Levofloksasinga sezgir mikroorganizmlar shtammlari tomonidan chaqirilgan yengil, o‘rta og‘irlikdagi va og‘ir infeksiyalar terapiyasi
- Streptococcus pneumoniae, Haemophilus influenzae, Moraxella catarrhalis tomonidan chaqirilgan o‘tkir sinusit;
- bakterial infeksiya bilan bog‘liq surunkali bronxitning zo‘rayishi (Staphylococcus aureus, Streptococcus pneumoniae, Haemophilus influenzae, Haemophilus parainfluenzae, Moraxella catarrhalis);
- Staphylococcus aureus, Streptococcus pneumoniae (shu jumladan penitsillinga chidamli shtammlar, penitsillin MPK ≥2 mkg/ml), Haemophilus influenzae, Haemophilus parainfluenzae, Klebsiella pneumoniae, Legionella pneumophila, Moraxella catarrhalis, Chlamydia pneumoniae yoki Mycoplasma pneumoniae tomonidan chaqirilgan statsionardan tashqari pnevmoniya;
- metitsillinga sezgir Staphylococcus aureus, Streptococcus pyogenes, Enterococcus faecalis, Proteus mirabilis shtammlari tomonidan chaqirilgan teri va uning qo‘shimchalari asoratli infeksiyalari;
- Staphylococcus aureus yoki Streptococcus pyogenes tomonidan chaqirilgan teri va yumshoq to‘qimalarning asoratsiz infeksiyalari (yengil va o‘rta og‘irlikda), shu jumladan abscess, flegmona, furunkul, impetigo, piodermiya, yara infeksiyasi;
- Escherichia coli, Klebsiella pneumoniae, Staphilococcus saprophyticus tomonidan chaqirilgan siydik chiqarish yo‘llarining asoratsiz infeksiyalari (yengil va o‘rta og‘irlikda);
- Enterococcus faecalis, Enterobacter cloacae, Escherichia coli, Klebsiella pneumoniae, Proteus mirabilis, Pseudomonas aeruginosa tomonidan chaqirilgan siydik chiqarish yo‘llari va buyraklarning asoratli infeksiyalari (yengil va o‘rta og‘irlikda);
- Escherichia coli tomonidan chaqirilgan o‘tkir pielonefrit (yengil va o‘rta og‘irlikda). 

 Preparat tomchilab sekin 250-750 mg har 24 soatda vena ichiga yuboriladi (250-500 mg doza 60 daqiqa davomida, 750 mg – 90 daqiqa davomida yuboriladi). Keyinchalik xuddi shu dozada peroral qabulga o'tish mumkin. Davolash davomiyligi qo'llash ko'rsatmalariga, shuningdek, taxmin qilinayotgan qo'zg'atuvchining sezuvchanligiga bog'liq. Tavsiya etilgan dozalash tartibiga qat'iy rioya qilish kerak. Preparatni qo'llash tana harorati normallashganidan keyin 2-3 kun davom ettirish tavsiya etiladi. Preparat bilan davolashni mustaqil ravishda to'xtatish yoki muddatidan oldin yakunlash mumkin emas.
Pnevmoniyada vena ichiga 500 mg 1-2 marta/kun 7-14 kun davomida yuboriladi.
Murakkab bo'lmagan siydik chiqarish yo'llari infeksiyalarida - vena ichiga 250 mg 1 marta/kun, 3 kun davomida. Og'ir siydik chiqarish yo'llari va buyrak infeksiyalarida vena ichiga yuborish dozasini va davolash muddatini oshirish mumkin.
Teri va yumshoq to'qimalar infeksiyalarida vena ichiga 500 mg 2 marta/kun 7-14 kun davomida qo'llaniladi.
Pnevmoniyani, pnevmokokk sababli og'ir kechganida va Pseudomonas aeruginosa qo'zg'atuvchisi sababli kasalxonada yuzaga kelgan infeksiyada preparatni qo'llash yetarli samarali bo'lmasligi va kombinatsiyalangan davolash talab qilinishi mumkin.
Buyrak funksiyasi buzilgan bemorlarda dozalash tartibini tuzatish talab qilinadi. Kreatinin klirensi miqdoriga qarab preparat quyidagi sxema bo'yicha buyuriladi
- kreatinin klirensi 50-20 ml/min bo'lsa, birinchi sutkada odatdagi doza (kreatinin klirensi normal bo'lgan bemorlar uchun tavsiya etilgan) yuboriladi, ikkinchi sutkadan boshlab preparat dozasini ikki baravar kamaytiriladi.
- kreatinin klirensi 19-10 ml/min bo'lsa, birinchi sutkada odatdagi doza (kreatinin klirensi normal bo'lgan bemorlar uchun tavsiya etilgan) yuboriladi, ikkinchi sutkadan boshlab preparat dozasini to'rt baravar kamaytiriladi.
- kreatinin klirensi 10 ml/min dan kam bo'lsa (shu jumladan gemodializ va uzoq muddatli ambulator peritoneal dializ) birinchi sutkada odatdagi doza (kreatinin klirensi normal bo'lgan bemorlar uchun tavsiya etilgan) yuboriladi. Dozasi 500 mg/kun dan oshmagan hollarda, ikkinchi sutkadan boshlab preparat dozasini to'rt baravar kamaytiriladi.
500 dan 1000 mg/kun dozasi buyurilgan bemorlarda, ikkinchi sutkadan boshlab preparat dozasini sakkiz baravar kamaytiriladi. 

 Fenbufen va unga o‘xshash nosteroid yallig‘lanishga qarshi vositalar, teofillin bilan birga qo‘llanganda preparat tutqanoq tayyorgarlik chegarasini pasaytirishi mumkin.
Sukralfat, temir tuzlari va magniy yoki alyuminiy saqlovchi antasid vositalar levofloksasin ta’sirini kamaytiradi (preparatlarni qabul qilish oralig‘i kamida 2 soat bo‘lishi kerak).
Varfarin bilan bir vaqtda qo‘llanganda protrombin vaqti va qon ketish xavfi oshadi (MNO, protrombin vaqti va boshqa koagulyatsiya ko‘rsatkichlarini, shuningdek, qon ketishining mumkin bo‘lgan belgilarini diqqat bilan monitoring qilish zarur).
Levofloksasinni chiqarilishi tsimetidin va probenetsid ta’sirida biroz sekinlashadi. Levofloksasin qon plazmasidan siklosporin T1/2 ni biroz oshiradi.
Glyukokortikoidlar paylarning yorilishi xavfini oshiradi (ayniqsa, keksalarda).
Alkogol markaziy asab tizimi tomonidan nojo‘ya ta’sirlarni kuchaytirishi mumkin (bosh aylanishi, karaxtlik, uyquchanlik).
Diabet bilan kasallangan, peroral gipoglikemik vositalar yoki insulin qabul qilayotgan bemorlarda levofloksasin qabul qilish fonida gipoglikemik va giperglikemik holatlar mumkin (qon glyukozasi darajasini diqqat bilan monitoring qilish tavsiya etiladi). 

 Preparatning infuzion eritmasi quyidagi eritmalar bilan mos keladi: fiziologik eritma, 5% dekstroza eritmasi, 2,5% dekstroza bilan Ringer eritmasi, parenteral oziqlantirish uchun kombinatsiyalangan eritmalar (aminokislotalar, uglevodlar, elektrolitlar). Preparatning infuzion eritmasini geparin va ishqoriy reaksiya ko'rsatadigan eritmalar bilan aralashtirib bo'lmaydi.
Avtomobil va potentsial xavfli mexanizmlarni boshqarish qobiliyatiga ta'siri davolanish davrida bosh aylanishi, uyquchanlik, qattiqlik va ko'rish buzilishi paydo bo'lishi mumkinligi sababli, psixomotor reaksiyaning sekinlashuvi va diqqatni jamlash qobiliyatining pasayishiga olib kelishi mumkinligi tufayli avtomobil va potentsial xavfli mexanizmlarni boshqarishdan voz kechish kerak.
Ehtiyot choralar
Preparatni miya zararlanishi (insult yoki og'ir travma) bo'lgan bemorlarda ehtiyotkorlik bilan qo'llash kerak, chunki tutqanoq rivojlanishi mumkin.
Saxarli diabet bilan og'rigan, bir vaqtda peroral gipoglikemik vositalar (insulin yoki glibenklamid) qabul qilayotgan bemorlarda preparatni qo'llashda, levofloksasin gipoglikemiyani chaqirishi mumkinligini inobatga olish kerak.
Terining shikastlanishini (fotosensibilizatsiya) oldini olish uchun bemorlarga quyosh yoki sun'iy ultrabinafsha nurlanishiga (masalan, uzoq vaqt to'g'ridan-to'g'ri quyosh nuri ostida bo'lish yoki solyariyga borish) duchor bo'lmaslik tavsiya etiladi, fototoksik ta'sirlar (terida toshma) paydo bo'lsa, preparat bilan davolashni to'xtatish kerak.
Glyukoza-6-fosfatdegidrogenaza yetishmovchiligi bo'lgan bemorlarda eritrotsitlarning gemolizi rivojlanishi mumkin.
Og'ir, uzoq davom etuvchi diareya, qon aralashmasi bilan yoki bo'lmasa, paydo bo'lsa, shifokorga xabar berish kerak. Diareya antibiotikoterapiya natijasida yuzaga kelgan enterokolit sababli bo'lishi mumkin. Psevdomembranoz kolitdan shubhalanilganda preparatni darhol to'xtatish va mos davolashni boshlash kerak. Bunday holatda ichak motorikasini susaytiruvchi dori vositalarini qo'llash mumkin emas.
Keksalarda preparatni qo'llash tendinit (asosan Axill to'mtomi) va uning yorilishi rivojlanishiga olib kelishi mumkin. Tendinitdan shubhalanilganda preparatni to'xtatish va zararlangan to'mtomni davolash, uni immobilizatsiya qilish kerak.
Davolanish davrida alkogol iste'mol qilishdan saqlanish kerak.
Preparatni yaroqlilik muddati tugaganidan keyin qo'llash mumkin emas va uni bolalar uchun yetib bo'lmaydigan joyda saqlash kerak. 

 Belgilar ongning chalkashishi, bosh aylanishi va tutqanoq xurujlari, ko'ngil aynishi, shilliq qavatlarning eroziyali shikastlanishlari.
Davolash simptomatik terapiya (spetsifik antidot yo'q), dializ yo'li bilan chiqarilmaydi.