100% tabiiy dengiz suvi. Izotonik tabiiy steril dengiz suvi, natriy xlorid (NaCl) miqdori 9 g/l, osmolyalik ko‘rsatkichi 200-400 mOsm/kg. Dengiz suvining barcha faol moddalarini va mikroelementlarini o‘z ichiga oladi: K, Mg, Na, Sa, Cl, Se, I, Zn, Cu, Fe va boshqalar. Konservantlar saqlamaydi.

Burun bo‘shlig‘ini yuvish va sug‘orish uchun «LinAkva bebi» unidozalari 0 yoshdan boshlab bolalarda qo‘llanilishi mumkin - chaqaloqning burun bo‘shlig‘ini kundalik gigiyena va namlash uchun hayotining birinchi kunlaridan boshlab; - O‘RVI va gripp epidemiyasi davrida kundalik foydalanish uchun; - noqulay atrof-muhit sharoitlarida, ya’ni og‘ir iqlim sharoitida yashash, konditsionerlangan havo va/yoki markaziy isitish tizimi bo‘lgan xonalarda bo‘lish, ifloslangan havoning (chang, bo‘yoq va boshqalar) ta’siri; - chaqaloqning burun bo‘shlig‘ining o‘tkir va surunkali yallig‘lanish kasalliklarining (infeksion, allergik, atrofik) oldini olish va kompleks davolash uchun kundalik foydalanish; - o‘tkir va surunkali rinitlar; - o‘tkir va surunkali sinusitlar; - o‘tkir va surunkali adenoiditlar; - allergik va atrofik rinitlar; - burun shilliq qavatini dori vositalarini qo‘llashga tayyorlash uchun.

Yuvish va sug'orish vositasi komponentlariga individual toqat qilmaslik; - burun yo'llarining to'liq o'tmasligi; - o'tkir otit va surunkali otitning zo'rayishi.

Davolash: burun bo'shlig'ini yuvish kuniga 4 marta Profilaktika va kundalik gigiyena: burun bo'shlig'ini yuvish kuniga 2-3 marta Preparatni qo'llash davomiyligi va tez-tezligi cheklanmagan.

Dori vositasini qo‘llash bo‘yicha ko‘rsatmalarga muvofiq nojo‘ya ta'sirlar aniqlanmagan.

Qo‘llanilish sohasi – otorinolaringologiya. Vosita bolalarda 0 yoshdan boshlab LOR kasalliklarining oldini olish va kompleks davolashda burun bo‘shlig‘i va burun-halqum shilliq qavatini yuvish va sug‘orish orqali qo‘llaniladi. Yallig‘lanishga qarshi va namlovchi ta’sir ko‘rsatadi, tirnashni kamaytiradi. Burun bo‘shlig‘i va burun-halqumning barcha bo‘limlarini puxta yuvadi, ularni bakteriyalar, viruslar, alergenlar, qobiqchalar, shilimshiq, chang zarralaridan faol tozalaydi. Burun bo‘shlig‘i shilliq qavatining normal fiziologik holatini saqlaydi, mahalliy immunitetni oshiradi. Burun bo‘shlig‘i va burun-halqum shilliq qavatining shishishini kamaytiradi, burun orqali nafas olishni tiklashga yordam beradi. Burun bo‘shlig‘i shilliq qavatiga surtiladigan dori vositalarining terapevtik samaradorligini oshiradi va nafas yo‘llari kasalliklarining davomiyligini qisqartiradi. Infeksiyaning burun atrofidagi bo‘shliqlarga va quloq bo‘shlig‘iga tarqalish xavfini kamaytiradi. Burun bo‘shlig‘i va burun-halqum shilliq qavatining regeneratsiya jarayonlarini tezlashtiradi, burun bo‘shlig‘i va burun atrofidagi bo‘shliqlarda operatsiyalardan keyin asoratlar rivojlanish xavfini kamaytiradi.

Barcha intranazal qo‘llash uchun mo‘ljallangan vositalar va fizioterapevtik muolajalar bilan birga qo‘llanilishi mumkin. Dori vositalari bilan o‘zaro ta’siri aniqlanmagan. Intranazal yuborish uchun boshqa dori vositalari bilan birga qo‘llash mumkin. Bunday holda burun bo‘shlig‘i birinchi navbatda LinAkva bebi vositasi bilan yuviladi.

Vosita insonning psixomotor holatiga ta’sir ko‘rsatishga qodir bo‘lgan mahsulotlarga kirmaydi.