Bupivakain 1 ml eritmada bupivakain gidroxloridi bezvodnogo 5 mg mavjud. Yordamchi moddalari natriy xlorid; in'ektsiya uchun suv.

Infiltratsion anesteziya, agar ta’sir davomiyligini sezilarli darajada oshirish zarur bo‘lsa, masalan, operatsiyadan keyingi og‘riqni bartaraf etish uchun.
Uzoq muddatli nerv blokadasi yoki epidural anesteziya, agar adrenalin qo‘shish mumkin bo‘lmasa va kuchli miorelaksantlarni qo‘llash maqsadga muvofiq bo‘lmasa. Akusherlikda anesteziya.

Amid tipidagi mahalliy anesteziklarga yoki preparatning boshqa komponentlariga yuqori sezuvchanlik.
Bupivakainni vena ichiga mintaqaviy anesteziya (Bir bloki) uchun qo‘llash tavsiya etilmaydi.
Bupivakainni arterial gipotenziya yaqqol namoyon bo‘lgan bemorlarda, masalan, kardiogen yoki gipovolemik shok holatida epidural anesteziya uchun qo‘llash tavsiya etilmaydi. Epidural anesteziya, ishlatilayotgan mahalliy anestezikdan qat’i nazar, o‘ziga xos qarshi ko‘rsatmalarga ega, ular faol bosqichdagi asab tizimi kasalliklarini o‘z ichiga oladi, masalan, meningit, poliomiyelit, bosh ichiga qon quyilishi, pernitsioz anemiya natijasida orqa miya subakut kombinatsiyalangan degeneratsiyasi va bosh va orqa miya o‘smalari; umurtqa sil kasalligi; lyumbal punksiya o‘tkaziladigan joyda yoki uning yaqinida terining yiringli infeksiyasi; qon ivishining buzilishi yoki antikoagulyantlar bilan joriy davolash. 

Homiladorlik va emizish davrida qo‘llash

Insonda homiladorlik kechishiga salbiy ta’sir ko‘rsatishi bo‘yicha dalillar yo‘q, biroq Longokain® ni homiladorlikning ilk bosqichlarida, faqat foyda xavfdan ustun bo‘lsa, qo‘llash tavsiya etiladi.

Paratservikal blokada o‘tkazilganda, homilada mahalliy anesteziklar qo‘llanilishi natijasida yuzaga keladigan nojo‘ya reaksiyalar (masalan, bradikardiya) xavfi ortadi. Bunday ta’sirlar anestezikning yuqori konsentratsiyasi natijasida yuzaga kelishi mumkin, bu esa homilaga yetib boradi (qarang «Qo‘llash xususiyatlari» bo‘limi).

Bupivakain ona sutiga o‘tadi, biroq shunday kichik miqdorda, preparat terapevtik dozalarda qo‘llanganda bolaga ta’sir qilish xavfi mavjud emas.

Transport vositalarini yoki boshqa mexanizmlarni boshqarish tezligiga ta’sir qilish qobiliyati

Longokain® transport vositalarini boshqarish va mexanizmlar bilan ishlash qobiliyatiga minimal ta’sir ko‘rsatadi. Mahalliy anesteziklarning bevosita ta’siridan tashqari, ular markaziy asab tizimiga aniq toksik ta’sir bo‘lmasa ham, ruhiy funksiyalar va harakatlarni muvofiqlashtirishga juda oz ta’sir ko‘rsatishi, shuningdek, vaqtincha harakat faolligi va diqqatning pasayishiga olib kelishi mumkin. 

Longokain® faqatgina regional anesteziya o'tkazishda tajribaga ega shifokorlar tomonidan yoki ularning nazorati ostida qo'llanilishi kerak. Yetarli darajada anesteziya darajasiga erishish uchun eng kichik dozalardan foydalanish lozim.
To'satdan qon tomir ichiga yuborilishining oldini olish uchun, ayniqsa, ehtiyotkorlik bilan, jumladan, diqqat bilan aspiratsiya qilish zarur. Epidural anesteziyada Longokain® 3-5 ml adrenalin bilan test dozasi kiritilishi kerak, chunki adrenalin qon tomir ichiga yuborilganda yurak urish tezligi tezda oshadi. Test dozasi yuborilgandan so'ng 5 daqiqa davomida bemor bilan og'zaki aloqa saqlanishi va yurak urish tezligi monitoringi o'tkazilishi kerak. Bundan tashqari, umumiy doza yuborilishidan oldin aspiratsiya o'tkazish, doza esa sekin, 25-50 mg/min tezlikda, bosqichma-bosqich, bemor bilan doimiy aloqa saqlangan holda yuborilishi kerak. Intoksikatsiya simptomlari paydo bo'lsa, preparat yuborilishini darhol to'xtatish lozim.
Quyida tavsiya etilgan dozalari keltirilgan. Dozalash blokada darajasi va bemorning umumiy holatiga qarab moslashtirilishi kerak.
Infiltratsion anesteziya uchun Longokain® 5 mg/ml dan 5-30 ml (25-150 mg bupivakain gidroxloridi) yuboriladi.
Qovurg'alararo blokada uchun har bir nervga Longokain® 5 mg/ml dan 2-3 ml (10-15 mg bupivakain gidroxloridi), jami 10 ta nervgacha yuboriladi.
Katta nervlar blokadasi uchun (masalan, epidural, sakral anesteziya va pleksus brakialis anesteziyasi) Longokain® 5 mg/ml dan 15-30 ml (75-150 mg bupivakain gidroxloridi) yuboriladi.
Akusherlik anesteziyasi uchun (masalan, epidural anesteziya va kaudal anesteziya vaginal tug'ruq yoki vakuum-ekstraktsiya paytida) Longokain® 5 mg/ml dan 6-10 ml (30-50 mg bupivakain gidroxloridi) yuboriladi. Keltirilgan dozalar boshlang'ich bo'lib, zarurat tug'ilganda har ikki-uch soatda takroran yuborilishi mumkin.
Epidural blokada uchun (kesarcha kesish operatsiyasida) Longokain® 5 mg/ml dan 15-30 ml (75-150 mg bupivakain gidroxloridi) yuboriladi.
Opioid vositalar bilan birga qo'llanilganda bupivakain dozasini kamaytirish kerak.
Infuziya yuborish davrida arterial bosim, yurak urish tezligi va intoksikatsiya simptomlari muntazam nazorat qilinishi kerak. Toksik ta'sir belgilari paydo bo'lsa, infuziya darhol to'xtatilishi lozim.
Maksimal tavsiya etilgan dozalari
Bitta holatda qo'llaniladigan maksimal tavsiya etilgan doza tana vazniga nisbatan 2 mg/kg hisoblanadi; kattalar uchun maksimal doza 4 soat davomida 150 mg ni tashkil etadi.
Longokain® 5 mg/ml 30 ml (150 mg bupivakain gidroxloridi)
Sutkalik maksimal tavsiya etilgan doza 400 mg ni tashkil etadi. Umumiy doza bemorning yoshi, tana vazni va boshqa muhim holatlarga qarab moslashtirilishi kerak.

Dorining o‘zi chaqirgan nojo‘ya ta’sirlarni nervlarni bloklashning fiziologik ta’sirlaridan (masalan, arterial bosimning pasayishi, bradikardiya), to‘g‘ridan-to‘g‘ri igna punktsiyasi bilan bog‘liq hodisalardan (masalan, nervlarning shikastlanishi), yoki igna punktsiyasi bilvosita sabab bo‘lgan hodisalardan (masalan, epidural abscess) ajratish qiyin bo‘lishi mumkin.

Juda tez-tez uchraydiganlar
(> 1/10)Umumiy ko‘ngil aynishi
Yurak-qon tomir tizimi tomonidan arterial gipotenziya
Tez-tez uchraydiganlar
(1/10 – 1/100)
Yurak-qon tomir tizimi tomonidan bradikardiya, arterial gipertenziya
Markaziy asab tizimi tomonidan paresteziya, bosh aylanishi
Ovqat hazm qilish tizimi tomonidan qusish
Siydik chiqarish tizimi tomonidan siydik tutilishi
Kam uchraydiganlar
(1/100 -1/1000)
Markaziy asab tizimi tomonidan toksiklik simptomlari (tutqanoq, og‘iz atrofida paresteziya, tilning uvishishi, giperkakuziya, ko‘rishning buzilishi, hushdan ketish, tremor, bosh aylanishi, quloqda shovqin, dizartriya)
Noyob
(< 1/1000)
Umumiy allergik reaksiyalar, eng og‘ir hollarda – anafilaktik shok
Markaziy asab tizimi tomonidan nevropatiya, periferik nervlarning shikastlanishi, araknoidit, parez va paraplegiya
Ko‘rish organlari tomonidan ko‘rishda ikki tasvir ko‘rinishi
Yurak-qon tomir tizimi tomonidan yurak to‘xtashi, yurak aritmiyalari
Nafas yo‘llari tomonidan nafas olishning susayishi

Longokain® bupivakainni o'z ichiga oladi - uzoq ta'sir qiluvchi amid tipidagi mahalliy anestezik. Bupivakain nerv tolalari orqali impulslarning o'tkazilishini qaytar reversiv tarzda bloklaydi, natriy ionlarining nerv membranalari orqali transportini bostiradi. Shunga o'xshash effektlar miya va miokardning qo'zg'aluvchan membranalarida ham kuzatilishi mumkin.
Bupivakainning eng muhim xususiyati uning ta'sir davomiyligining yuqoriligi hisoblanadi. Bupivakainning adrenalin bilan va usiz ta'sir davomiyligi o'rtasidagi farq nisbatan kichikdir. Bupivakain ayniqsa uzoq muddatli epidural blokada o'tkazish uchun mos keladi. Pastroq konsentratsiyalar harakat nerv tolalariga kuchsizroq ta'sir ko'rsatadi va ta'sir davomiyligi qisqaroq bo'ladi, shuningdek, uzoq muddatli og'riqsizlantirish uchun, masalan, tug'ruq vaqtida yoki operatsiyadan keyingi davrda qo'llash uchun mos bo'lishi mumkin.