlashtirishning buzilishi, uyquchanlik, mioz, mushak gipertoniyasi, nafas olishning susayishi), ichak tutilishi. Davolash: antidot — nalokson; loperamid ta’sirining davomiyligi naloksonnikidan ko‘proq bo‘lgani uchun, oxirgisini qayta yuborish mumkin. Siptomatik davolash: faollashtirilgan ko‘mir, oshqozonni yuvish, sun’iy nafas oldirish. Kamida 48 soat davomida tibbiy kuzatuv zarur.