Yondirilgan, travmatik, operatsiyadan keyingi chandiqlar; uzoq bitmaydigan yaralar (jumladan, nurlanishdan keyingi); Dyupyuytren kontrakturasi; bo‘g‘imlarning qattiqligi, bo‘g‘im kontrakturalari (yallig‘lanish jarayonlari, jarohatlardan keyin), osteoartroz, ankilozlovchi spondiloartrit, bel disklari og‘ir kasalliklari; surunkali tendovaginit, sklerodermiya (teri ko‘rinishlari), yumshoq to‘qimalarning yuzaki gematomasi; chandiqli tortilishlar bo‘yicha teri-plastik operatsiyalarga tayyorlash. O‘pka sil kasalligi (bronxlarda nospetsifik shikastlanishlar bilan asoratlangan), yuqori nafas yo‘llari va bronxlardagi yallig‘lanish jarayonlari obstruksiya belgilari bilan. Nerv to‘rchalari va periferik nervlarning travmatik shikastlanishlari (pleksit, nevrit). Gifema, gemoftalm, turli etiologiyali retinopatiyalar.

Gipersensitivlik, o‘tkir infeksion-yallig‘lanish kasalliklari, yaqinda bo‘lgan qon quyilishlar. Ingalatsion yuborish uchun – o‘pka tuberkulyozi og‘ir nafas yetishmovchiligi bilan; o‘pka qon ketishi, qon tupurish; yomon sifatli o‘sma, yangi qon quyilish ko‘zning shishasimon tanasiga. Estrogenlarni birga qabul qilish. Ehtiyotkorlik bilan: homiladorlik, laktatsiya davri.

Chandiqli shikastlanishlarda teri ostiga (chandiqli o‘zgargan to‘qimalar ostiga) yoki mushak ichiga (shikastlanish joyi yaqiniga) kunora yoki har kuni 64 YE (1 ml) yuboriladi (jami 10-20 in'ektsiya). Travmatik shikastlanishlarda nerv to‘rlarining va periferik nervlarning zararlangan sohasiga teri ostiga (prokain eritmasida 64 YE) kunora yuboriladi; kurs bo‘yicha 12-15 in'ektsiya. Zarurat tug‘ilganda davolash kursi takrorlanadi. Oftalmologik amaliyotda preparat subkon'yunktival – 0,3 ml, parabulybar – 0,5 ml, shuningdek, elektroforez usuli bilan yuboriladi. Yallig‘lanishning produktiv xususiyatiga ega o‘pka siliga chalingan bemorlarga kompleks terapiyada zararlangan o‘choqlarda antibakterial dori vositalarining konsentratsiyasini oshirish uchun in'ektsiya va/yoki ingalyatsiya ko‘rinishida buyuriladi. Ingalyatsiyalar har kuni 1 marta, 5 ml eritma (320 YE) ishlatiladi. Davolash kursi 20-25 ingalyatsiyadan iborat. Zarurat tug‘ilganda 1,5-2 oy tanaffus bilan takroriy kurslar o‘tkaziladi. Preparat eritmasi bilan shimdirilgan bog‘lamlar ko‘rinishida. Eritmani tayyorlash uchun har 64 YE 10 ml steril 0,9 % natriy xlorid eritmasida yoki xona haroratidagi qaynatilgan suvda eritiladi. Ushbu eritma bilan 4-5 qavat qilib buklangan steril bog‘lam namlanadi, zararlangan soha ustiga qo‘yiladi, mumli qog‘oz bilan yopiladi va yumshoq bog‘lam bilan mahkamlanadi. Doza zararlanish maydoniga bog‘liq (32-64 YE/kv.sm), o‘rtacha – bir bog‘lamga 320 YE. Bog‘lam har kuni 15-18 soatga, 15-60 kun davomida qo‘yiladi. Uzoq muddatli qo‘llashda har 2 haftada 3-4 kunlik tanaffus qilinadi. Elektroforez usulida qo‘llanganda 320 YE 64 ml distillangan suvda eritiladi, 2-3 tomchi 0,1 % xlorid kislota eritmasi qo‘shiladi va anoddan zararlangan soha ustiga 20-30 daqiqa davomida yuboriladi. Davolash kursi – 15-20 seans. Aplikatsion dozalash rejimi elektroforez bilan navbatma-navbat qo‘llanilishi mumkin. Tayyorlangan eritma 24 soat ichida ishlatilishi kerak.

Allergik reaksiyalar; uzoq muddatli qo‘llashda – mahalliy tirnash xususiyati beruvchi ta’sir.

Ferment preparati, yirik shoxli qoramol urug‘donlaridan ajratib olingan. Biriktiruvchi to‘qima oraliq moddasining asosiy komponenti – gialuron kislotani (mukopolisaxarid, tarkibiga atsetilglyukozamin va glyukuron kislotasi kiradi, biriktiruvchi to‘qimaning sementlovchi moddasidir) parchalaydi, uning yopishqoqligini kamaytiradi, to‘qima va tomir o‘tkazuvchanligini oshiradi, suyuqliklarning orato‘qimalardagi harakatini osonlashtiradi; to‘qima shishishini kamaytiradi, chandiqlarni yumshatadi va tekislaydi, bo‘g‘imlardagi harakat hajmini oshiradi, kontrakturalarni kamaytiradi va ularning shakllanishini oldini oladi. Gialuronidaza gialuron kislotani glyukozamin va glyukuron kislotagacha parchalanishini chaqiradi va shu bilan uning yopishqoqligini kamaytiradi. Teriga yuborilganda ta’sir davomiyligi – 48 soatgacha.

Eritmani ilgari kationlar saqlovchi eritmalar yuborilgan kateter orqali yuborish tavsiya etilmaydi. Inyeksiya uchun eritmalar 0,9% natriy xlorid eritmasida yoki 0,5% prokain eritmasida, ingalyatsiya uchun – 0,9% natriy xlorid eritmasida, elektroforez uchun – distillangan suvda tayyorlanadi. Davolashni boshlashdan oldin 20 mkl gialuronidazani teri ichiga yuborish bilan test o‘tkazish maqsadga muvofiq. Infeksion yallig‘lanish va o‘sma sohalariga yuborish tavsiya etilmaydi. O‘tkir qon quyilishlarda gialuronidaza qo‘llanilmaydi.