ta'sir qiluvchi modda: citicoline; 1 ml preparatda natriy tsitikolini - 104,5 mg, tsitikolin hisobiga - 100 mg mavjud Yordamchi moddalar: metilparagidroksibenzоat (E 218) propilparagidroksibenzоat (E 216) kaliy sorbat; natriy; limon kislotasi monogidrat, sorbit (E 420) natriy saxarin, oziq-ovqat aromatizatori «Qulupnay 653; 665»; glitserin, tozalangan suv. Asosiy fizik-kimyoviy xususiyatlari: rangsizdan sarg'ish ranggacha bo'lgan shaffof eritma.

- Insultning o‘tkir bosqichi va uning nevrologik oqibatlari. - Bosh miya jarohati va uning nevrologik asoratlari. - Surunkali tomir va degenerativ miya kasalliklari natijasida yuzaga kelgan kognitiv buzilishlar va xulq-atvor buzilishlari.

Preparat komponentlariga yuqori sezuvchanlik. Parasimpatik asab tizimi tonusining oshishi.

Og'iz orqali. Kattalar uchun tavsiya etiladigan doza kuniga 500 mg (5 ml) dan 2000 mg (20 ml) gacha bo'lib, 2-3 marta qabul qilinadi. Oziq-ovqat qabul qilishdan qat'i nazar qabul qilinadi. Kerakli miqdordagi eritma shprits-dozatorga olinadi va oz miqdordagi suv bilan aralashtiriladi, shprits-dozator yordamida qabul qilinadi. Har bir qo'llashdan keyin shprits-dozatorni suv bilan yuvish zarur. Preparat dozalari va davolash davomiyligi miya zararlanishining og'irligiga bog'liq va individual belgilanadi. Tavsiya etiladigan minimal davolash muddati - 45 kun. Keksalar uchun doza tuzatish talab qilinmaydi.

Nojo'ya reaksiyalar juda kam hollarda (<1/10000) uchraydi, yakka holatlarni o'z ichiga oladi. Psixik buzilishlar: gallyutsinatsiyalar. Nerv tizimi tomonidan: kuchli bosh og'rig'i, bosh aylanishi. Yurak-qon tomir tizimi tomonidan: arterial gipertenziya, arterial gipotenziya, taxikardiya. Nafas olish tizimi tomonidan: nafas qisishi. Ovqat hazm qilish trakti tomonidan: ko'ngil aynishi, qusish, diareya. Umumiy buzilishlar: titroq, shish, allergik reaksiyalar, jumladan: toshma, purpura, qichishish, angionevrotik shish, anafilaktik shok.

Tsitikolin neyronlar membranasida tuzilmaviy fosfolipidlar biosintezini rag'batlantiradi, membrana funksiyalarini, shu jumladan, ion almashinuvi nasoslari va neyroreceptorlar faoliyatini yaxshilashga yordam beradi. Membranani barqarorlashtiruvchi ta'siri tufayli tsitikolin qarshi shish xususiyatlariga ega, shuning uchun miya shishini kamaytiradi. Tadqiqot natijalari shuni ko'rsatdiki, tsitikolin ayrim fosfolipazalar faoliyatini bostiradi, erkin radikallarning qoldiq paydo bo'lishiga to'sqinlik qiladi, membrana tizimlarining shikastlanishini oldini oladi va himoya qiluvchi antioksidant tizimni saqlab turishni ta'minlaydi. Tsitikolin apoptoz mexanizmlariga ta'sir qilib, hujayralarning nobud bo'lishini oldini olib, zararlangan to'qima hajmini kamaytiradi va xolinergik uzatishni yaxshilaydi. Tsitikolin, shuningdek, miya o'choqli insultlarida profilaktik neyroprotektor ta'sir ko'rsatadi. Tsitikolin o'tkir miya qon aylanishi buzilishlarida bemorlarning tez funksional reabilitatsiyasiga yordam beradi, miya to'qimalarining ishemik shikastlanishini kamaytiradi, bu rentgenologik tadqiqotlar natijalari bilan tasdiqlangan. Bosh miya jarohatlarida tsitikolin tiklanish davrining davomiyligini qisqartiradi va posttravmatik sindromning intensivligini kamaytiradi. Tsitikolin miya faoliyati darajasini oshirishga yordam beradi, amneziya darajasini pasaytiradi, miya ishemiyasida kuzatiladigan kognitiv, sensitiv va motor buzilishlarda holatni yaxshilaydi.